18.06.2007 - Styttist í Íslandsmótið í svifflugi

[Sverrir]

Nú er farið að styttast í Íslandsmeistaramótið í módelsvifflugi sem verður haldið um mánaðarmótin næstu. Vegna þessa verður haldinn æfing miðvikudagskvöldið 20.júní á Pálsvelli og hefst hún eftir aðvinnudegi lýkur.

Nánari upplýsingar fást hjá Guðjóni(825-8248) eða Frímanni(899-5052).

[Agust]

Sæll Sverrir alvitri.

Mig minnir að ég hafi einhvern tíman séð mótaskrá Þyts á netinu. Var að leita, en fann ekki mótaskrá 2007. Er ég svona hrikalega glámskyggn?

Ætli allir viti hvar Pálsvöllur er? Sjálfur hef ég komið þangað fyrir langalöngu...

[einarak]

hvar er pálsvöllur?

[Sverrir]

Eina sem hefur komið á Þytssíðunni sem tengist mótum 2007 er frétt eftir aprílfundinn þar sem dagskráin var rædd.

* Vöfflumótið (Hamranesi) – Ávallt fyrsta laugardag í maí (5. maí) kl. 10:00.
* Kríumótið (Höskuldarvöllum) – Ávallt annan laugardag í maí (12. maí, 13. til vara)
* Íslandsmótið í svifflugi (Gunnarsholti) – Ávallt lokahelgina í júní (30. júní – 1. júlí)
* Þytsdagurinn (Hamranesi) – Ávallt fyrstu helgina í júlí (7. júlí – 8. til vara)
* Listflugmót (Hamranesi) – Dagsetning óákveðin.

Ég veit að það er verið að vinna í nýrri vefsíðu fyrir Þyt svo ég geri ráð fyrir að mestu púðri sé eytt í það verk.


Pálsvöllur:
Þetta er grasvöllur skammt frá Sandskeiði. Hann hefur aðallega verið notaður fyrir svifflug.

Leiðarvísir:
Ekið er í átt til Sandskeiðs og inn á Bláfjallaveg. Á móts við hliðið inn á Sandskeið er beygt af Bláfjallavegi til hægri og ekið eftir vegarslóða um 1 km. (ónákvæmt). Vegurinn liggur fyrst hornrétt á Bláfjallaveginn, en sveigir síðan í átt að skíðasvæðinu. Um það bil miðja vegu er komið að stórum hraunkletti og er haldið áfram eftir veginum um 500 m. þar til komið er að flugvellinum.