D.B. Sport & Scale S.E. 5a

[Gaui]

Dagur 40

Aðal verk dagsins var að búa til formin utan á hjólastellið. Þetta var svo límt á með góðri slummu af epoxý lími.

20230525_190736.jpg (135.89 KiB) Skoðað 593 sinnum

[Gaui]

Dagur 41

Búinn að byggja upp formið á skrokkstífunum. Nú er bara að forma dropalag á þetta og fylla í þar sem vantar að fylla í.

20230526_111454.jpg (131.34 KiB) Skoðað 587 sinnum

Öxulhúsið undir hjólastellinu límt saman og formað. Það er líka dropalaga.

20230526_114840.jpg (139.02 KiB) Skoðað 587 sinnum

[Gaui]

Dagur 42

Stuttur laugardagur. Ég pússaði til balsann á hjólastellinu.

20230527_094605.jpg (146.93 KiB) Skoðað 572 sinnum

Á meðan ég kemst að því, þá ákvað ég að taka úr sporið fyrir Vickers byssuna og troða henni í. Ég þarf að setja vegg í kringum byssuna og smá krossviðarklæðningu yfir hana og síðan getað troðið henni í eftir klæðningu og málningu.

20230527_104048.jpg (153.04 KiB) Skoðað 572 sinnum

[Gaui]

Dagur 43

Stuttur dagur aftur í dag. Ég byrjaði á því að pússa til skrokkstífurnar og fá á þær það form sem á að vera. Svo límdi ég rif og klæðningu ofan á þar sem Vickers byssan á að vera.

20230529_094719.jpg (156.1 KiB) Skoðað 550 sinnum

Og hér er hún komin í (ég þurfti að skafa smá af henni, en það sést ekki).

20230529_101327.jpg (147.79 KiB) Skoðað 550 sinnum

[Gaui]

Dagur 44

Festi Lewis byssuna ofan á efri vængmiðjuna.

20230530_100535.jpg (135.88 KiB) Skoðað 537 sinnum

Eftir að festingarnar voru komnar í gat ég límt krossviðar skinnið á miðjuna.

20230530_114331.jpg (129.22 KiB) Skoðað 537 sinnum

[Gaui]

Dagur 45

Nokkur smáverk í dag: Í fyrsta lagi skoðaði ég hvernig stýrisstöng getur tengst við hæðarstýrið. Það kom í ljós, sem ég hafði ekki tekið eftir áður, að gatið í arminum er 3mm. Það eru engin tengsl svona stór, svo ég boraði nýtt 2mm gat sem getur haldið við M3 tengsl án hlaups.

20230531_100707.jpg (123.68 KiB) Skoðað 519 sinnum

Svo skar ég til krossviðarklæðnunguna á hliðarnar og límdi á. Þetta setur mikinn svip á módelið.

20230531_104937.jpg (139.36 KiB) Skoðað 519 sinnum

Að síðustu skar ég til hauspúðann og athugaði hvernig hann kemur til með að passa þegar dúkurinn er kominn á.

20230531_112457.jpg (149.13 KiB) Skoðað 519 sinnum

[Gaui]

Dagur 46

Allur morguninn í morgun fór í að koma fyrir servóum fyrir mótorinn: inngjöf og innsog. Þetta svæði verður frekar bissí. Kveikjan verður við hliðina á tankinum og rafhlöður koma þar sem þær gera mest gagn.

20230601_113302.jpg (151.8 KiB) Skoðað 502 sinnum

[Gaui]

Dagur 47

Ég prófaði að setja gult Sullivan innra rör úr stýriskapli í 3mm gatið og það passaði. Ég skar af því báðum megin, svo það varð jafn þykkt og stýrisarmurinn og nú er ég kominn með fóðringu fyrir tengslið sem á að vera þarna.

20230602_092923.jpg (130.31 KiB) Skoðað 499 sinnum

Ég setti rör fyrir tog-tog vírana í hliðarstýrið. Það eru tvö pör af vírum, annað fyrir hliðarstýrið sjálft og hitt fyrir stéldragið. Ég sé til hvort vírarnir fara á sitt hvort servóið, eða sama servóið. Það kemur í ljós, en það er pláss fyrir tvö servó.

20230602_112626.jpg (133.88 KiB) Skoðað 499 sinnum

Ég fékk athugasemdir frá fylgjendum á RC Scale Builder og ákvað að kíkja aðeins á tankinn og innsogsvírinn. Mér tókst að ýta tankinum aðeins til vinstri og með því að snúa servóinu gat ég sett nánast beinan vír í innsogið.

20230602_114714.jpg (135.53 KiB) Skoðað 499 sinnum

[Gaui]

Dagur 48
Kláraði vængstífurnar. Beygði til skávírana, batt þá við stífurnar og bar epoxý lím á. Nú er bara eftir að setja diskana sem segulstálin grípa.

20230603_101059.jpg (123.54 KiB) Skoðað 482 sinnum

Klippti út og formaði vélarhausana sem standa út úr vélarhlífinni. Þetta er gert úr ABS plasti og maður þarf að passa sig að skera ekki of mikið.

20230603_103338.jpg (154.07 KiB) Skoðað 482 sinnum

Til að gefa heddunum smá massa og auka límflötinn setti ég ræmur af 3mm balsa innan í þá og stífaði svo af með balsa.

20230603_110513.jpg (155.58 KiB) Skoðað 482 sinnum

[Gaui]

Dagur 49

Nokkur smáverk í dag. Ég pantaði dúk a dögunum (Oratex) og það verða engin stærri verk í pípunum fyrr en hann kemur.

Ég setti smá búta fyrir framan og aftan festingarnar á Lewis byssunni til að þetta liti út fyrir að vera alvöru festingar. Líklega verða þær ekki sæmilega fyrr en ég er búinn að mála byssuna.

20230605_101626.jpg (152.32 KiB) Skoðað 464 sinnum

Ég setti málmdiska ofan á stífurnar. Þessir diskar festast við segulstál sem eru undir efri vængjunum. Ég var ekkert svakalega viss um að þetta gæti virkað, en það gerir það nú samt. Stífurnar rammfestast við vænginn. Hyssa ég.

20230605_105312.jpg (156.55 KiB) Skoðað 464 sinnum

Svo setti ég fylliefni á skrokkstífurnar þar sem þær hverfa inn í skrokkinn. Ég tálgaði fyllinguna smá til, enda er hún eins og mjúkur ostur þegar hún byrjar að harðna. Svo pússa ég þetta til á morgun.

20230605_113608.jpg (125.03 KiB) Skoðað 464 sinnum