Ripmax Nova 40 trainer

[Gaui]

Hvaða skrúfur eru þetta? Hverju halda þær?

[Aeroflot]

Mig langar til að spyrja ykkur spýtusérfræðingana í framhjáhlaupi hvort það sé eitthvað vit í því að skvetta lakki á svæðinu hjá eldsneytistankinu í svona trainer til þess að koma í veg fyrir að það verður gegnsósa af eldsneyti ef tankurinn lekur?

Ég spyr vegna þess að ég er að endursmíða eldvegg og botn eftir högg sem vélin fékk og það virðist hafa gefið auðveldlega eftir -sennilega þá af því að timbrið í kring var djúsað af eldsneyti.

[Björn G Leifsson]

Ein aðferð er "lakka" þetta innan með epoxýi þynntu með spritti. Ekki nota hrað epoxý (5 mínútna).

[Aeroflot]

En er ekki líka "leyfilegt" að nota tilbúið viðarlakk í dollu úr búð? -finnst svolítið langsótt að fara út í einhverja mixeringu í þetta

[Björn G Leifsson]

Spurning bara hvort það þoli eldsneytið.
Epoxýið gerir það pottþétt. Pólýureþan lakk (td kjarnalakk) og epoxýlakk (tveggja þátta lökk) gera það örugglega en eru of þykk óblönduð og allt of mikið vesen að útvega í nógu litlu magni.

Mjög margar málningar og lakktegundir leysast fyrr eða seinna af þessari blöndu af nítrometani, tréspíra og olíu. Viðarvörn svo og þess háttar þolir það örugglega ekki.

Slatti af 30 mínútna epoxýlími, hæfilega þynnt með rauðspritti er fínt. Maður á hvort eð er að eiga 30 mínútna epoxý fyrir samsetningar á vængjum og þess háttar þar sem fimm mínútna epoxý ekki er hentugt.

[Aeroflot]

Ég fer þá eftir ráðum þínum, takk fyrir það.

Á ég þá líka að nota 30mín epoxy á eldvegginn og botnin?

[Páll Ágúst]

[quote=Gaui]Hvaða skrúfur eru þetta? Hverju halda þær?[/quote]
Þessar skrúfur sem ég ætla að nota eru úr járni og ég vona að þær haldi.

[Björn G Leifsson]

Talandi um lím þá heimsótti ég Handverkshúsið (Bolholti 4) um daginn og sá að hann er með mikið úrval af alls konar lími, til dæmis mjög gott úrval af sýrulími.
Frábær búð sem maður getur alveg týnt sér í. Þessa búð rak áður Gylfi Sigurlinnason sálugi í Hafnarfirðinum, pabbi Þrastar sem flestir þekkja.

[Björn G Leifsson]

[quote=Aeroflot]Ég fer þá eftir ráðum þínum, takk fyrir það.

Á ég þá líka að nota 30mín epoxy á eldvegginn og botnin?[/quote]
Yfirleitt er eldvegurinn þegar lakkaður á ARF-módelum. Ef manni finnst maður þurfa að verja aðra fleti úr tré þá er þetta nothæf aðferð.

[Aeroflot]

nei ég meinti til þess að líma (nýja) eldvegginn og botnin á skrokkinn, þá að nota 30mín epoxy?