Þvagblöðrumál...

[Sverrir]

Eru ekki allir með svínaþvagblöðrur í módelkössunum sínum!?

[Agust]

Það væri mjög fróðlegt að heyra álit kírúrganna okkar. Björn, ertu að hlusta?

[Björn G Leifsson]

Áhugavert.. veit reyndar ekkert um þetta svínerí.. eh ég meina svínapúlverið góða sem þarna var greinilega notað í fyrsta skipti á mannlegt hold. Mér sýnist nú ekki fingurinn sem maðurinn heldur á lofti geta hafa styst mikið við slysið.
Nöglin er heil að sjá og á sínum stað svo sennilega hefur bara höggvist framanaf fingurbroddsholdinu. Hér áður fyrr var talið rétt að stytta kjúkuna og draga holdið fram fyrir en menn eru alveg hættir svoleiðis pjatti og láta sárið holdfyllast af sjálfu sér undir hentugum umbúnaði.
Það er ótrúlegt hvað það getur vaxið fram og orðið fínn árangur af því þó framaná fingurinn vanti.
Sennilega hefði fingur þessi gróið vel, sama hvaða skynsamlegar umbúðir hafi við verið hafðar og eitt tilfelli sannar lítið.
Það er stöðugt verið að finna upp betri plástra, rétt eins og menn eru að reyna að búa til betri músagildrur. Hjúkrunarfólkið verður mikið fyrir ágangi sölumanna (og kvenna) sem telja sig hafa bestu umbúðirnar (og oftast dýrustu) en gömlu grisjurnar eru nú oftast bestar (og ódýrastar)
Við heyrum kannski meira um þetta og um rækjuskeljarplástrana sem munu úr íslensku hugviti vera sprottnir og á amrískum soldátasárum vel reynast þessa dagana.

Talandi um rækjuskel, þá var hún og er kannski enn notuð til þess að bæta litinn á eggjarauðum. Það má þó ekki gefa hænunum of mikið af henni því þá kemur fiskbragð af eggjunum

[kip]

Rækjuskelin... Löngu áður en ég varð formlegt tölvunörd hjá Skýrr vann ég við eitt sumar (17 ára gutti) að bræða rækjuskel í alveg ótrúega fínt duft sem svo var shippað út og notað í td. snyrtivörur.... Sem að mér fannst fyndið því ýldan var yfirnáttúruleg í hráefninu og stundum var hátt hlutfall hráefnisins fiskiflugumaðkar. Já það er dásamlegt að rifja upp þá tíma þegar maður var að opna rækjuskelssekkina fyrir ofan sig og fá slæðing af möðkum inná sig og í vasana. Rækjuskel er alltaf komin í þetta ástand þegar hún er brædd hvort sem er plástrar fyrir US Army eða nýjasta sólarpúðrið. Máski eru það bara efni úr maðkaskelinni sem græða sárin svona vel? Maðkaskelin er ekkert grín, setur maðka í 15% klór og þeir dunda sér þar í langan tíma án þess að vita af því og lifa góðu lífi eftir það. Jæja, þetta kemur flugmódelum lítið við

[Björn G Leifsson]

Ja... ekki nema það að fæla menn frá því að fara óvarlega og klippa framanaf fingrunum á sér og fá maðkadufts eða svíanhlandblöðruplástur.

Annars eru flugumaðkar fínir til að hreinsa sár... ég hef séð dálítið af því þegar ég vann á svona alvöru ER í New York. Gamla liðið með langvinn fótasár sem aldrei vildu gróa, það var ekkert slæmt þegar flugurnar verptu í þau á sumrin og maðkarnir fengu að athafna sig undir umbúðunum. Hreinni sár var vart hægt að fá því maðkarnir átu alt nema lifandi holdið. Nú svo var róninn sem sofnaði með höfuðið upp við ofn. Það varð þessi svaka brunni blettur inn að beini. Hann var eitthvað þyrstur svo hann hvarf af spítalanum í nokkrar vikur en þegar hann kom aftur þá var bara að lyfta skelinni af og staðfesta að flugubörnin höfðu unnið gott starf. Þeim var sópað ofaní ruslafötu, kallinum gefið vítamín og almennilega að borða og sárið greri upp á nótæm og þurfti ekki einu sini að flytja húð á það, lýtalæknunum til mikillar furðu.
Tengingin við flugmódel er nú ekki augljós... kannski hafði gamli maðurinn einhvern tíma leikið sér með slíkt?? hver veit.