Smíðað á Grísará

[Gaui]

Það skeður margt á Grísará:

[Messarinn]

Alltaf stutt í jókið á grísará hehe

[Guðjón]

Heheheh.. Uss, suss, suss! Það eru börn hérna...

[Sverrir]

Stórhættulegt lið!

[Gaui]

Árni, Mummi og Óli Njáll komu í morgun og dúlluðu sér í skúrnum. Óli er langt kominn með að klæða Stikk í þennan líka fína lit. Hér er hann að setja neðan á vænginn:



Og Árni hélt áfram að mála feluliti (hann verður að því næstu mánuðina ) Stundum þurfti hann fjórðu hendina til ða geta drukkið kaffið sitt.

[Gaui]

Hérna er smá slædsjó samsetningur frá janúarsmíðinni í skúrnum á Grísará:

[Gaui]

Alltaf eitthvað um að vera í skúrnum. Hér eru nokkrar myndir:

Mummi að sulla með glerfíber og epoxy... vonandi harðnar það, því það var allt löðrandi í poxi eftir hann



Stikkarinn hans Óla skríður áfram og er bara kortér í að klárast. Hér er hann að troða græjunum í hann:



Sveinbjörn er byrjaður á Farmhand vængjum. Hér er hann búinn að setja hægri vænginn saman og fergja efri klæðninguna á hann:



Meira seinna

[Jónas J]

Flottir

[Gaui]

Nokkrar myndir af því sem fram gengur í skúrnum:

Óli Njáll er farinn að skreyta Stikkinn með svörtum strikum og járnkrossum (meira af því seinna):



Árni er hér að nota gerfi-mótorinn hans Mumma til að búa til annan eins:



Og Mummi er búinn að vera að pússa og fylla og grunna og pússa og grunna og fylla og pússa og grunna ... vélarhlífina á Fokkerinn. Hann fer líklega langt með hana næst þegar hann kemur í skúrinn.

[Gaui]

Það er enn smíðað á Grísará. Í dag setti Óli servó í vænginn og fékk þau til að virka eins og þau eiga að gera -- Góður !



Mummi er að ganga frá vélarhlífinni á Fokkerinn. Hann klippti til hringlaga álplötu sem hann er nú að hnoða framan á kávlínguna:

Fyrst er borað


Svo fer hnoðið í framan frá og er barið til hlýðni innan frá:


Hann er búinn að lofa að setja þessa vélarhlíf á höfuðið áður en langt um líður.

Árni dundaði sér við að gera nýjan mótor á sinn Fokker -- þ.e.a.s. þrjá sílindra sem standa niður undan vélarhlífinni:



Surtur fylgdist með og sá til þess að allt væri gert eins og á að gera: gæðaeftirlitið!



Sjálfur var ég að saga út nokkur rif (kemur í ljós síðar hvað verður úir þeim) og strákunum fannst eitthvað fyndið við það að ég --gamall maðurinn-- þurfti að fá smá aðstoð til að sjá hvað ég var að gera:



Þessi sjón-auki fæst í Handverkshúsinu og er algerlega ómetanlegur þegar maður er hættur að sjá annað en það sem er augljóst.