Undir hlíðum, sífellt stækkandi, Hamranesfjalls í dag

[Haraldur]

Kíkti á völlinn í morgun um 10, fljótlega eftir að ég koma mætti maður með rafmagnsflugvél í búning merktum Valli (þó ekki og víkingarnir). Hann tók bara eitt flug og ég tók síðan eitt flug enda vindurinn orðin stífur 6 metrar og þó nokkur rykmökkur frá Hamranesfjalli.

Fór svo aftur í kvöld um sex leitið, en þá hafði vindinn lægt mjög og fór niður í logn inn á milli. Ég var þarna til rúmlega átta. Flaug þyrlunni nokkrar bunur og svo rafmagns extrunni, í hægum vindi.
Mikið rosalega virkar þessi Extra vel. Ég held að hún sé betri núna eftir að hafa kysst Seltjarnarflugvallarmalbikið nokkrum sinnum og fengið í staðinn slatta af epoxí um borð. Kannski ráð að þyngja hana enþá meira?

Ég var einn á vellinum í félagsskap mófugla. Á fótboltavellinum var einhver kall að æfa flugukast. Búið var að loka fyrir áfyllingu á Hamranesfjall og lítil umferð var á veginum, líklega allir komnir út úr bænum, þannig að þetta var hið besta kvöld í langan tíma.

Kveðja frá "einkaflugvelli mínum á" Hamranesi,

Haraldur

[einarak]

Pfff... þú átt Hamranesið ekkert einn, ég flaug þarna fjóra tanka áðan á Hardcore, og það var ekki nokkur sála þar þá! Það samt kom sér ágætlega að enginn var á svæðinu því þá gat ég æft lágflug... ...á hvolfi

[Haraldur]

[quote]Pfff... þú átt Hamranesið ekkert einn,[/quote]
Ég meinti þetta ekki bókstaflega heldur var þetta kaldhæðni og hint um að fleirri mættu láta sjá sig á vellinum.

En það er margt í boði um helgar og aðra hluti að skoða, þannig að það er erfitt að velja og hafna.
Svo vilja sumir vera einir á ferð, sem er ágæt líka og á fullann rétt á sér. Mér finnst hinsvegar alltaf skemmtilegra að vera í góðum félagsskap þegar ég er að fljúga.

[einarak]

Hehe, ekki ég heldur, en hvað varðar valið, ef það er um að velja að fljúga eða gera einhvað annað, þá vel ég að fljúga

[Björn G Leifsson]

Við feðgarnir vorum þarna í gær upp úr hádegi í svolitlum vindi, rétt náði að rétta úr pokanum. Rykmekkirnir fóru ekki beint yfir völlinn en voru svakalega miklir og fjallið stækkar hratt.
Prufuflaug Adrenaline 120. Svaka fín. Myndir koma seinna.

[Sverrir]

Til hamingju með það

[tf-kölski]

Uss eru allir hér vinnandi frameftir? hehh ég var btw að koma frá Hamranesi þar sem hitinn var nokkuð uppáþrengjandi og loftið svo þunnt að vindurinn hafði lítil áhrif á vélarnar. Ég mætti þarna með Ripmax Trainer 30 og flaug svo í fyrsta skipti á þessum velli Sopwith cameldýrinu og hún flaug eins og Sopwith ......

P.s. ég mæli með veðrinu!

Kv. Hörgur Makhed