Jerry Bates 1/4 scale Cessna 172 Skyhawk

[Gaui]

TF-FRU -- dagur 73

Nýji flugmaðurinn kom og fékk að prófa að sitja í flugklefanum. Hann virðist passa bara ágætlega.

20240508_102122.jpg (144.93 KiB) Viewed 396 times

Svo þurfti hann endilega að setja út á hvernig ég tálgaði vængrótina.

20240508_102246.jpg (125.01 KiB) Viewed 396 times

Ofan á flugklefanum er fering sem bognar nærri í hálfhring. Ég gerði þetta með því að vefja tvö lög af 0,6 mm krossviði utan um stál stöng og líma þau þannig saman. Þegar límið var orðið hart gat ég skorið feringuna til og límt hana ofan á vængrótina og skrokkinn.

20240509_093019.jpg (141.02 KiB) Viewed 396 times

Ég fékk loksins nýtt epoxý frá FighterAces í Englandi og gat klárað að setja glerfíber á. Það voru hallastýrin sem voru eftir.

20240509_101017.jpg (137.77 KiB) Viewed 396 times

Og innan í plássið sem hallastýrin koma í. Það fer að líða að því að ég geti grunnað og pússað vængina.

20240509_111732.jpg (133.16 KiB) Viewed 396 times

[Gaui]

TF-FRU -- dagur 74

Glerfíber kominn á feringuna frá væng á skrokk.

20240510_113304.jpg (142.96 KiB) Viewed 375 times

Glerfíber kominn á neðra borð hallastýranna. Næst er að pússa smá og setja báruplastið á.

20240510_113316.jpg (134.11 KiB) Viewed 375 times

Búinn að grunna vængina. Nú fær þetta að harðna almennilega áður en ég byrja að pússa.

20240510_113321.jpg (221.57 KiB) Viewed 375 times

Og fyrst ég var með grunnbrúsana í höndunum, þá ákvað ég að grunna hæðarstýrin. Þau eru þá tilbúin undir málningu.

20240510_113731.jpg (234.6 KiB) Viewed 375 times

[Gaui]

TF-FRU -- dagur 75

Þá var komið að því að líma stélflötinn á skrokkinn. Hér sjást þau þrjú verkfæri sem ég notaði við undirbúninginn: hallamál, band og laser. Ég stillti skrokkinn af með hallamálinu, mældi frá miðjupunkti aftur á stélið með bandinu til að fá það þvert miðað við lang-ás skrokksins og notaði svo laserinn til að fá stélið lárétt.

20240511_094208.jpg (134.37 KiB) Viewed 363 times

Til að líma stélið notaði ég epoxý lím blandað með örkúlum (microballoons) svo það leki ekki í burtu. Blönduna setti ég svo í sprautu og smá skreppihólk á stútinn svo ég gæti troðið líminu inn á stélið og fyllt í rifurnar sitt hvoru megin.

20240511_101322.jpg (136.55 KiB) Viewed 363 times

Svo strauk ég allt auka lím í burtu með klút vættum í rauðspritti. Þetta verður sérlega snyrtilegt og lítið sem þarf að pússa.

20240511_101513.jpg (127.26 KiB) Viewed 363 times

[Gaui]

TF-FRU -- dagur 76

Þegar stélflöturinn var orðinn vel fastur var hægt að setja kambinn á. Laser hallamálið var ómetanlegt við þetta verk. Það sýnir bæði lárétt og lóðrétt og ég gat stillt stötðu kambsins eftir línunni sem laserinn sýndi.

20240513_093514.jpg (142.69 KiB) Viewed 328 times

Framan við stélkambinn er hryggur sem límist á mitt bakið. Þetta setur gríðarlega svip á FRÚna og er ómissandi á svona Cessnum.

20240513_111713.jpg (129.98 KiB) Viewed 328 times

[Gaui]

TF-FRU -- dagur 77

Það þarf að jafna út og búa til feringu frá hryggnum yfir á kambinn og, vegna þess að þetta er nokkuð djúpt, þá er best að nota Isopon P-38, sérstaklega vegna þess að það harðnar mjög fljótt.

20240514_093833.jpg (129.63 KiB) Viewed 309 times

Það er ekki nauðsynlegt að pússa P-38 alveg slétt. Ég smyr fylliefni á það til að fá slétt fyrirborð. Gallinn við það er að ég þarf að bíða til morguns með að pússa það niður.

20240514_101550.jpg (139.26 KiB) Viewed 309 times

Húsið yfir vírana í hliðarstýrið er búið til úr 1,5 mm krossviði.

20240514_111957.jpg (141.35 KiB) Viewed 309 times

Það er límt á skrokkinn og ég setti rautt fylliefni á það til að fá það slétt. Ég er ekki viss um að ég nenni að húða það í glerfíber, enda er þetta afar smátt.

20240514_112630.jpg (141.62 KiB) Viewed 309 times

Á meðan ég límdi húsið á stalst Stefán (listamaður sem hefur aðstöðu hér á verkstæðinu) til að taka af mér mynd. Mér sýnist að ég þurfi að fá mér nýjan slopp hvað úr hverju.

441122432_1172096217131847_870772822958605885_n.jpg (143.39 KiB) Viewed 309 times

[Gaui]

TF-FRU -- dagur 78

Fleiri plötuskil. Hér koma hryggurinn og stélkamburinn saman. Það eru frekar flókin samskeyti hérna, sérstaklega vegna þess að það er mótað form í kverkinni. Þetta þarf að sýna með fylliefni. Fyrir framan stélflötinn er skoðunarlúga sem ég bjó til úr ál límbandi

20240515_103407.jpg (130.43 KiB) Viewed 289 times

Á stélfletinum er heilmikil brún.

20240516_093910.jpg (237.8 KiB) Viewed 289 times

Og hún sést hér eftir að límbandið er farið.

20240517_090204.jpg (136.17 KiB) Viewed 289 times

Ég notaði meira ál límband til að búa til handföngin á hurðunum.

20240517_095038.jpg (137.33 KiB) Viewed 289 times

Fremst á hryggnum er nef formað úr áli og hnoðað niður á bakið. Ég bjó það til úr límbandi og fylliefni

20240517_113305.jpg (160.04 KiB) Viewed 289 times

[Gaui]

TF-FRU -- dagur 79

Bárurnar fyrir hallastýrin. Búið að setja þær á stýrið neðst og allt tilbúið að setja á hitt stýrið. Bárurnar liggja ekki þvert á hallastýrin, heldur eftir vindstefnunni.

20240518_103233.jpg (142.58 KiB) Viewed 272 times

Ég er önnum kafinn að pússa niður vængina, setja fylliefni og pússa það. Þetta á eftir að taka nokkra daga.

20240518_114808.jpg (142.03 KiB) Viewed 272 times

Flugmaðurinn frá Premier Pilots setti sig í stellingar eins og Ómar.

20240518_120904.jpg (127.83 KiB) Viewed 272 times

[Gaui]

TF-FRU -- dagur 80

Pússivinnan er við það að verða búin. Hér er ég byrjaður að setja plötuskil á neðra borð vængjanna.

20240521_100306.jpg (140.73 KiB) Viewed 239 times

Og hér eru fyllingar í misfellur á efra borðinu.

20240521_110702.jpg (139.71 KiB) Viewed 239 times

[Gaui]

TF-FRU -- dagur 81

Plötuskilin eru næstum tilbúin. Hér er seinni vængurinn að klárast. Límbandið komið á. Ég set gult undir því það rífur ekki eins upp grunninn og svo nota ég blátt bílalímband ofan á (3 lög) vegna þess að það er þykkara.

20240527_094240.jpg (139.12 KiB) Viewed 182 times

Svo maka ég fylliefninu á. Þegar þetta er þurrt, þá pússa ég það slétt og þá eru plötuskilin komin. Þá þarf ég bara að finna út hvar ég þarf að setja hnoðin.

20240527_095737.jpg (135.04 KiB) Viewed 182 times

[Gaui]

TF-FRU -- dagur 82

Það er lengi von á einum og ég uppgötvaði að það vantaði að gera eina panel línu á hæðarstýrin.

20240528_112818.jpg (142.88 KiB) Viewed 138 times

Svo notaði ég morguninn til að skrúfa nokkrar örskrúfur hér og þar í skrokkinn. Þessar skrúfur fékk ég, annars vegar, frá Mikka Ref, sjá síðu 8, og, hinsvegar, frá ModelFixings.co.uk.

Hér eru skoðunarlok hvort sínu megin á skrokknum.

20240528_103452.jpg (131.45 KiB) Viewed 138 times

Festingar á gluggapóstinum að aftan.

20240528_105623.jpg (129.42 KiB) Viewed 138 times

Stélkambur og hliðarstýrið.

20240528_115127.jpg (137.45 KiB) Viewed 138 times

Kverkin á stélkambinum.

20240528_115823.jpg (132.08 KiB) Viewed 138 times