Taylorcraft Auster 5A, TF-LBP

[Gaui]

TF-LBP -- dagur 122

Ég maskaði og sprautaði stafina neðan á vinstri vænginn. Það er hægt að flýta þornun á milli umferða með hitablásara, ef maður er að flýta sér. Athugaðu samt að nota ekki of mikinn hita.

20250701_105214.jpg (138.91 KiB) Skoðað 193 sinnum

Ég skar út króka fyrir sætisólar úr 0,8mm (?) áli, sagaði niður í bakið á stólnum og límdi þá á sinn stað.

20250701_110536.jpg (137.69 KiB) Skoðað 193 sinnum

[Gaui]

TF-LBP -- dagur 123

Svart kemur ofan á grænan, svo ég maskaði af allt sem átti að vera grænt og sprautaði svo svart ofan á það.

20250702_101203.jpg (140.75 KiB) Skoðað 164 sinnum

Og þegar ég var búinn að taka maskann af, þá kom þetta í ljós. Gæti verið verra. Nú er bara að skoða skrokkinn.

20250702_111558.jpg (140.5 KiB) Skoðað 164 sinnum

[Gaui]

TF-LBP -- dagur 124

Ég maskaði fleyginn á stélkambinum. Ég notaði skapalón úr pappa til að fá eins báðum megin.

20250703_104954.jpg (136.86 KiB) Skoðað 145 sinnum

Svo sprautaði ég með grænu. Ef þetta verður nógu þurrt á morgun, þá maska ég aftur og sprauta yfir með svörtu,

20250703_112328.jpg (137.37 KiB) Skoðað 145 sinnum

[Gaui]

TF-LBP -- dagur 125

Enn er maskað og málað, framhlutinn á skrokknum og vélarhlífin í þetta sinn.

20250704_110446.jpg (143.99 KiB) Skoðað 123 sinnum

[Gaui]

TF-LBP -- dagur 126

Morguninn fór í að maska græna strikið og svo sprauta svartri málningu yfir þá grænu.

20250707_110442.jpg (141.5 KiB) Skoðað 86 sinnum

Ég ætla að láta þetta þorna áður en ég tek maskann af.

20250707_110500.jpg (137.18 KiB) Skoðað 86 sinnum

[Gaui]

TF-LBP -- dagur 127

Ég tók maskann af skrokknum og penslaði svartri og grænni málningu þar sem vantaði.

20250708_095344.jpg (142.78 KiB) Skoðað 72 sinnum

Svo maskaði ég flúrið á vélarhlífinni og 10mm breitt grænt strik aftur eftir skrokknum með bil fyrir skráningarstafina. Það er ótrulegt hvað það tekur langan tíma að maska og svo er maður bara sekúndur að sprauta litinn.

20250708_104221.jpg (144.37 KiB) Skoðað 72 sinnum

[Gaui]

TF-LBP -- dagur 128

Ég maskaði línuna á vinstri hliðina og sprautaði með grænum. Nú þurfa þessar línur að þorna almenninega og svo maska ég og sprauta með svörtum á morgun. Það næsta eru skráningarstafirnir, en þeir verða heilmikið vesen.

20250709_110809.jpg (142.25 KiB) Skoðað 46 sinnum

[Gaui]

TF-LBP -- dagur 129

Morguninn fór allur í að skera út stafi og merki -- og það bara fyrir vinstri hliðina. Sú hægri er enn eftir.

Ég prentaði út skráningar stafina TF-LBP í réttri stærð og lagði svo glerplötu ofan á þá. Ég setti svo breitt límband á glerið og dró upp og skar út stafina. Svo lifti ég límbandinu og lagði það á skrokkin samkvæmt línum sem ég var búinn að draga.

20250711_102902.jpg (142.39 KiB) Skoðað 15 sinnum

Svo sprautaði ég græna litnum. Nú má þetta þorna þar til á morgun. Þá maska ég allt sem á að haldast grænt og sprauta með svörtu.

20250711_104507.jpg (144.11 KiB) Skoðað 15 sinnum

Ég prentaði slysavarnamerkið á vatnspappír (whater slide transfer paper). Ég notaði pappír með hvítan bakgrunn, vegna þess að merkið er að mestu hvítt. Ég sprautaði yfir með glæru lakki, eins og maður gerir til að verja prentblekið. Svo þurfti ég að skera í burt það sem ekki má vera hvítt.

20250711_111944.jpg (143.9 KiB) Skoðað 15 sinnum

Ég úðaði vatni aftan á pappírinn (ég er ekki með neina skál á verkstæðinu) og svo renndi ég merkinu á sinn stað. Þetta tókst bara með mestu ágætum.

20250711_112308.jpg (143.48 KiB) Skoðað 15 sinnum