Flugmódelspjallið - flugmodel.net

Árni er enn að mála depla. Eitthvað er hann að mæðast við þetta kallinn, en það er ekki langt eftir -- bara svona um þúsund deplar í viðbót!

Ég veit að aðdáendur Árna Hrólfs bíða spenntir eftir mynd af næsta depli -- og hér kemur hún:



Þessi var tekin í gærkveldi þegar hann var í óða önn (já-já) að mála seinni umferðina á brúnu blettina á hægri hliðinni. Seinni umferðin á hina litina þrjá, svo ekki sé minnst á allt sem þarf að fara ofan á skrokkinn (óhreyft enn sem komið er) er nokkuð sem deplaaðdáendur bíða eftir með endurnar í hálsunum.

Árni er seigur, það virðist vera alveg öruggt að næsta vél sem hann smíðar verður einlit

Árni þegar þú ert búinn að rýna lengi í blettinn sem þú ert að mála,færðu þá ekki skynvillu einhverja ? hehe

Jú maður - það leikur allt á reiðiskjálfi eins og maður hafi tekið LSD...

Ég er dálítið seinn með þessa mynd og aðdáendur líklegast farnir að ókyrrast, en hér kemur hún. Árni Hrólfur að vanda sig við ljósbláu blettina síðastliðinn miðvikudag, 29. febrúar.



Ég get lofað ykkur að þetta gerir hann ekki nema fjórða hvert ár !

Árni er hættur í blettunum og í morgun kom hann í skúrinn og dró upp mótið fyrir vélarhlífina. Hann var búinn að maka bóni inn í hana (mér skilst að það sé eitthvað sem sumir setja á bíl ???) svo hann vildi ekki láta mótið sitja á höfðinu, en svona lítur hann út eins og geimvera:



Bendi fyldist vandlega með þegar Árni klippti niður örk af 160 gramma glerfíber sem hann fann einhvers staðar uppí Hlíðarfjalli:



Svo var fíbernum gluðað inn í mótið með epoxý kvoðu sem fæst úr lind í þessu sama Hlíðarfjalli (Árni getur gefið upp nánari staðsetningar ef nægilegt fé er í boði).



Við setjum síðan inn myndir af pródúktinu ef það losnar einhvern tímann úr mótinu.

Flott hjá ykkur félagar

KG

Spenntur að sjá útkomuna á þessu...
GH

Það er best að halda þessum þræði lifandi - Fokkerinn skríður hægt og örugglega í rétta átt þessa dagana.

Nú eru það vængstýfurnar. Það þurfti dálítinn eltingaleik og vangaveltur til að hitta á festingarnar innan við balsa og klæðningu. Það tókst þó allt farsællega að lokum:)

Sérstakur vísindalega útreiknaður balsakubbur er notaður til þess að stilla vænginn af. Kubburinn datt í gólfið og lenti í eftirlitshundinum - þess vegna er hann svolítið tættur en það kemur ekki að sök.

Cowlingin er í stórum dráttum að verða tilbúin og var borin við til þess að sjá aðeins framan í flugvélina.

Eins og allir vita er Fokkerinn úr fyrri heimsstyrjöld en á næsta borði voru tvær aðrar styrjaldir ofar í huga viðstaddra. Það er Heinkelinn úr seinni heimsstyrjöld og Bird Dog úr Kóreustríðinu.


Næsta verk er að líma vængstýfurnar í skrokkinn, lóða endana saman og byrja hið vandasama verk að stilla vænginn endanlega af.

Kv,
Árni H