Jerry Bates 1/4 scale Cessna 172 Skyhawk

[Gaui]

Samt betra að hafa það rautt.

Líklega. Athuga það næst. Ég var alveg viss um að það væri hvítt.

[Gaui]

TF-FRU -- Dagur 118

Ég fékk ábendingu um að gott værii að nota álpappír til að maska módel, svo ég kom við í Kjörbúðinni og náði mér í rúllu af áli. Svo dundaði ég mér við að setja álpappír alls staðar þar sem blá málning á ekki að koma. Geimverurnar geta ekki séð þetta módel. Því miður er veðrið ekki gott: vindur og væta, svo ég get ekki farið út að sprauta. Í staðinn penslaði ég eina umferð af gólflakki neðan á vængina.

2024-08-19_064844_20240819_105140.jpg (137.87 KiB) Skoðað 2355 sinnum

[Gaui]

TF-FRU -- Dagur 119

Ég notaði tækifærið í morgun og sprautaði blátt, þó veðrið væri frekar kalt og möguleiki á úrkomu.

20240820_101608.jpg (144.65 KiB) Skoðað 2355 sinnum

Ég þurfti ekki nema tvær umferðir og þá bar ég FRÚna inn og tók utanaf henni . Þá kom í ljós að það hafði blætt þó nokkuð undir bláa bílateipið, en nánast ekkert undir gula málaralímbandið. Nú má þetta þorna almennilega og þá get ég sprautað dökk-bláa litinn og byrjað að veðra.

20240820_112844.jpg (133.82 KiB) Skoðað 2355 sinnum

[Sverrir]

Er bílateipið 3M og veistu eitthvað um aldurinn á því?

Spyr fyrir forvitnissakir því ég notaði 3M bílateip á dúkklædda á Ka-3 um árið og það hélt öllu þar.

[Gaui]

Sverrir: Bílateipið er ekki 3M og það er langt síðan ég keypti það. Þar stendur hundurinn líklega grafinn í kúnni.

[Gaui]

TF-FRU -- Dagur 120

Ég límdi lamir í hliðarstýrið, límdi það á stélkambinn og tengdi tog-tog vírana. (SVERRIR - rautt ljós!)

20240821_095533.jpg (137.13 KiB) Skoðað 2241 sinni

Og hæðarstýrin eru líka komin á.

20240821_101813.jpg (135.7 KiB) Skoðað 2241 sinni

[Gaui]

TF-FRU -- Dagur 121

Morguninn fór í það að gera FRÚna drulluga og veðraða. Og það versta er að ef maður er staddur svona þrjá metra frá henni, þá sést þetta eiginllega ekki. Hér er olíu pastel leyst upp í terpentínu strokið meðfram plötuskilum, hvítt duft pastel dregið yfir bláa litinn til að fá upplituð og veðruð svæði og ryðmálning á skrúfuhausum.

20240822_101758.jpg (131.43 KiB) Skoðað 2205 sinnum

Bláa málningin hefur sprungið undan skrúfuhausunum við framrúðuna og ryð á handfanginu.

20240822_105207.jpg (141.66 KiB) Skoðað 2205 sinnum

Það má sjá veðrunina ef vel er að gáð. Ég er að vona að gólflakkið muni gera þetta meira áberandi. En fyrst þarf ég að sprauta dökk-blátt.

20240822_113624.jpg (143.85 KiB) Skoðað 2205 sinnum

[Gaui]

TF-FRU -- Dagur 122

Ég maskaði fyrir dökk bláa litnum og sprautaði varlega nokkrar umferðir af eins þunnum lögum og ég gat.

20240823_095344.jpg (137.66 KiB) Skoðað 2096 sinnum

Skrokkurinn er líklega full málaður. Næst er það gólflakkið og svo þarf ég að fara að gera eitthhvað í sambandi við vélarhlífina.

20240823_103503.jpg (143.19 KiB) Skoðað 2096 sinnum

[Gaui]

TF-FRU -- Dagur 123

Það er komin umferð af gólflakki á allan skrokkinn og ég tók maskann úr gluggunum. Þetta er, semsagt, tilbúið, nema vélarhlífin. Ég ætla að reyna að slást við hana í næstu viku og sjá hvað gerist. Þangað til verða ekki fleiri póstar á þessum þræði. Takk fyrir áhorfið.

20240824_103115.jpg (141.69 KiB) Skoðað 2021 sinni

[Gaui]

Það er kominn október og ég ákvað að búa til nýtt form fyrir vélarhlífina. Ég skar út rifin úr 4mm MDF (þeir vildu ekki selja mér hluta af krossviðarplötu í Byko) og límdi þau saman. Svo plankaði ég hliðarnar með 3mm balsa. Fremsti hlutinn er búinn til úr gulu frauðplasti. Svo sullaði ég fylliefni í öll göt sem ég fann og pússaði allt til. Næsta skref er að setja glerfíber á formið.

plug-01.jpg (133.55 KiB) Skoðað 679 sinnum