Jerry Bates 1/4 scale Cessna 172 Skyhawk

[Gaui]

TF-FRU -- dagur 19

Ég byrjaði daginn á því að klára að planka ofan á skrokknum.

20231228_103414.jpg (132.64 KiB) Skoðað 1284 sinnum

Svo dúllaði ég mér við að planka neðri hornin. Þessi eru aðeins krappari, þannig að ég skar 5 mm planka í staðinn fyrir þá 10 mm sem ég hef verið að nota hingað til. Þetta kemur hægt og örugglega og er ótrúlega skemmtilegt.

20231228_115514.jpg (126.61 KiB) Skoðað 1284 sinnum

[Gaui]

TF-FRU -- dagur 20

Ég er nánast búinn að planka skrokkinn, en til að gluggafestingarnar komist á þurfti ég að trimma smávegia af þeim.

20231230_093745.jpg (142.31 KiB) Skoðað 1259 sinnum

Ég ákvað að byrja að setja saman vængina. Þá uppgötvaði ég að rif W-2a voru ekki rétt skorin. Það hafði gleymst að gera ráð fyrir flöpsunum aftast. Ég strikaði eftir öðru rifi W-2 og sagaði í burtu það sem ekki á að vera.

20231230_103755.jpg (145.73 KiB) Skoðað 1259 sinnum

Næst þurfti að samlíma W-2a og W-2c, W-2a og W-2b.

20231230_105425.jpg (146.59 KiB) Skoðað 1259 sinnum

Krossviðar biti er frá W-1 til W-5. Þaðan eru svo vængvefir frá W-5 til W-11. Ég skar þessa vefi út úr 2,5 mm balsa og tók þá í rétta lengd. Þeir koma svo til með að staðsetja rifin rétt þegar ég lími vænginn saman.

20231230_110721.jpg (139.73 KiB) Skoðað 1259 sinnum

Ég prófaði að setja vænginn saman án þess að nota lím. Allt passaði eins og það átti að gera. Næst nota ég vinkla til að rifin fari rétt sman, því ég get ekki notað teikninguna vegna þess hversu vitlaus hún er.

20231230_113327.jpg (133.95 KiB) Skoðað 1259 sinnum

Hér eru festingarnar fyrir vængstífuna. Þessi stykki fara svo á milli rifja þegar ég lími vænginn.

20231230_115030.jpg (127.73 KiB) Skoðað 1259 sinnum

[Gaui]

TF-FRU -- dagur 21

Og þá er komið að því að líma vænginn saman. Vængrifin koma undir vængspelkuna, svo það þarf að setja þetta saman á lofti og leggja síðan niður á bitann.

20240101_121547.jpg (144.26 KiB) Skoðað 1247 sinnum

Hér eru öll rifin komin á og bitar, frambrún og styrkingar límdar í. Þetta tekur góðan tíma og eins gott að límið harðni ekki á meðan. Stálkubbar eru notaðir til að halda rifjunum niðri og réttskeið til að sjá til þess að aðal vængbitinn sé beinn og réttur.

20240101_125617.jpg (142.95 KiB) Skoðað 1247 sinnum

Nú er hægt að búa til hólfin fyrir servóin í vænginn, eitt fyrir flapsann og eitt fyrir hallastýrið.

20240101_134532.jpg (131.55 KiB) Skoðað 1247 sinnum

Og afturbrúnarklæðninguna fyrir hallastýrin. Nú má þetta allt þorna áður en vængklæðningin er búin til.

20240101_134541.jpg (139.37 KiB) Skoðað 1247 sinnum

[Gaui]

TF-FRU -- dagur 22

Ég bjó til fjögur servó lok með því að líma 1,5 mm krossvið á 1 mm balsa. Þetta gerir 2,5 mm, sem er sama þykkt og vængklæðningin. Ég notaði epoxý lím í þetta því að trélím inniheldur vatn og verpir svona viðarhluta.

20240102_102507.jpg (135.15 KiB) Skoðað 1238 sinnum

Ég setti venjuleg rafmagnsrör í vænginn fyrir servósnúrurnar. Leiðbeiningarnar mæla með raketturörum, en ég fæ svoleiðs ekki hér á landi.
Götin eru 17,4 mm og rörin 16 mm, svo að freyðilím gagnast til að halda þeim á sínum stað.

20240102_105357.jpg (137.42 KiB) Skoðað 1238 sinnum

Ég límdi saman skinnið undir vænginn úr þrem 2,5 mm balsaplötum og límdi þær svo á vænginn með freyðilími. Nú er um að gera að nota nægilegt farg.

20240102_120114.jpg (147.58 KiB) Skoðað 1238 sinnum

[Gaui]

TF-FRU -- dagur 23

Ég skrúfaði lokin á vænginn þar sem þau eiga að koma og skar svo klæðninguna undan þeim. Þannig passa þau eins og best er á kosið.

20240103_101230.jpg (127.36 KiB) Skoðað 1217 sinnum

Hér er hægra hallastýri í byggingu.

20240104_091206.jpg (133.72 KiB) Skoðað 1217 sinnum

0,4 mm krossviður er settur undir vænginn þar sem flapsinn á að koma. Límbandið er yfir smá sprungu í krossviðnum. Ég tek það þegar vængurinn er tilbúinn undir glerfíber. Nú þarf ég að bíða eftir því að Robart sendi mér flapsalamirnar. Þær koma í gegnum þessa krossviðarklæðningu,

20240104_111443.jpg (138.54 KiB) Skoðað 1217 sinnum

Og flapsarninr eru límdir saman. Ég get ekki klárað þá fyrr en ég fæ lamirnar, því þær eru settar innan í flapsana.

20240104_115433.jpg (131.63 KiB) Skoðað 1217 sinnum

[Gaui]

TF-FRU -- dagur 24

Stundum hamast maður við smíðar allan daginn, en nánast ekkert situr eftir. Hér er dæmi.
Ég setti vinstra hallastýrið saman og í þetta sinn mundi ég eftir að setja harðviðarkubb þar sem stýrishornið á að koma. Ég gleymdi þessu í hægra stýrinu og þurfti að skera það upp og bæta kubbnum við.

20240105_112154.jpg (139.07 KiB) Skoðað 1198 sinnum

Ég setti efra skinnið á hallastýrið og báða flapsana, svo að nú eru stýrin nánast tilbúin. Mig vantar af fá lamir frá Robart, en það gengur illa að fá þá til að fatta að ég var að panta frá þeim. Ég get ekki sett frambrúnina á flapsana fyrr en þær eru komnar í.

20240105_114642.jpg (142.06 KiB) Skoðað 1198 sinnum

[Gaui]

TF-FRU -- dagur 25

Ég raðaði vinstri vænggrindinni saman í morgun. Nú þarf þetta að þorna til morguns og þá get ég sett balsaklæðninguna á.

20240108_105040.jpg (141.33 KiB) Skoðað 1170 sinnum

Lamirnar á hallastýrum Cessna 172 eru ömmur furðulegar. Það eru þrjár í hvoru hallastýri og þær eru mjög langar, nánast píanólamir. Til að herma það á módelinu, þá keypti ég helling (30) af litlum Du-Bro lömum númer 118 og 0,8 mm stáltein. Ég klippti þolinmóðinn úr lömunum og þræddi þær upp á stálteininn, fjórar saman. Teinninn er beygður í 90° báðum megin við lamirnar og þá er komin langa lömin sem á að vera í vængnum.

20240108_113402.jpg (143.86 KiB) Skoðað 1170 sinnum

Þetta lítur svona út í hallastýrinu.

20240108_113902.jpg (138.59 KiB) Skoðað 1170 sinnum

[Gaui]

TF-FRU dagur 26

Neðra balsaskinnið límt á bakborðsvænginn.

20240109_114228.jpg (143.86 KiB) Skoðað 1147 sinnum

Á meðan límingin harðnar byrjaði ég að pússa skrokkinn og koma stélfletinum fyrir.

20240109_121805.jpg (138.11 KiB) Skoðað 1147 sinnum

[Gaui]

TF-FRU -- Dagur 27

Báðir vængir tilbúnir undir tréverk, eins og sagt er. Það vantar að setja efra balsaskinn á þá báða, en ég get það ekki fyrr en ég fæ flapsalamirnar.

20240111_115820.jpg (147 KiB) Skoðað 1132 sinnum

Ég er kominn með servóin og eins gott að máta þau í. Þetta er annað hallastýris servóið og það er komið heilmikið gat fyrir arminn á lokið. Tengingar flapsanna verða innan í vængnum svo það þarf ekki gat þar.

20240111_111118.jpg (136.79 KiB) Skoðað 1132 sinnum

Festingar fyrir servóin komin á lokin.

20240111_115437.jpg (146.38 KiB) Skoðað 1132 sinnum

[Gaui]

TF-FRU -- dagur 28

Það er komið að því að gera skrokkinn sléttan. Ég nuddaði fylliefni (Partoline Ready Made Lightweight Filler) á alla staði á skrokknum sem þarf að slétta. Ég notaði gúmmíhanska og setti fylliefnið á með hendinni, ekki spaða. Þetta fylliefni minnir svakalega á gamla góða Rauða Djöfsa, meira að segja ilmar eins.

20240112_110323.jpg (127.03 KiB) Skoðað 1092 sinnum

Svo er bara að setja á sig öndunargrímuna og renna á allt með grófum sandpappír og pússikubbum. Öndvert við það sem flestir segja, þá finnst mér gaman að pússa.

20240115_094243.jpg (140.08 KiB) Skoðað 1092 sinnum

Eftir góða stund með öndunargrímuna er ljóst að maður á ekki að vera með sítt alskegg. Gríman rífur óþægilega í skegghárin og svo koma þau krumpuð og bæld undan henni. Skeggið verður að fara!

20240115_114718.jpg (137.64 KiB) Skoðað 1092 sinnum

Og hér er svo skrokkurinn pússaður að mestu.

20240115_114727.jpg (140.09 KiB) Skoðað 1092 sinnum