Smíðað í kjallara stórfyrirtækis á Dalvík

[Gaui]

Eftir flug Extra 330S kom í ljós að dúkurinn undir módelinu hafði losnað og svo fokið í burtu. Elvar er nú byrjaður að þrífa módelið almennilega með rauðspritti og svo setja nýja filmu í stað þeirrar sem fór á flakk.

20230913_104007.jpg (154.88 KiB) Skoðað 2261 sinni

[Gaui]

SKY 120 kominn með nýjan mótor sem er miklu léttari en sá gamli, ballanseringin komin í og vélarhlífin á.

20230922_102511.jpg (141.58 KiB) Skoðað 2241 sinni

[Gaui]

TF-ÁST

Ég er búinn að vera með Cessna 140, TF-AST undir vinnuborðinu í mörg ár. Ég hætti að smíða hana þegar ég sá að ég hafði búið til opna grindarvængi, en ASTin var með vængi heilklædda með áli.

Til að halda áfram með þessa vél pantaði ég 0,3mm ProSkin frá Mikka Ref (Mick Reeves) í Englandi. ProSkin er pressaður glefíber í þunnum blöðum. Í morgun skar ég niður ProSkin sem passar undir vængin og lauk við að búa til lok fyrir servóin.

20231006_105418.jpg (157.16 KiB) Skoðað 2219 sinnum

[Gaui]

TF-ÁST

Síðasta rifjabilið á vængjunum er í boga í tvær áttir, en ProSkin getur ekki þakið svoleiðis. Þess vegna þurfti ég að fylla upp í þessi bil með balsa. Þegar límið er hart mun ég pússa þetta eins og hægt er og svo klæða með glerfíberdúk og kvoðu.

20231009_105633.jpg (140.69 KiB) Skoðað 2177 sinnum

[Gaui]

TF-ÁST

Ég fékk ProSkin frá Mikka Ref (neðarlega á síðunni) og er hér að líma það á vængina. Best er að nota freyðilím (PU) og gott farg.

20231027_105922.jpg (141.38 KiB) Skoðað 2144 sinnum

[Gaui]

TF-ÁST

Hér er ég búinn að fylla að PróSkinninu og pússa það niður (að mestu) Þetta verður fallega slétt og fínt.

20231111_100643.jpg (140.86 KiB) Skoðað 2083 sinnum

Á efra skinnið langar mig að setja plötuskil. Það er gert með því að leggja niður nokkur lög af límbandi og svo draga fylliefni að því. Ég pússað það svo niður að límbandinu og þá eru komin plötuskil.

20231111_102210.jpg (131.39 KiB) Skoðað 2083 sinnum

[Gaui]

TF ÁST

Vængirnir pússaðir og lokaumferð af grunni komin á. Stýrin slétt og fín.

20231115_114342.jpg (147.34 KiB) Skoðað 2017 sinnum

Byrjaður að setja hryggina á stýrin. Þannig eru Cessnur.

20231115_120123.jpg (128.72 KiB) Skoðað 2017 sinnum

[Gaui]

LANIER STINGER

Elvar er að vinna við Lanier Stinger sem hann fékk að Sunnan. Módelið var svart og smá illa farið. Elvar reif af því alla filmu, sprautaði upp á nýtt og er nú að klæða það upp á nýtt í rauðu og hvítu.

20231202_112226.jpg (103.89 KiB) Skoðað 1934 sinnum

[Gaui]

Fann fínt fylliefni:

Ég hef verið miður mín í mörg ár eftir að byggingavöruverlanir hættu að selja Red Devil One Time Spackling. En nú virðist sjást til sólar í fylliefnamálum. Ég var að rölta um BYKO á Akureyri og sá þá þessa dós í hillum þeirra:

b-52740500.jpg (31.62 KiB) Skoðað 1741 sinni

Ég greip með mér eina dós og gerði á henni tilraunir.

20240108_090919.jpg (136.88 KiB) Skoðað 1741 sinni

Eftir að fylla smávegis og pússa það síðan um klukkustund síðar, þá get ég eiginlega haldið því fram með góðri samvisku að þetta er nánast eins og rauði djöfsi.

[Sverrir]

Gifssparsl kemur líka vel út.