Edge 540T frá Will Hobby

[Eiður]

jæja offi, er þessi til sölu þegar hún er tilbúinn???

[Offi]

Allt er falt fyrir rétt verð!

[Offi]

Það náðist nú ekki að gera mikið í dag... og þó! Hlutirnir taka bara sinn tíma. Ég klippti niður eldsneytisslöngu og setti klunkinn á og stillti í rétta lengd í tanknum, tróð áfyllingarröri og bakþrýstingsröri í og skrúfaði svo tappann í. Merkti að sjálfsögðu hvað er hvað, svo ekki fari allt í steik ef Eiður þarf að skipta um slöngur seinna meir!

[Offi]

Ja, ég skal segja ykkur það... ég komst í tímavél....! Hún virðist vera að dæla út korterum mér að kostnaðarlausu. Brún, flöt og fæst í Rúmfatalagernum á slikk...!

Allt í einu var bensíntankurinn kominn í, svona líka pikkfastur!



Svo skaust throttle servóið í á korteri og tæplega það



Næsta sem gerðist var að mótorinn skrúfaðist á!



Og svo áður en maður vissi af þá hafði heddið farið af mótornum og cowlingin á... og allt smellpassaði auðvitað, þökk sé mælingadeildinni á Hnit!

[maggikri]

Þvílíkt tæki Offi ! Kominn með gripinn heim. Ekki mikið annað að gera en setja saman flugvélar núna í þessu veðra víti. Var samt að spá í að fara út á völl þó að það sé hvasst og rigning(á morgun) Verð í bandi ef ég fer. Áttu ekki hlífðarpoka á fjarstýringuna(frá Þresti).

Kv
MK

[Offi]

Já, sko... þú tókst eftir tímavélinni (stofuborðinu)!
Hún verður sallafín... og er í svíalitunum, auðvitað! :rolleyes: Mála á hana 5-0 og kannski maður fái þá IKEA til að sponsa? Nýtt stofuborð til að smíða á?

[maggikri]

Stórglæsileg vél. Kemur skemmtilega á óvart stór og mikil vél með 120 mótor, þú ert svo stórtækur Offi. Ég verð að kaupa þessa nema að Eiður sé búinn að versla hana.

kv
MK

[Offi]

Við ræðum það í rólegheitunum, félagi. En ég nældi mér í nokkur korter í kvöld eftir fínan fund hjá Þyt, þar sem slatti af módelum sást á lofti. En nú fer að síga á seinni hlutann af Korterinu... ég er rétt að rota þetta verkefni.

Ég byrjaði á smá uppskurði og fjarlægði lok sem er yfir servóinu fyrir hliðarstýrið og opnaði svo rifurnar þar sem armurinn kemur í gegn. Ég átti ekki nógu lítið straujárn til að geta strauja inní rifurnar, svo ég hélt borðhníf að straujárninu og hitaði hann og straujaði svo með honum. Virkaði fínt.





Svo setti ég servóið í og arminn á, eftir að hafa miðjað servóið með fjarstýringunni.



Og svo skrúfaði ég lokið á sinn stað á eftir.



Svo klippti ég canopíuna út og mátaði við og skrúfaði hana svo fasta.



Þau eru ekki mörg handtökin sem eftir eru í Korterinu.

[Gaui]

Offi

Ein smá aðvörun: settu fleiri skrúfur í framendann á canópíunni, því að ef vindurinn kemst undir, þá er þessi pía farin eins og svo margar aðrar. Hugsanlega geturðu líka sett límban af pínnu niður á framhluta módelsins svo enginn vindur komist undir.

[Offi]

Já, takk fyrir þetta. Ég ætlaði að líma canópíuna niður að framan. Það eru alltaf smá glennur þarna undir og hún fer í fyrsta flugi ef maður lokar þessu ekki! Point taken!