Flugmódelspjallið - flugmodel.net

MIGHTY BARNSTORMER

Krossviðarplata fyrir hjólastellið, límd niður með epoxý lími. Hliðarlistarnir formaðir. Fókusinn ekki alveg á réttum stað. Hér er ég að raða saman lokinu yfir bensíntankinn og kringum mótorinn. Þetta eru stór og mikil balsaborð límd á sinn stað. Svo verður heilmikið verk að tálga þetta allt niður í rúnnað form. Ég þarf líka að koma mótornum fyrir og setja hgringinn fremst á nefið. Og hér er þetta séð frá hlið. Það eina sem vantar er 12mm balsaplata ofaná og þá get ég farið að hvetja hefilinn.

Gaui skrifaði: ↑18. Feb. 2023 17:02:33 Og her eru svo vængstífurnar sem halda vængnum fyrir ofan skrokkinn. Þetta heitir Parasol WIng á ensku, en ég hef ekki heyrt almennilegt íslenskt orð fyrir þetta (sólhlífarvængur er ekki nógu gott, eða hvað)

Yfirþekja heitir þetta í flugorðasafninu.

Takk Sverrir. Ég mun nú nota orðið YFIRÞEKJA í tíma og ótíma, hvort sem það þarf eða ekki.

MIGHTY BARNSTORMER

Hin hliðin á skrokkmiðjunni fór á. Smá vatn setti þennan boga á hana. Nú er auðvelt að líma þetta ofan á skrokkinn. Framparturinn á skrokknum formaður að miklu leiti. Ég setti pinna í lokið að aftan og límdi það á nefhringinn. Þegar límið er þurrt get ég formað þetta til og heflað hliðarnar niður. Lokið komið á radíóhólfið og búinn að líma balsa undir nefið.

MIGHTY BARNSTORMER

Ég gleymdi símanum mínum heima í gærkvöldi, svo það er bara ein mynd af skrokknum. Ég er búinn að hefla niður lokið á nefinu og pússa til formið á því að mestu. Nú á ég eftir að stilla mótornum í og forma nefið í kringum hann. Þá get ég fari að loka því að neðan og verja allt innan í því með epoxýi. Ég límdi líka hliðarlistana á og lagaði þá til eftir því sem teikningin segir. Hér er ég byrjaður að líma rifin í vinstri vængnum niður á bitana. Þetta verður gaman. Hæer eru öll rifin komin á bitana nema það fyrsta. Ég þarf að setja upprúllaðan pappír í stóru götin á rifjunum fyrir servósnúruna. Eftir það get ég sett rótarrifið á sinn stað.

Heilmikið líf á verkstæðinu í dag.

CAPpinn

Elvar setti botn í flugklefann á CAPpanum. Hann er búinn að fá kúpul og vélarhlíf og ætlar að setja kall í flugmannssætið. vélarhlífin passar ágætlega .... ... en það þarf að opna hana a ýmsa vegur til að koma henni yfir mótotrinn. Þá er hægt að máta rendurnar við skrokkinn, fyrst mótorhlífin er komin. Það er franski fáninn. MIGHTY BARNSTORMER

Upprúllaður pappír kominn í götin og þá er hægt að líma rótarrifið við 93 gráður. Ég er líka búinn að útbúa krossviðarvefi þar sem rörin koma. Hér er ég búinn að setja vefinn við afturbrúnarklæðninguna og líma 2,5mm afturrbrún ofan á. Hér er ég að setja vefinn á frambitann til að stífa vænginn af. Ég setti 2,5mm falska frambrún á rifin til að halda við þau. Nú þarf þetta allt að þorna fram á mánudag. Þá sný ég vængnum við og lími alla neðri klæðninguna á hann. Svo geri ég hægri vænginn.

MIGHTY BARNSTORMER

Ég byrjaði á því að snúa vængnum á hvolf og fergja hann á afturbrúnina. Svo skar ég til 50mm breiða ræmu úr 1,5mm balsa og límdi á afturbrúnina. Frábært að hafa þessa stuttu vefi þarna. Afturbrúnin er verulega hraust núna. Frambrúnarlistarnir halda undir frampartinn af vængnum á meðan. Ég skar líka til rótarklæðninguna og límdi hana niður. Svo sneri ég vængnum til þannig að frambrúnin sneri fram og heflaði og pússaði niður fölsku frambrúniina. Þá gat ég límt frambrúnarskinnið á. 100 mm plötur passa akkúrat. Svo setti ég ræmur á nokkur rif. Ég þarf að merkja staðsetningu hallastýrsins áður en ég get klárað þetta, svo nú verður allt að bíða til morguns.

MIGHTY BARNSTORMER

Og þá er vinstri vængurinn tilbúinn fyrir samsetningu. Balsaklæðningin á neðra byrðinu komin á og bara eftir að klára það sem kemur ofaní og ofaná vænginn. Þá er timi til kominn að byrja á hægri vængnum. Hér eru bitar og rif á teikningunni og bíða þess að tónlistin fari af stað. Hægri vængurinn verður nákvæmlega eins og sá vinstri, svo ég ætla ekki að setja margar myndir til að sýna hvað ég er eð gera, kannski bara eina á dag svo það sjáist að ég er að smíða.

MIGHTY BARNSTORMER

Hægri vængurinn að fæðast.

MIGHTY BARNSTORMER

Á meðan limingar á hægri vængnum eru að taka sig staðsetti ég servóið fyrir þann vinstri. Ég límdi tvo kubba á milli rifjanna og setti svo 1,5mm balsa í kringum servóið svo plast dúkurinn hafi eitthvað að halda í þegar þar að kemur. Svo skar ég á öll rifin í hallastýrinu og setti tvo balsabúta þar ofaní. Sá fremri er 3mm og bak við hann setti ég kubba sem koma til með að taka við lömunum. Hinn er 15mm og ég kem til með að hefla fláa í hann ofan og neðan svo hallastýrið geti hreyfst upp og niður.