Hluti af Hamraneslínum verða komnar í jörð fyrir lok ársins (2024).
Hamraneslínur eru 220 kV háspennulínur sem liggja á milli tengivirkja Landsnets í Hamranesi og á Geithálsi.
Vegna skipulags á nýrri byggð við Ásvallabraut þarf að færa línurnar í jörð á kafla næst Hamranesi.
Tveir jarðstrengir verða lagðir á um 4 km leið, frá tengivirkinu í Hamranesi og til austurs með Hvaleyrarvatnsvegi á stuttum kafla og eftir núverandi línuslóðum um Bleiksteinsháls og Vatnshlíð ofan Hvaleyrarvatns og endar í nýju strengendavirki sem reist verður vestan Kaldárselsvegar.
Strengirnir koma í stað núverandi loftlínu sem liggur með Ásvallabraut og verður hún fjarlægð í verklok.
Bláa línan sýnir legu jarðstrengjanna.
Bláu punktalínurnar sýna legu jarðstrengjanna. Rauðu samsíða punktalínurnar sýna núverandi legu Hamraneslína 1 og 2. Einnig má sjá Hroðaholtslínu sem þegar hefur veri sett í jörðu og er sýnd rauð. Mynd: Efla/Landsnet.
Verklok eru áætluð 15. nóvember 2024 og yfirborðsfrágangi verður lokið vorið 2025. Verktaki er D. Ing og eftirlitsaðili er Verkís.
