Viper Jet

[Sverrir]

Eins og með aðrar „alvöru“ flugvélaverksmiðjur þá var unnið á mörgum stöðum og aðföng koma víða að, Einar Páll sá um að „framleiða“ mælaborðsplötuna fyrir mig, takk fyrir það.


Allt að gerast.


Nipplarnir á bensíndælunni eru 4mm svo til að koma 6mm slöngunni með góðu móti upp á þá setti ég fyrst 4mm slöngu og skar hana svo í sundur með 45° horni.


Öllu meira mál var að koma 6mm slöngunni á 8mm nippla í pelanum mínum en með smá laxerolíu og hita hafðist það.


Búið að víra slöngurnar og þá er eldsneytiskerfið klárt!


Loftkerfin eru líka klár.


Skrifstofan bíður eftir flugmanninum.

[Sverrir]

Rafhlaða fyrir ljósin, þá eru samtals 14.4A af rafmagni um borð.


Hvað ætli verði úr þessu? :/

[Sverrir]

Jæja ætli þetta verði ekki endanleg staðsetning á rofunum... alla veganna fyrst um sinn.


Svona líta herlegheitin út þegar allt er komið á tækjaplöturnar.


Aftasta hluta gróðurhúsins var lokað með þunnri krossviðarplötu.


Svo var endað á uggunum og þeir festir með sílikoni, þá var allt komið á hana sem á að vera á henni, nema kannski nokkrir límmiðar.

[Sverrir]

Svo lenti ég í því þegar verið var að prófa hjólabúnaðinn að nefgírinn ákvað að vera með stæla og losaði sig við O hringinn og skinnuna, það hafðist þó að koma því saman aftur og hangir það enn.


Smá vídeó af mótornum að fara í gang.

[einarak]

Það er ekki hægt að fá nóg af þessari, án efa mjög ofarlega á top 5 yfir flottustu vélar landsins

[Guðjón]

ásamt einhverjum 3 þotum, einum turbo-prop og Extrunni hanns Eysteins

[Gunnarb]

djöfull þarf ég svona

[Sverrir]

Svona til gamans þá læt ég fylgja með myndir af hlutunum sem fóru í vélina, það eru nokkrir smáhlutir sem eru ekki þarna á myndinni en þetta gefur ágætis mynd af því sem er falið í vélinni.

[Ágúst Borgþórsson]

Mér sýnist á þessu græna þarna að Viper megi fara að vara sig

[Sverrir]

Virus er svakaleg en ég held að ég leyfi Ali að sjá alveg um hana.