Farmhand 90 - Fjósamaðurinn

[Gaui]

Vídeologgurinn er hreinasta snilld Doktor Björn. Ef ég ætti vídeokameru, þá myndi ég herma þetta eftir þér.

Og það er ekkert verra þó þetta sé ekki nákvæmlega skriptað og undirbúið - Spontantið er flott og það er svona Dogma fílingur á þessu - sérsatklega þegar konan æðir inn og skilur ekkert við hvern þú ert að tala

[Gaui]

Hér er staðan í morgun: Búinn að klístra öllum balsanum utan á skrokkinn:



Bæ ðö vei, Dr.B sýndi límið sem hann notar í vídeóinu. Hér er það sem ég er með. Ég nota sams konar Titebond og hann plús ég notaði svokallað SuperPhatic í kverkarnar. Þetta er svipað og Titebondið, nema miklu þynnra, svo að á tíu til fimmtán mínútum á meðan það er að stirðna, þá sígur það inn í samskeytin og viðinn í kringum þau. Virðist virka fínt. Það fylgir því líka stútur sem ég nota við að setja það á.



Í samtali við Dr.B sagði hann mér að hann ætlaði að hafa lúguna stór, svo ég hermdi það eftir og hér sést hún. Lúgan er um 18 sm löng.



Steve segir í leiðbeiningum að maður geti keypt lúgulæsingu, en þar sem engin slík búð er í nágrenninu, þá bjó ég hana til úr 2mm suðuteini og gormi úr Bic penna sem var kominn í verkfall. Tungan á lokinu er úrskurður úr vængrifi sem passaði svona flott þarna á.



Ef kíkt er inn í stjórnklefann, þá sést annars vegar að ég er búinn að setja í servó fyrir sleppikrókinn:



... og að ég setti smá styrkingu úr krossviði á balsann í "hurðinni". Ég ímyndaði mér að þetta væri veikur punktur og að svona styrking væri nauðsynleg. Nóg er til af afgöngum til að fitta smá stöng þarna í og líma hana fasta:



Dr.B talaði um að konan hans væri að reka hann út í góða veðrið. Af hverju ekki bara taka skrokkinn með og pússa hann úti. Þá losnar maður við rykið úr skúrnum:



Ég er líka búinn að setja sama stélfletina. Það tók um hálftíma í allt ! Lýg því ekki Slöngubyssan sýnir hvað þetta eru stórir fletir.



Leiðbeiningarnar segja að maður eigi að setja servóboxið fyrir hliðarstýrið fyrir framan F10, en ég klístrað því fast upp við F9 til að það opnaðist ekki út í hliðarnar. Þetta er furðulegasta staðsetning á rödderservói sem ég hef séð, en það virðist virka:



Ég átti gamalt stélhjólasett af (minnir mig) CAP 10 sem krassaði og það passar akkúrat aftan á Fjósamanninn:



Og að lokum, þá sótti ég stóru dolluna með Red Devil sparsli og sullaði því á allt sem ég helt að væri misfella. Þetta er kannski ekki algerlega nauðsynlegt, en það er meira gaman ef klæðningin er nokkurn vegin slétt:



Nú þarf ég bara að finna út hvað mig vantar af efni í vænginn og panta það frá heitu löndunum.

[Agust]

Segðu mér Guðjón. Finnst þér Titebond ekki vera nokkuð stökkt og hafa tilhneigingu til að brotna eða springa?

Varðandi lúgulæsingarnar, þá nota ég tvær segulsmellur á lúguna sem er yfir bensíntanknum á BigLift. Virkar mjög vel.

Svo í þriðja lagi: Ég hef hugsað mér að hafa vænginn tvískiptan svo auðveldara sé að flytja hann. Eða jafnvel, eins og Björn stakk upp á, þrískiptan, því þannig er auðveldara að tengja hann saman vegna dihedrals-ins. Vængur sem er 220 cm langur getur nefnilega verið óþægilegur í flutningum. Þegar ég smiðaði UltraHots/G62 fyrir 20 árum hafði ég einmitt 200cm vænginn í tveim hlutum, þó svo að teikningin gerði ráð fyrir að hann væri ein lengja.

Ég fylgist með af hliðarlínunni því ég hef ekki tíma á næstunni til að smíða. Er þó búinn að opna kassann með gersemunum frá Traplett. Svo drekk ég í mig fróðleikinn sem birtist hér...

[Gaui]

[quote=Agust]Segðu mér Guðjón. Finnst þér Titebond ekki vera nokkuð stökkt og hafa tilhneigingu til að brotna eða springa?[/quote]
Einfalda svarið við því er Nei. Ég hef notað Titebond mikið vegna þess að það er harðara en hvíta trélímið okkar og pússast því með balsanum. Það gamla hvíta er svo mjúkt að það pússast ekkert endilega á sama tíma og balsinn.

Annars eru lausnir og vandamál við hvert lím. Maður á bara að nota það sem hentar best í það og það skiptið. Ég er t.d. búinn að nota helling af sekúndulími (Zap) í þessari smíði

[Gaui]

Fann svarið frá Steve i Junk möppunni í póstforritiinu mínu (???):

[quote]Guðjón

Traplet have sold over 100 of the Farmhands and you are the first to find a
problem.

All the parts are cut from the same source so there should be no deviation
from what we used on the prototypes.

Look up Farmhand 90 (in construction part) on the RCMF forum and see how it
goes together.

You look like you are starting at the correct point at the rear of the
cockpit and working forward. It is expected to be a tight fit which wicks
together with cyano.

Cheers Steve[/quote]

[Guðjón]

Mér líst vel á að hafa þessi video, miklu fleiri upplýsingar á styttri tíma

[Björn G Leifsson]

[Gaui]

Meira af þessu Dr.B. Þetta er verulega gaman!

[einarak]

Videologgið er alger snill, Dr Bjössi Mix

[Slindal]

mjög gaman horfa á þetta video já þér.
Bíð eftir næsta með eftirvæntingu.