Drög að reglugerð um ómönnuð loftför

[Patróni]

Módelssmiðja Vestfjarða?

[Sverrir]

Skoðaðu póstinn þinn gamli minn, þú verður að ræða hitt við Samgönguráðuneytið.

PS
Hvenær á að gefa út tilkynningu vegna Patró International?

[Agust]

[quote=Björn G Leifsson][quote=Agust]Er "vettvangur flugmódelfélaga" = módelflugvellir félaga (Hamranes Arnarvöllur...)? Hvernig er þá með Kríumót á Höskuldarvöllum, hangflug í Draugahlíðum, flug á einkaflugvöllum, túnum sveitabýla...?[/quote]

Ein leið væri hreinlega að sækja bara um og fá vottun flugmálayfirvalda á ákveðnum stöðum/svæðum sem hluta af "vettvangi" með vel rökstuddri og vandaðri greinargerð um hvaða starfsemi þar færi fram. Þá yrðu slíkir staðir þannig tengdir starfseminni og viðurkenndir þó þeir tilheyri ekki formlegu flugsvæði klúbbanna... eða hvað?
Þá væri allt á hreinu og uppi á borðinu.[/quote]

Ég held að flugmódelfélögin verði að skoða þessa grein vel. Hún er lúmsk og gæti verið hættuleg módelflugi. Ef það þarf að sækja um leyfi til að fljúga á stöðum sem eru ekki "vettvangur flugmálafélaga", þá þarf að sækja um leyfi til að fá að fljúga á Höskuldarvöllum, Tungubökkum, Draugahlíðum, Kömbum, einkalöndum víða um land, o.s.frv. Hvað ætli slík vottun kosti? Það er hreinlega ekki víst að hún fáist.

Við megum ekki gleyma því að það eru ekki flugmódelfélög víða um land og aðeins sárafá svæði sem eru "vettvangur flugmódelfélaga". Á öllu Norðurlandi er aðeins einn slíkur völlur, enginn á Vesturlandi, einn á Vestfjörðum, enginn á Austurlandi, einn á Suðurlandi (Selfoss er þó nánast á SV horninu).

Nú hef ég ekki séð þessi reglugerðardrög í heild sinni. Bara þessa úrklippu:

"9. grein
Flugmódelfélög
Ekki þarf að sækja um leyfi til Samgöngustofu vegna ómannaðra loftfara á vettvangi flugmódelfélaga, og þar sem flug fer fram á grundvelli þeirra reglna sem þar gilda."

Hvað er "ómannað loftfar"? Falla öll flugmódel þar undir, eða bara þau sem eru yfir ákveðinni stærð?

Hvað merki orðalagið "reglna sem þar gilda"? Eru það reglur sem gilda fyrir þessi sárafáu svæði, eða eru það reglur viðkomandi flugmódelfélags?

[Agust]

Í drögunum stendur:

9. grein
Flugmódelfélög
Ekki þarf að sækja um leyfi til Samgöngustofu vegna ómannaðra loftfara á vettvangi flugmódelfélaga, og þar sem flug fer fram á grundvelli þeirra reglna sem þar gilda.

Ég held að betra og skiljanlegra væri að hér stæði:

9 grein. Flugmódelfélög
Ekki þarf að sækja um leyfi til Samgöngustofu vegna ómannaðra loftfara á vegum félagsmanna í flugmódelfélögum þar sem flug fer fram á grundvelli þeirra reglna sem hjá þeim félögum gilda.


Þá færi ekkert á milli mála.

[Gaui]

Ég held að "vetvangur flugmódelfélaga" sé það sem flugmódelfélög tilgreina. Ef flugmódelfélag vill fljúga á Höskuldarvöllum, eins og gert hefur verið áður, þá sé það í lagi. Mér sýnist að verið sé að gefa okkur frítt spil svo ekki þurfi að setja reglur um okkur eða hafa eitthvert batterý til að fylgjast með okkur. Við sjáum um okkur sjálfa. Stærstur hluti reglugerðarinnar (90% eða svo) er um flug á ómönnuðum loftförum í atvinnuskyni.

Hins vegar þarf að skilgreina nánar hvað eru flugmódelfélög svo að þeir sem vilja fljúga Drónum og öðrum slíkum loftförum geti ekki farið í kringum reglugerðina með því einu að stofna flugmódelfélag.

[Agust]

[quote=Gaui]Ég held að "vetvangur flugmódelfélaga" sé það sem flugmódelfélög tilgreina. [/quote]

Í reglugerðum má aldrei neitt tvírætt eða eitthvað sem hægt er að túlka á ýmsa vegu eftir því hvað viðkomandi heldur. Reglugerðir eiga að vera skýrar og ótvíræðar. Lögfræðingum hættir til að hafa þær tvíræðar og lítt skiljanlegar, enda er það atvinnuskapandi fyrir þá síðar meir

Það er miklu betra að nota aðeins fleiri orð og útskýra nákvæmlega hvað átt er við. Ég þekki það hve það er mikilvægt í samningum um framkvæmdir, þar getur óskýrt orðalag kostað milljónatugi. Á því eru menn sífellt að brenna sig.

[Gaui]

Enda vantar að setja í þessa reglugerð hvað flugmódelfélög eru og hver ákveður hvort stofna megi flugmódelfélag. Annars myndu allir sem vilja fljúga drónum bara byrja á því að stofna félag og síðan fljúga innan vébanda þess án þess að þurfa að sækja um leyfi.

[Sverrir]

Það þarf alltaf leyfi frá Samgöngustofu ef ætlunin er að nota dróna í atvinnuskyni. Þú græðir ekkert á að vera innan flugmódelfélags ef þú ert að fljúga drónum í tómstundaskyni, það þarf ekkert leyfi til þess.

[Björn G Leifsson]

[quote=Sverrir]...Ef eitthvað er þá víkkar þessi reglugerð heimildir flugmódelmanna frá því sem áður var...[/quote]

En hún getur að óbreyttu gert þeim sem þegar stunda ,verkflug‘ með slíkum tækjum, t.d. myndatökur, erfitt fyrir að halda áfram nema þá með undanþágum

[Sverrir]

[quote=Björn G Leifsson]En hún getur að óbreyttu gert þeim sem þegar stunda ,verkflug‘ með slíkum tækjum, t.d. myndatökur, erfitt fyrir að halda áfram nema þá með undanþágum [/quote]
Já og nei, það þarf að sækja um leyfi til að stunda verkflug sem er í sjálfu sér ekkert óeðlilegt, alls konar leyfi sem þarf þegar um atvinnustarfssemi er að ræða og hægt er að sækja um undanþágur ef menn telja sig þurfa að framkvæma eitthvað utan við það sem reglugerðin leyfir.

Ég efast ekki um að þeir sem stunda drónaflug í atvinnuskyni munu senda inn sínar eigin athugasemdir við reglugerðina.