Re: Patró International - Samantekt
Póstað: 20. Jún. 2011 16:09:17
Við félagarnir suður með sjó vorum komnir á lappir fyrir klukkan fimm á föstudeginum því ætlunin var að ná níuferðinni hjá Baldri til að nýta föstudaginn sem best. Það gekk allt eftir og vorum við komnir á flugvöllinn um eitt leytið.
Strax var hafist handa við að taka módelin úr kerrum og bílum og setja saman, aldrei þessu vant lá vindurinn ekki eftir firðinum heldur þvert á og var að breyta sér allan daginn. Gríðarlegt uppstreymi af söndunum í kring og algjör suðupottur enda var svifflugan dregin ansi oft á loft um helgina. Fyrsta þotuflugið á Vestfjörðum framkvæmdi svo Ingólfur með Intró seinna um daginn, Þegar leið á kvöldið rak Eiríkur, sérlegur meistarkokkur þeirra Patrómanna, módelmenn inn í kaffi, kakó og pönnukökur. Það voru svo þreyttir módelmenn sem keyrðu inn á Patró um 11 leytið og nánast beint í bólið.
Laugardagurinn rann svo upp heldur hvassari en föstudagurinn en það hjaðnaði um það leyti sem við komum út á völl og var vindurinn svipaður og á föstudeginum. Módelin voru dregin út úr flugstöðinni og út á hlað svo gestir og gangandi gætu skoðað þau á milli fluga. Mikið var flogið en sökum skilyrða kom það oft fyrir að menn lentu í aðra átt heldur en þeir tóku upp í. Það var þó ekki vandamál þar sem aðstoðarmennirnir fylgdust vel með flöggunum og létu sína menn vita. Mikið var um gesti og gangandi og höfðu þeir gaman af að sjá módel af öllum stærðum og gerðum framkvæma ótrúlegustu kúnstir. Allan daginn var svo hægt að kaupa grillaðar samlokur, kaffi, kakó og nammistangir gegn vægu gjaldi og var því vel tekið af viðstöddum.
Um kvöldmatarleytið var svo komin tími til að skunda inn á Patreksfjörð, skella sér í betri fötin og svo var haldið í grillveislu sem þeir Patreksfirðingar buðu módelmönnum í. Þar var heilt kar af drykkjarföngum, lamba- og svínakjöt ásamt frábæru meðlæti. Eftir matinn var svo smá sýning á vídeóum sem módelmönn höfðu tekið upp af vélunum sínum um daginn. Stuttu síðar var smalað út í hópmyndatöku en að því loknu var aðstaða Módelsmiðju Vestfjarða skoðuð. Eftir mikið skraf og bollaleggingar um fyrrverandi, núverandi og tilvonandi framtíðarverkefni skunduðu einhverjir niður í bæ að kynna sér skemmtanalíf þeirra Patreksfirðinga en aðrir fóru að hitta sængurfötin sín.
Sunnudagurinn gekk svo í garð með logni svo það var ekki eftir neinu að bíða heldur drifu menn sig út á völl til að ná nokkrum flugum fyrir heimferð. Mikið var flogið þangað til fórum að pakka saman um kaffileytið. Svo var Patreksfjörður kvaddur en vonandi verður leikurinn endurtekinn að ári og við getum aftur átt frábæra stund saman.
Strax var hafist handa við að taka módelin úr kerrum og bílum og setja saman, aldrei þessu vant lá vindurinn ekki eftir firðinum heldur þvert á og var að breyta sér allan daginn. Gríðarlegt uppstreymi af söndunum í kring og algjör suðupottur enda var svifflugan dregin ansi oft á loft um helgina. Fyrsta þotuflugið á Vestfjörðum framkvæmdi svo Ingólfur með Intró seinna um daginn, Þegar leið á kvöldið rak Eiríkur, sérlegur meistarkokkur þeirra Patrómanna, módelmenn inn í kaffi, kakó og pönnukökur. Það voru svo þreyttir módelmenn sem keyrðu inn á Patró um 11 leytið og nánast beint í bólið.
Laugardagurinn rann svo upp heldur hvassari en föstudagurinn en það hjaðnaði um það leyti sem við komum út á völl og var vindurinn svipaður og á föstudeginum. Módelin voru dregin út úr flugstöðinni og út á hlað svo gestir og gangandi gætu skoðað þau á milli fluga. Mikið var flogið en sökum skilyrða kom það oft fyrir að menn lentu í aðra átt heldur en þeir tóku upp í. Það var þó ekki vandamál þar sem aðstoðarmennirnir fylgdust vel með flöggunum og létu sína menn vita. Mikið var um gesti og gangandi og höfðu þeir gaman af að sjá módel af öllum stærðum og gerðum framkvæma ótrúlegustu kúnstir. Allan daginn var svo hægt að kaupa grillaðar samlokur, kaffi, kakó og nammistangir gegn vægu gjaldi og var því vel tekið af viðstöddum.
Um kvöldmatarleytið var svo komin tími til að skunda inn á Patreksfjörð, skella sér í betri fötin og svo var haldið í grillveislu sem þeir Patreksfirðingar buðu módelmönnum í. Þar var heilt kar af drykkjarföngum, lamba- og svínakjöt ásamt frábæru meðlæti. Eftir matinn var svo smá sýning á vídeóum sem módelmönn höfðu tekið upp af vélunum sínum um daginn. Stuttu síðar var smalað út í hópmyndatöku en að því loknu var aðstaða Módelsmiðju Vestfjarða skoðuð. Eftir mikið skraf og bollaleggingar um fyrrverandi, núverandi og tilvonandi framtíðarverkefni skunduðu einhverjir niður í bæ að kynna sér skemmtanalíf þeirra Patreksfirðinga en aðrir fóru að hitta sængurfötin sín.
Sunnudagurinn gekk svo í garð með logni svo það var ekki eftir neinu að bíða heldur drifu menn sig út á völl til að ná nokkrum flugum fyrir heimferð. Mikið var flogið þangað til fórum að pakka saman um kaffileytið. Svo var Patreksfjörður kvaddur en vonandi verður leikurinn endurtekinn að ári og við getum aftur átt frábæra stund saman.
