Widebody samvinnuverkefni

[Spitfire]

[quote=Gaui]Ég reyndi að fá upplýsingar um þetta módel frá framleiðandanum í Argentínu (http://camodel.com.ar/shop/index.php) en leit á síðunni bar engan árangur. Hvar fenguð þiið þessi módel?

[/quote]

Það var herramaður, Sigurður að nafni sem auglýsti þessi kit til sölu hér á módelspjallinu.
Kem til með að prenta út leiðbeiningarnar sem þú fannst Gaui, margfalt betri en þær sem fylgdu vélunum.

[Spitfire]

Tókum létta smiðjurispu í kveld, Vaskur ráðgjafi og Kristján mættu galvaskir:



Flugdagskráin að taka á sig mynd:



Stjórnin að störfum (ritarinn er bakvið myndavélarlinsuna), eins og sjá má var ráðgjafinn duglegur við að hvetja okkur og hughreysta með vinalegu klappi á öxl:



Á hvaða stað skyldi þessi spýta svo enda?



Smiðjustjórinn föndrar við skrokkhliðar:



Hva, ég er búinn að panta frá Towerhobbies!



Tríóið að máta, snikka og púsla:



Þetta dettur næstum því saman, þó eru sum götin fyrir flipana með bogadregnar hliðar, smá pússivinna og allir glaðir:



Ráðgjafinn segir: "Elsku kallinn minn, fáðu nú dótið til að passa almennilega áður en þú límir!!!"



Skrokkar tveir að raðast saman:



Ekkert lím var brúkað í þetta sinn, fókusinn var á að fá allt til að falla vel saman og bögglast í gegnum næstu skref smíðinnar stórslysalaust:



Kveðjum í bili, þar til næst:

[Gaui]

Það hefur greinilega gleymst að setja Flugkomu FMFA 11. ágúst á blaðið!

[maggikri]

[quote=Gaui]Það hefur greinilega gleymst að setja Flugkomu FMFA 11. ágúst á blaðið!

[/quote]

Og merkja rautt við afmælisflugkomu (20ára)FMS stórflugkomu á Arnarvelli 02 og 03 júní. Það má ekki missa af þessu. Þarna koma m.a erlendir módelflugmenn á heimsmælikvarða.

kv
MK

[Spitfire]

[quote=Gaui]Það hefur greinilega gleymst að setja Flugkomu FMFA 11. ágúst á blaðið!

[/quote]

Biðst innilega afsökunar en það á sér eðlilega skýringu, þegar ég hnoðaði saman skjalinu samkvæmt atburðasíðu Fréttavefsins, þá var flugkoman ykkar ekki komin inn, en úr því verður snarlega bætt og lítið mál að kippa í liðinn.
Annars þér að segja er ég mikið að hugsa um að taka nokkra frídaga kringum umrædda helgi, löngu orðið tímabært að endurnýja kynnin af Norðurlandinu

[quote=maggikri]
Og merkja rautt við afmælisflugkomu (20ára)FMS stórflugkomu á Arnarvelli 02 og 03 júní. Það má ekki missa af þessu. Þarna koma m.a erlendir módelflugmenn á heimsmælikvarða.

kv
MK[/quote]

Reddum því, Maggi, lítið mál. Þar sem sjómannadagurinn er einu sinni á ári, en fólk og félög halda upp á tvítugsafmæli einu sinni á ævinni, þá kem ég til með slaufa sjómannadagshelginni og boða hér með formlega komu mína á Arnarvöll

[maggikri]

Glæsilegt Hrannar!
kv
MK

[Spitfire]

Föstudagskvöld þýðir bara eitt hér í Patreksborg, skundað skal í smiðjuna og þyrlað upp balsaryki. Sem betur fer komst epoxyskipalestin heil heim í höfn á réttum tíma, og nú skulu skálmar standa niður úr höttum:



Smá hliðarskref, dútlaði aðeins í vinnunni og smíðaði fót undir standinn fyrir Kobba



Einnig fékk ég sendan Packard mótor smíðaðan með leyfi frá Rolls-Royce, svo þegar Widebody verður flughæf er kominn tími til að vekja upp gamlan draug.



En, þar sem við eru orðnir vel birgir af epoxy, þá er ekkert annað í stöðunni en að ráðast á vængina. Byrjað var á að saga listana á frambrúninni gróflega til með bakkasög, málningarlímband sett yfir staði sem eiga ekki að pússast á þessu stigi og síðan hjólað í gripinn með grófum sandpappír.
Þegar sandpappírinn er farinn að grípa í límbandið er það fjarlægt og skipt yfir í fínni sandpappír og varlega pússað þar til allt flúttar vel saman.



Lítur vel út



Næst var að senda hefilinn af stað og takið eftir, gróflega forma til listann á frambrúninni:



Sem betur fer mætti gamalreyndur hefilstjóri eftir að hafa lokið af húsbóndastörfum:



"Der fuhrer" undirbýr vænginn undir heflun og pússivinnu, eins og sjá má þá þarf að fjarlægja vænan slurk af efni:



Eftir að hafa heflað og pússað var komið að því að forma frambrúnina á vængnum, og var það gert með "skóburstaraaðferðinni"



Þarna notaði ég mjög fínan sandpappír (P600) og þurfti ekki mikinn tíma eða þolinmæði til að klára það dæmi.

Nýtt sjónarhorn á smiðsauga foringjans:



Og svo var pússað:



Það fer að koma að því að sameina vænghelmingana, og við vitum þar verður epoxy í aðalhlutverki. En yfir samskeytin fer trefjadúkur, einhver meðmæli um það vinnuferli?

[Gaui]

Fyrsta ráð: ekki nota 5 mínútna epoxý ef þið viljið að límingin haldi. Ég nota svoleiðis bara þar sem límingin skiptir litlu sem engu máli (t.d. til að halda gaddaró á sínum stað). Lím sem harðna á svo skömmum tíma verða stökk og brotna auðveldlega.

Annað ráð: Glerfíber borða má setja á sinn stað með því að blanda saman vænan slurk af 30 mín. lími og þynna það örlítið -- ÖRLÍTIÐ -- út með rauðspritti. Þeir sem ekki hafa rauðspritt nota gjarnan hitabyssu til að láta límið flæða inn í fíberdúkinn og oní vængskinnið. EKKI nota tonnatak!

[Spitfire]

[quote=Gaui]Fyrsta ráð: ekki nota 5 mínútna epoxý ef þið viljið að límingin haldi. Ég nota svoleiðis bara þar sem límingin skiptir litlu sem engu máli (t.d. til að halda gaddaró á sínum stað). Lím sem harðna á svo skömmum tíma verða stökk og brotna auðveldlega.

Annað ráð: Glerfíber borða má setja á sinn stað með því að blanda saman vænan slurk af 30 mín. lími og þynna það örlítið -- ÖRLÍTIÐ -- út með rauðspritti. Þeir sem ekki hafa rauðspritt nota gjarnan hitabyssu til að láta límið flæða inn í fíberdúkinn og oní vængskinnið. EKKI nota tonnatak!

[/quote]

Kærar þakkir fyrir þessi heilræði Gaui, sem reyndar minnir manninn með veskið á að það þarf að kaupa meira rauðspritt, brúsinn tæmdist einmitt þetta kvöld

[Spitfire]

Bæ ðö vei,
Það rifjuðust upp gamlar minningar frá minni fyrstu smíð; Sig Kadet og þar var sagt í handbókinni að nota CA lím á trefjadúkinn. Meira að segja þá var það fyrsta sem mér datt í hug var "kanar eru klikk" og notaði ég 30 mín. epoxy óblandað á dúkinn.