Laser Kit - Reynslutölur

[Þórir T]

Ég veit um menn sem hafa verið að láta þá skera út kontról horn og þessháttar í fullscale flugvélum, afhent á cd disk og ekkert mál...

Efast um að það þurfi fórnir í þessu máli, auðvelt að fara með plötu og láta gera tilraunir fyrir sig...

mbk
Mr T

[Offi]

Ég tók mig til og hringdi í þá í Geislatækni. Þeir eru komnir með nýja vél í skurðinn og þeir skera hvorki tré né plast með henni, því þá fellur ábyrgðin úr gildi.

Þeir eiga hins vegar gömlu vélina ennþá, en óuppsetta. Ég nefndi að það gæti verið mikill áhugi á að fá svona þjónustu hérna og að það gæti verið smá vítamínsprauta fyrir módelsmiði. Þeir ætla því að skoða aðra notkunarmöguleika einnig fyrir gömlu vélina og þar á meðal þennan. Þess má geta að faðir þess sem ég spjallaði við er að smíða módel sem hann skar út eftir gömlum teikningum!

Ég á að hafa samband við þá aftur snemma á næsta ári.

[Björn G Leifsson]

Þetta er nú líka spurning um að geta gengið rétt frá forskriftinni. Mig hefur lengi langað til að læra CAD en ekki haft tíma.
Væri forvitnilegt að vita svolítið meira um hvað svona tækni getur gert, hvað þetta fyrirtæki er að gera og hvaða kostir og hvaða takmarkanir eru með þessu og svo framvegis.
Það má svo auðvitað ekki týna sér í tæknidraumunum og gleyma góðu gömlu laufsöginni.
Ég á gamla Dremel tifsög og hún, ásamt klassísku hand-bogasöginni, dugir nú langt.

En það er gaman að velta sér upp úr möguleikunum.

[Björn G Leifsson]

[quote=Sverrir]...
Fáum við annars ekki smíðaþráð frá þér þegar Súper Köbb smíðin hefst?[/quote]
Ja það er nú varla hægt að betrumbæta snilldina hjá Gauja. Ég hafði hugsað mér að herma mest eftir honum en ef ég finn upp á einhverju frásagnarverðu sjálfur þá mun ég deila því með ykkur. Eitt sem ég mun örugglega skrásetja er frágangurinn og vinnan við mótorinn því ég verð ekki með sama og Gauji heldur með Toni Clark uppsetninguna með ZG45 mótor, hljóðkút og Hydro-Mount demparafestingum.
Það er stutt í að ég setji í gang en ég kem alls ekki til með að geta framleitt eins hratt og Grisará Modellfabrik. Er fyrstr núna að setja saman smíðaplötuna sem ég lét saga fyrir mig úr 30 mm MDF eftir forskrift Gauja.

[Sverrir]

Nei, það er svo sem satt hjá þér, fáir sem komast í skóna hans Gauja von Schweinfluß Modellfabrik, ég held að það sé rétt nóg pláss fyrir hann í þeim
En fáum við ekki stöku mynd við og við svona til að sjá hvar menn verða staddir

[Björn G Leifsson]

Ef ég byrja ekki á svona prósjekti fyrst :

http://www.hobbycnc.com/plans.php

Nú má Messarinn fara að vara sig sjáiði þetta: http://www.houstonhobbies.com/cnc/video/cnc.mpeg

hehehe

Annars þegar ég verð orðinn orfvirkur módelsmiður á eftirlaunum (eins og ég stefni á) þá fæ ég mér eitthvað svona: http://www.k2cnc.com/Machines_All.asp

[Gaui]

[quote=Sverrir]fáir sem komast í skóna hans Gauja von Schweinfluß Modellfabrik, ég held að það sé rétt nóg pláss fyrir hann í þeim[/quote]
Bara svo þú vitir af því, Sverrir, þá er þýðingin á Grísará yfir þá þýsku Fergelbach, vegna þess að grís er fergel og lækur (sem þetta nú í raun er) er bach, semsagt Herr Professor Gudjon Olafsson von Fergelbach

[Björn G Leifsson]

Eh... !?!?

I say, by jove! What a frightful lot. All those nose-in-the-air kraut-lovers up north I mean... Let's show them how to build proper aeroplanes. Too much of these Fokey-Wolves and Messysmiths flying around up there.

Tally-ho

Dr. B. G. Walleyhouse Esq. MD, MÞMFC, FWMBS, etc.
Director, Walleyhouse aeroplane (model) factory

[Sverrir]

[quote=Gaui][quote=Sverrir]fáir sem komast í skóna hans Gauja von Schweinfluß Modellfabrik, ég held að það sé rétt nóg pláss fyrir hann í þeim[/quote]
Bara svo þú vitir af því, Sverrir, þá er þýðingin á Grísará yfir þá þýsku Fergelbach, vegna þess að grís er fergel og lækur (sem þetta nú í raun er) er bach, semsagt Herr Professor Gudjon Olafsson von Fergelbach [/quote]
Förum nú ekki að eyðileggja góða sögu með sannleikanum

[Ingþór]

nohhh, mér sýnist allt stefna í litla útgáfu af annarri heimstyröld með von Fergelbach vs. Dr. B. G. Walleyhouse ... etc. í broddum fylkinga