Flugmódelspjallið - flugmodel.net

TF-LBP -- dagur 112

Ég notaði breitt límband til að gera skapalón af rúðunum sem koma fyrir aftan hurðirnar. Það er síðan límt á plastið og skorið út og formað þar til það passar nákvæmlega.
Hér eru rúðurnar komnar í og límdar með rúðulími. Það tekur yfirleitt nokkra klukkutíma að þorna, svo ekkert fleira verður gert fyrr en á morgun.

TF-LBP -- dagur 113

Ég skar 9mm breiðar ræmur úr áli og festi á gluggann þar sem hægt er. Ég notaði tvöfalt límband til að halda ræmunum á meðan ég boraði 0,6mm (og svo 0,8mm þegar borinn brotnaði), undirsinkaði með 2,2mm bor og skrúfaði svo agnar smáar skrúfur frá Mikka Ref.
Hér sést hvernig þetta lítur út. Ég prentaði Slysavarnarfélagsmerkið á venjulegan pappír á meðan ég bíð eftir vantsmerkispappírnum frá útlöndum. Stærðin virðist nokkuð góð, en það sést ekki alveg á meðan svörtu línurnar vantar.

TF-LBP -- dagur 114

Losaði alla aukahluti af skrokknum og penslaði svo parkettlakki á alla fleti.

TF-LBP -- dagur 115

Ég dúllaði mér við hægri vænginn og límdi flapsann og hallastýrið á. Ég þarf að fara að huga að skráningarstöfunum undir vænginn og á skrokkhliðarnar. Þeir eru tvílitir, svartir og grænir og ég þarf að finna góðan grænan lit á þetta.