Smíðað á Grísará

[Gaui]

Hér kemur það sem ég ætlaði að setja:

Árni var eitthvað svalur þegar hann kom og fannst rétt að snerpa aðeins á kaffinu. Sem betur fer var hann að strauja Solartex á lúgur af Fokker, svo það var auðvelt.



Svo skar hann út kokkpittið á Fokker. Mummi fylgdist með og fannst lítið til koma, enda er árni hálf-öðru ári á eftir okkur hinum.



Ég byrjaði að brytja niður Cyparis við sem Steve Holland kom með handa mér frá Englandi. Þessi viður ilmar sérlega vel, eins og sést á þessari mynd.



Og hér er það sem þessi ilmandi viður fer í: TF-ÖGN í 1/3 stærð.



Nú tók Bubba til hendinni og fór að máta sig við flugvélar. Fokkerd DVIII



og Cessna Birddog:



Hann vill ólmur komast í loftið aftur og reynir all sem hann getur -- greyjið.

[Gaui]

Mummi og Árni kíktu í morguyn og dúlluðu sér við módelsmíðar. Árni setti m.a. stéldrag undir Fokkerinn:



Og Mummi framkvæmdi ýmsa útlitsgaldra á Birddog:



Og svo var þetta:

[Árni H]

Og Gaui dró fram stóru mótorana...


Mummi þreyttur á panellínum...... NOT! Þetta er það skemmtilegasta sem hann gerir...

[Gaui]

Mummi hefur greinilega verið að dunda sé heima undanfarið. Hann mætti í skúrinn með þetta líka flotta mælaborð í Birddog:



Næsta mál á dagskrá hjá Árna var að setja álplötu ofan á Fokkerinn framarlega. Til þess notaði hann gamla góða Jötungripið, en lyktin af því er nokkuð sem maður þarf að venjast -- á löngum tíma.



Svo var að leggja plötuna ofan á tvo búta af plasti og stilla hana af ...



... áður en annar búturinn er tekinn undan og platan fest (maður fær bara eitt tækifæri!)



Þá er hinn búturinn tekkinn undan og platan fest alla leið. Þetta er svona "sjúkkitt" stund ef allt hefur farið eftir áætlun.



Svo er límband sett utanum til að halda plötunni á meðan hún festist almennilega. Hún er nefnilega þó nokkuð stíf og betra að fara varlega en að þurfa að laga seinna.



Svo kom í ljós að Árni átti eftir að mála nokkra depla í viðbót

[Gaui]

Gáta vikunnar:

Ef mælaborðið er athugað vandlega má sjá að Mummi er líklega um það bil að lenda i töluverðum vandræðum.

Af hverju?

[Björn G Leifsson]

[quote=Gaui]Gáta vikunnar:

Ef mælaborðið er athugað vandlega má sjá að Mummi er líklega um það bil að lenda i töluverðum vandræðum.

Af hverju?

[/quote]

Af því sem mælar sýna þá er dautt á mótornum... en það er það jú auðvitað ef maður tekur mælaborðið úr, er það ekki?

[einarak]

[quote=Björn G Leifsson][quote=Gaui]Gáta vikunnar:

Ef mælaborðið er athugað vandlega má sjá að Mummi er líklega um það bil að lenda i töluverðum vandræðum.

Af hverju?

[/quote]

Af því sem mælar sýna þá er dautt á mótornum... en það er það jú auðvitað ef maður tekur mælaborðið úr, er það ekki?

[/quote]


Of auðvelt. Vandamálið er verra því greinilega er enginn sígarettukveikjari í mælaborðinu og iphoneinn er að verða straumlaus...

[Gaui]

Doktorinn er nálægt þessu. Hins vegar sást honum yfir að Mummi er í 5300 feta hæð með dsauðan mótor og engan hraða.

[Björn G Leifsson]

[quote=Gaui]Doktorinn er nálægt þessu. Hins vegar sást honum yfir að Mummi er í 5300 feta hæð með dsauðan mótor og engan hraða.

[/quote]

Huh.... dautt á mótor er auðvitað ekki vandamál nema fjarlægðin frá jörðu se umtalsverð. En það þarf nú yfirleitt ekki að hafa miklar áhyggjur af því á svona handhægum vélum:




(sagan bakvið þessa mynd)

[Sverrir]

[quote=Björn G Leifsson]Huh.... dautt á mótor er auðvitað ekki vandamál nema fjarlægðin frá jörðu se umtalsverð.[/quote]
Ég kysi frekar að missa mótor í 5000 fetum heldur en 500 fetum.