VP-1 Volksplane TF-KEA

[Gaui]

Ég er byrjaður á nýju módeli:

Evans VP-1 Volksplane er bandarísk flugvél ætluð til heimasmíði. Hún var hönnuð af William Samuel Evans, flugeðlisfræðingi, sem starfaði hjá ýmsum flugvélaframleiðendum. Hann setti mótor úr VW bjöllu framan í hana og þaðan kemur nafnið. Flugvélin var hönnuð til að vera auðveld í smíði og örugg að fljúga, en útlit var aukaatriði. Fyrsta vélin flaug í september 1968.

Evans_VP-1_Volksplane_PH-VPI_at_Lelystad_(LEY_-_EHLE),_The_Netherlands,_03_October_2004.jpg (141.77 KiB) Skoðað 364 sinnum

Margir, sem smíða þessa vél, gera breytingar á henni til að fá rennilegri skrokk og fallegri línur. Húnn Snæland er einn þeirra. Smíði TF-KEA hófst árið 1975 og fyrsta flug hennar var farið 18. ágúst árið 1981. Þetta er önnur flugvélin sem Húnn smíðaði, en síðan hefur hann smíðað tvær aðrar flugvélar frá grunni.

11 KEA-35a_w626.jpg (138.27 KiB) Skoðað 364 sinnum

Ég er búinn að leita að sæmilegri teikningu af Volksplane i nokkur ár, en allt sem ég fann var of lítið, 1/6 eða 1/5 skali. Ég hefði sætt mig við 1/4, en enginn hefur teiknað hana svo stóra. Þá sá ég að Sarik Hobbies í Englandi var með teikningu eftir Bob Binley, sem þeir sögðu að væri 1/2 skali. Ég sló til og keypti teikninguna. Þegar hún kom, fór ég að reikna og bera saman. Samkvæmt heimasíðu Sarik er vænghafið 86 tommur (2184 mm). Það gerir skalann um það bil 30% eða 1/3, ekki hálfskala. Það er stærð sem ég er ánægður með og rúmlega tveggja metra vænghaf er gott. Að vísu eru heimildir ekki allar sammála um hvert vænghafið er, en meðaltalið er um það bil 7,5 metrar. Húnn virðist líka hafa aukið vænghafið á sinni flugvél út fyrir hallastýrin (við skoðum það betur seinna).

IMG_8555.JPG (153.27 KiB) Skoðað 364 sinnum

[Gaui]

Byrjum að smíða.

Ég byrja venjulega á stélinu þegar ég smíða nýtt módel. Stélið á Volksplane hreyfist allt, það sem kallast "All Flying Tailplane" á útlensku. Ég ljósritaði rifið og límdi það á kartonpappa til að auðveldara væri að skera það út.

20250721_090041.jpg (140.99 KiB) Skoðað 362 sinnum

Svo renndi ég rifjunum upp á bitann og límdi þau föst, ásamt með frambrún, afturbrún úr furu og skástyrkingum. Neðst til vinstri á myndinni eru styrkingar úr 0,8mm krossviði, sem ég á eftir að líma, en þær koma á afturbrúnina og ná upp á hvert rif. Það er eins gott að það er hægt að klippa krossviðinn með skærum.

20250721_112339.jpg (142.04 KiB) Skoðað 362 sinnum

[Gaui]

Frambrúnarklæðningin er úr 0,8mm krossviði og ég skar fjórar lengjur sem eru 80mm breiðar. Til að líma þær niður notaði ég aðferð sem Cliff Harvey í Englandi sýndi mér á YouTube rásinni sinni. Þá setur maður lím þar sem klæðningin á að koma og leggur hana svo varlega á límið. Þegar maður tekur hana upp aftur, þá er lím þar sem það þarf að vera. Maður getur bætt við lími þar sem þarf og dregið það út þar sem það er of þykkt. Nú lætur maður þetta lím þorna algerlega.

20250722_085820.jpg (134.22 KiB) Skoðað 336 sinnum

Þegar límið hefur þornað leggur maður klæðninguna á sinn stað og notar svo heitt straujárn (yfir 100 gráður) til að bræða límið saman. Þetta virkar umsvifalaust og klæðningin er komin á um leið.

20250722_092531.jpg (140.16 KiB) Skoðað 336 sinnum

Svo límdi ég styrkingarnar á afturbrúnina og yfir á rifin.

20250722_093359.jpg (139.66 KiB) Skoðað 336 sinnum

[Gaui]

Ég límdi balsa frambrún á hæðarstýrið og svo restina af styrkingunum á afturbrúnina.

20250723_092019.jpg (140.09 KiB) Skoðað 310 sinnum

Þetta er lömin á hæðarstýrinu. Hún boltast svo á aftasta skrokkrifið.

20250723_110656.jpg (140.19 KiB) Skoðað 310 sinnum

Og hér er ég búinn að forma trimm flötinn og láta hann passa. Nú vantar bara að búa til stýrishorn og setja lamir á þetta.

20250723_114500.jpg (139.67 KiB) Skoðað 310 sinnum

[Gaui]

Myndir sem ég tók af TF-KEA upp undir lofti í Flugsafninu sýna svo ekki verði um villst að Húnn breytti endunum á stélinu verulega. Ég skar út rif úr 10mm balsa og límdi á vogirnar. Svo formaði ég hann til þar til hann líktist stél-endunum á KEA.

20250724_093731.jpg (136.7 KiB) Skoðað 286 sinnum

Þá gat ég formað frambrúnina og límt vogarendana á stélið. Ég þarf svo að finna blýþynnur sem eg skrúfa á vogarendana til að fá stélið í jafnvægi ("balgvanisera", eins og sagt er hér fyrir norðan).

20250724_104632.jpg (141.49 KiB) Skoðað 286 sinnum

Svo bjó ég til stýrishorn fyrir trimm-flötinn úr þéttum krossviði og setti fjórar lamir. Þetta fer að verða komið. Nú vantar mig að gera aftasta skrokk þilið, festa stélið á það og setja stöng úr trimminu niður í þilið. Þá fer trimmið niður þegar stýrið fer upp og öfugt.

20250724_103200.jpg (135.56 KiB) Skoðað 286 sinnum

[Árni H]

Þetta er flott og það verður gaman að fylgjast með þessu!

[Gaui]

Takk, Árni. Þú ert velkominn að kíkja í verkstæðið á Dalvík.

[Gaui]

Eftir að hafa legið í vondu kvefi í tæpa viku (ég er enn að hósta, takk fyrir), fór ég á verktæðið í morgun og dundaði mér við TF-KEA.

Ég bjó til vinkil úr kopar eins og sýnt er á teikningunni og skrúfaði hann framan á hæðaratýrið. Stýrivírarnir festast þarna og liggja svo fram eftir skrokknum.

20250725_101808.jpg (134.73 KiB) Skoðað 169 sinnum

Ég sagaði skrokkþilin úr 6mm krossviði (það fremsta er tvöfalt).

20250731_095334.jpg (140.17 KiB) Skoðað 169 sinnum

Svo festi ég aftasta þilið við lamirnar á hæðarstýrinu. þetta snýst mjög ljúflega og ég næ alveg 45° hreyfingu, upp og niður (líklega of mikið).

20250731_111054.jpg (133.83 KiB) Skoðað 169 sinnum

Að síðustu var ég að byrja að setja saman búnaðinn sem snýr hliðarstýrinu. Ég silfurkveikti festingar og er að saga niður rör sem halda þessu á sínum stað. Þetta kemur til með að ná hátt upp fyrir skrokkinn og smávegis niðurfyrir.

20250731_122317.jpg (144.62 KiB) Skoðað 169 sinnum

[Gaui]

Ég kláraði rif F-4 með stýribúnaði fyrir hliðarstýri og stélhjól. Ég er búinn að panta grenilista frá SLEC í Englandi, því það er hvergi hægt að fá svoleiðis hár á landi. Sumar stærðirnar eru líka út úr korti, svo ég pantaði helling af 1/4" x 1/4", og, til að búa til það sem er ekki selt, þá pantaði ég nokkur 1/4" borð, 10sm breið og um metri á lengd. SLEC kallar 1/4" 6,5mm (ætti í raun að vera 6,4) og þess vegna þurfti ég að stækka örlítið allar rifur og úrskurði úr skrokkrifunum til að þetta passi.

20250801_094146.jpg (144.28 KiB) Skoðað 135 sinnum

Bæði ofan og neðan á hverju vængrifi er styrking úr þunnum krossviði. Það tók mig góða stund að klippa út um 60 slíkar styrkingar, en nú eru þær tilbúnar þegar ég byrja á vængjunum.

20250802_110222.jpg (140.12 KiB) Skoðað 135 sinnum

Húnn breytti vængendum á TF-KEA og ég dró upp nýtt form fyrir það. Þetta verður sagað úr krossviði.

20250802_112651.jpg (136.36 KiB) Skoðað 135 sinnum

[Gaui]

Ég skar saman og límdi 3mm plötur í hliðarnar á KEA. Það fer svakalega mikill balsi í þetta, þrjár plötur í hvora hlið. Hliðarnar eru 1480mm langar og 150mm háar.

20250804_113836.jpg (138.04 KiB) Skoðað 103 sinnum

Svo tók ég 5mm balsa og skar út þau fjögur rif sem eiga að vera 5mm þykk. Rifin eru svakalega stór!

20250804_113936.jpg (139.58 KiB) Skoðað 103 sinnum