Flugmódelspjallið - flugmodel.net

Við Elvar höfum verið bissæi þessa vikuna. Það eru, að vísu engar myndir af mér, en Elvar er flottur. Haukur lét ekki sjá sig.

Þetta er stellingin sem þarf til að ræða við Tomma í ggnum síma. Penslað með joði (epoxýi) framan á eldvegginn Servóin voru leiðinlega rauð og það passar náttúrulega ekki við hvítan skrokkinn.

Kyndilmessa, en sólin var ekkert að trana sér fram og lofa betra veðri, enda nóg af öðrum stjörnum á Dalvík um þessar mundir.

Elvar er enn að dúlla sér við Kappann. Eitt af því skemmtilegasta sem ég geri er að efna niður í nýtt verkefni. Meira síðar.

Það eru mörg project í gangi á Verkstæðinu.

Elvar er enn að föndra við Kappann, og nú var sett undir hann stélhjólastell. Ég fékk sent þetta smíðakit í flatri pakkningu. Þetta mun vera vagn undir stórar (eða litlar) svifflugur. Ég prófaði að raða þessu saman án þess að nota lím og þá kom þetta í ljós. Ég límdi þetta saman að hluta með epoxý lími svo það gæti þolað smá dögg sem stundum safnast fyrir á flugbrautum. Eins gott að hafa helling af þvíngum á þessu. Við erum að hugsa um að nefna þetta Dolly Parton. Hér er ég svo að byrja á stélinu -- ég byrja næstum alltaf á stélinu -- á módeli eftir einn dáðasta flugmódelhönnuð allra tíma. Hann hér David Boddington og mig hefur lengi langað til að smíða þetta módel: MIGHTY BARNSTORMER, Vænghafið er um 2300 mm og það er fyrir .60 til .90 glóðarhausa. Ég á .95 glóðarhaus frá OS ig ætla að reyna að koma honum fyrr í þessu. Ég fékk flest rif og hjólastell frá DB Sport and Scale. Mér finnst mjög gaman að spöggulera hvernig á að setja svona saman, sérstaklega þegar leiðbeiningarnar eru eins knappar og fyrir þetta módel.

Enn er smíðað: 11. febrúar 2023

DOLLY PARTON:

Hægri hliðin á Dolly límd á með epoxýi og nóg af þvingum og klemmum. Hjólafestingarnar settar á. Athugið að öxlarnir sem fylgdu voru 3mm stálteinar, en öll göt, líka á hjólunum sjálfum og festihringjunum, voru 4mm. Ég fann til tvo 4mm teina sem ég ætla að nota og hef þessa 3mm bara til vara. Elvar er mjög hrifinn og er að velta fyrir sér hvernig hann getur notað þessa græju. Og hér sést hversu stór Dolly er miðað við SKY120 og SKYLARK. MIGHTY BARNSTORMER:

Ég límdi hæðarstýrin saman með 8mm harðviðarkubbbum. Ég vil frekar hafa miðjuna svona en að beygja 4mm stáltein til að sameina þau. Stýrishornið verður svo skrúfað í aukabútinn sem er fyrir aftan tengistykkið.

MIGHTY BARNSTORMER:

Ég er byrjaður á skrokknum og búinn með aðra hliðina. Venjulega byrjar maður á hægri hlið og gerir svo þá vinstri nákvæmlega eins ofan á hinni, en í þetta sinn gerði ég smá villu: ég tók eftir því að ég hafði gert vinstri hliðina á undan þeirri hægri. Vá, ég var í hættu á a gera tvær eins! Eftir mikla umhugsun og yfirlegu tókst mér að byrja á hægri hliðinni. Það var mjótt á munum á tímabili, en ég bjargaði þessu. Meira síðar.

MIGHTY BARNSTORMER:

Ekki mikið gert í dag. Ég kláraði báðar hliðar, aðra, sem er merkt VINSTRI og hina sem er merkt HÆGRI.
Nú vantar mig 6mm balsaplötur sem eru notaðar til að fylla upp í eyðurnar í hliðunum og halda við rifin sem setja lag á skrokkinn. Ég þarf að skreppa inn á Akureyri á morgun og athuga hvort Tommi á ekki svona balsaplötur.

Þangað til

MIGHTY BARNSTORMER:

Hér er ég búinn að setja 6mm fyllur í bilin í skrokknum. Eins og sést, þá eru þrjár raufar gerðar fyrir skrokkrif. Tvö skrokkrif eru jafn breið. sem þýðir að þau eru 90° við hliðarnar og eru límd á þær með vinklum. Á meðan límið þornar tók ég fram vængrifin og boraði gat þar sem servósnúran á að koma. Ég átti ekkert minna en 30mm (bollabor), svo götin eru í stærri kantinum. Þegar ég set vænginn saman, þá þræði ég upprúllaðan pappír í þessi göt svo snúrurnar hafi greiðan aðgang fram og til baka. Nú er hægt að líma vinstri hliðina á. Vinklarnir eru notaðir til að sjá til þess að hliðarnar séu algerlega samsíða. Nú er tími til að merkja vængrörin á þrjú vængrif. Ég merkti hæð vængendans á teikninguna og dró strik í gegnum þrjú fyrstu rifin. Þá fann ég út að hvert rif er um 2mm hærra en rifið á undan. Þannig fann ég staðsetningu gatanna. Fremra gatið er fyrir 17mm kolfíber rör. Álrör gengur í gegnum það til að halda vængjunum saman. Aftara gatið er fyrir 7mm álrör og kolfíber teinn gegnur í gegnum það til að stýra vængjunum saman. Hljómar flokið, en er einfalt.

MIGHTY BARNSTORMER

Þá er skrokkurinn kominn saman að mestu. Ég nota skrokktól frá SLEC, sem nýtist afskaplega vel.
Hér er mótorfestingin komin á sinn stað. Skrokkurinn á eftir að fitna veruleg hérna fremst og svo kemur hringur fyrir spinnerinn o.s.frv. Langböndin komin á bakið. Þetta er farið að líta alveg sæmileg út.

MIGHTY BARNSTORMER

Ég losaði skrokkinn úr smíðamátinu og límdi kynnina hægra megin með epoxý lími. Ég vildi ekki nota trélím vegna þess að það er vatn í trélími og það verpir balsaplötur. Epoxýið gerir það ekki og balsinn bara límist fastur. Hér er ég annars vegar að líma niður innri plöturnar sem halda hjólastellinu (það kemur önnur plata ofan á þetta) og hins vegar að setja inn hliðarnar þar sem kemur lok yfir stýrigræjurnar. Þetta lok er vel út hugsað og verður unun að setja græjurnar á sinn stað. Hjólastellið tengist við skrokkrifið sem síðan tengist upp í vænginn. Og her eru svo vængstífurnar sem halda vængnum fyrir ofan skrokkinn. Þetta heitir Parasol WIng á ensku, en ég hef ekki heyrt almennilegt íslenskt orð fyrir þetta (sólhlífarvængur er ekki nógu gott, eða hvað)

MIGHTY BARNSTORMER

Hér eru kinnarnar á vinstri hliðina límdar fastar með epoxý lími. Á meðan límið á kinninni tók sig setti ég lamir í stélið og formaði stýrin. Þetta var skemmtilegt dundur og verður flott þegar búið er að klæða vélina. Ég byrjaði að forma lokið undir botninn á skrokknum. Þarna koma servóin og móttakarinn. Ég ætla að staðsetja þau eins nálægt yfirborðinu og ég get til að það verði þægilegra að vinna við uppsetningu og svoleiðis. Ég skar líka niður 6x10mm langbönd sem koma á hliðarnar, tvö á hvora hlið, og byrjaði að rúnna þau til. Þau gefa skrokknum ákveðið form og fegra módelið verulega.