Gremlin combat

[Gaui]

Eftir testflug sem tókst bara með ágætum, kom í ljós að það þarf all miklu meira reflex en teikningarnar sýna. Hér sést hvað ég setti mikið upp á hæðarstýrin til að fá beint flug:


Svo fórum við út í garð og stilltum inngjöfina þannig að þegar ég set trimmið alveg niður, þá deyr á mótornum, svo ég þurfi ekki að brjóta spaða í hverri lendingu:


Það verður gaman næst þegar við förum á Melana

[Gaui K]

þá deyr á mótornum, svo ég þurfi ekki að brjóta spaða í hverri lendingu:

Bara vera með grasbrautir þá þarf ekki að hafa áhyggjur af því að brjóta spaða

[Gaui]

Já, GauiK minn, það er ekki mikið um gras á Melunum.

[maggikri]

[quote=Gaui]Já, GauiK minn, það er ekki mikið um gras á Melunum.[/quote]
Best er að vera með bæði gras og malbik! já og yfirbyggðan völl líka, svona er það nú!
kv
MK

[Messarinn]

[quote=maggikri][quote=Gaui]Já, GauiK minn, það er ekki mikið um gras á Melunum.[/quote]
Best er að vera með bæði gras og malbik! já og yfirbyggðan völl líka, svona er það nú!
kv
MK[/quote]
Hæ Maggi er ennþá 2007 hjá þér hehe góður

[Gaui K]

[quote=Messarinn][quote=maggikri][quote=Gaui]Já, GauiK minn, það er ekki mikið um gras á Melunum.[/quote]
Best er að vera með bæði gras og malbik! já og yfirbyggðan völl líka, svona er það nú!
kv
MK[/quote]
Hæ Maggi er ennþá 2007 hjá þér hehe góður[/quote]
Já fínt að hafa það bara 2007 stílinn! en ég get nú samt ekki toppað þetta

[Árni H]

Það er best að koma því hér að í þræðinum að ég frumflaug Gremlin í gærkvöldi. Ég er með gamlan OS .40 í vélinni og það er skemmst frá því að segja að þessi hræódýra samsuða kom mér verulega á óvart.

Gaui skutlaði vélinni í loftið fyrir mig og eftir að hafa séð hann plægja Melana í sínu frumflugi ákvað ég að hafa annan háttinn á og passaði að hafa allt þetta með útlendu nöfnunum í miklum plús. Með allt í botni spýttist vélin nánast þráðbeint til himins og ég varð að trimma hana dálítið duglega niður. Hallastýrin þurftu hinsvegar bara 1 - 2 klikk og þá flaug hún beint. Það tók smástund að venjast útlitinu en eftir nokkra hringi var ég farinn að átta mig nokkurn veginn á því hvað snéri fram og hvað aftur.

Ég flaug vélinni í u.þ.b. hálftíma samtals og þetta er ein af þessum vélum sem maður fær strax notalegt sjálfstraust við að fljúga - svo þæg er hún ef maður getur haldið aftur af puttunum á sér. Aflið með .40 mótor er yfirdrifið og vertikalið er takmarkalaust. Loftfimleikar takmarkast við æfingar sem hægt er að gera án hliðarstýris og snertilendingar eru ekki á dagskránni - eins og fram kom í gærkvöldi

Ég get hiklaust mælt með því að menn smíði svona vél ef þá vantar ódýra, skemmtilega og fljótsmíðaða vél sem kemst samsett í bílinn. Skemmtanagildið miðað við verð og fyrirhöfn er ótvírætt!



Þið verðið að afsaka að þetta eru sömu myndir og í þræðinum frá Gauja en mér lá svo á út úr dyrunum í gær að ég steingleymdi myndavélinni Ég set inn fleiri myndir seinna.


Kveðjur bestar,
Árni H

[Árni H]

Þið munið hann Gremlin, er það ekki? Hann endaði svona eftir gróðursetningu síðastliðið sumar:

Stýrin brotin af og sjálf brotin, vængurinn brotinn af vélinni, vængendar laskaðir, klæðningin flett af, bensíntankurinn ónýtur, blöndungurinn ónýtur og proppurinn auðvitað í steik.

Nú er sólin farin að skína og þá er tilvalið að hressa Gremlin við fyrir vorið. Fyrst var hreinsað út...


Svo var settur nýr og stærri tankur frá www.justengines.co.uk (það skýrir litinn á tappanum)...


Skipt um blöndung - ekkert verið að þrífa of mikið


Og allt klárt, samanlímt og græjað enda Gremlin ætlaður til skyndiviðgerða. Skemmtileg og ódýr vél!


Ég mæli með því að menn prófi justengines - þetta er virkilega góð verslun með góða þjónustu. Þeir eru að vísu að flytja í augnablikinu en það hlýtur að taka endi.

Jæja, hvernig er nú spáin fyrir helgina?

Kv,
Árni Hrólfur

[Gaui]

Mummi er tilbúinn með sinn Gremlin fyrir sumarið:



Og Óli Njáll er að byrja samsetningu á einum slíkum með góðri aðstoð frá Árna Hrólfi:



Það verður skemmtilegur flokkur Gremlina á Melunum í haust.