20 ára afmælisflugkoma Flugmódelfélags Suðurnesja, 2.-3.júní 2012

[Sverrir]

[quote=kpv]Já fyrirgefðu Sverrir, hef heyrt þetta frændatal hjá Hrannari. [/quote]
Svo eru við ~sjömenningar Kristján en það á víst við um ansi marga!

[Sverrir]

Nokkrir punktar sem ber að hafa í huga.

* * * * *

Smellið á myndina til að stækka hana.


Ef veðurspáin gengur eftir þá notum við löngu flugbrautina(Heimsendi-Skógarendi) á laugardaginn og svo hina á sunnudeginum. Hafið hins vegar í huga að skjótt skiptast veður svo farið öllu með gátt þegar ekið er fram hjá brautarendunum(fjólubláa línan).

Þegar komið er á svæðið þarf að huga að því hvar bílnum er lagt, þeir sem eru komnir til að fljúga leggja bílnum á græna svæðinu ásamt þeim sem eru með blá P merki eða aðrar löglegar ástæður. Aðrir eru beðnir um að leggja á bláa svæðinu fyrir aftan grasmönina. Ef þessi svæði fyllast þá munum við opna inn á gula veginn og þá er hægt að leggja þar í kantinum. Vinsamlegast ekki leggja í hringtorginu.

Farið að hvíta vagninum og skráið ykkur áður en lengra er haldið, þeir sem eru enn á 35 mhz athugið að kanna hvort fleiri eru á ykkar tíðni hjá skrásetjara. Ekki má kveikja á 35 mhz sendum nema viðkomandi sé með sína klemmu á tíðnispjaldinu.

Tjald verður á svæðinu(rauður kassi) en það er meira hugsað sem skjól ef úrhelli gerir, menn eru hvattir til að fjárfesta í segldúk til að skýla módelunum en 6m² dúkar hafa t.d. fengist í Europris á ca. 2.000 krónur. Appelsínugula svæðið er hugsað fyrir samsett flugmódel á milli fluga og verður stúkað af.

Módel skulu gangsett á svæðinu sem afmarkast af rauðu og gulu brotalínunni. Þar verða rafgeymar sem hægt verður að nota. Þeir sem eru með glóðareldsneyti skulu EKKI keyra mótorana upp á malbikinu heldur á; gangsetningarborðum, steypunni á gangsetningarsvæðinu, á grasinu fyrir flugtak eða með því að lyfta módelinu af malbikinu og keyra það upp í a.m.k. 60 cm hæð yfir jörðu. Ef þyrlur verða á svæðinu þá eru flugmenn þeirra beðnir um að tala við Sverri um þau mál.

Ljósbláu kassarnir eru svæðin sem flugmenn skulu standa á hverju sinni og er miðað við að standa skuli sem næst brautarenda sem í notkun er. Flugmenn skulu vera með aðstoðarmann með sér. Athugið að hægri umferð gildir á brautunum, t.d. ef Heimsendi er í notkun skal módelinu ekið meðfram brautarkantinum sem er á hægri hönd flugmanns sem labbar út eftir og eins þegar módel er á leið að pitti. Ef módel er í akstri út að brautarenda og lending er yfirvofandi skal fjarlægja módelið af brautinn ef þess er kostur.

Eftir að flugi lýkur skal drepið á módeli áður en farið er inn á gangsetningarsvæðið!


Langar einnig að biðja menn um að kynna sér reglur þær sem gilda á Arnarvelli og þá sérstaklega um loftrýmið.




Klósett verður á svæðinu en ekkert rennandi vatn, það verður staðsett við geymslugáminn sem stendur við hringtorgið. Eins og á öðrum flugkomum þá eru veitingar í boði Flugmódelfélags Suðurnesja. Þeir sem hafa hug á að gista á svæðinu þurfa að staðfesta það við Sverri fyrir kl.18 fimmtudaginn 31.maí nk.

Athugið að ég mun ekki svara símanum fimmtudaginn 31.maí frá kl.11 til 19. Ef þið ætlið að staðfesta á því tímabili hafið þá samband við Magga í síma 861 9314.


Minni einnig á afmælismatinn á laugardagskvöldið.

[Sverrir]

Þetta er komið upp á brúna skúrinn svo menn þurfa ekki að leggja þetta á minnið!


Einnig er þetta fína tjald komið upp.


Fékk að eyða smá í dag!

[Jónas J]

Þetta lítur mjög vel út hjá ykkur og ekki er spáin að svíkja ykkur því það er spáð rjómablíðu alla helgina eins og ég spáði

Góða skemmtun

[Gauinn]

Þetta verður bara gaman! Kem á fornbílnum / húsbílnum mínum og stefni á að koma snemma og vera lengi.
Ef farið er út í ættfræði, þá erum við "Lúlli" mæðrasynir

[Spitfire]

Jæja strumparnir mínir eins og ferðafélagi minn myndi segja, nú skal yfirgefa fjörðinn fagra og setja kúrsinn suður á bóginn...

[Páll Ágúst]

Er einhver með laust sæti til Höfuðborgarsvæðisins sem ætlar að vera kominn þangað um kl. 17? Búinn að redda mér á völlinn en þarf að komast heim fyrir mat Sverrir, ég ræði matinn við þig út á velli á morgun

[Eysteinn]

[quote=Páll Ágúst]Er einhver með laust sæti til Höfuðborgarsvæðisins sem ætlar að vera kominn þangað um kl. 17? Búinn að redda mér á völlinn en þarf að komast heim fyrir mat Sverrir, ég ræði matinn við þig út á velli á morgun [/quote]

Sæll Páll,

Ég er með laust sæti heim og þú ert velkominn með mér. Ég þarf að sækja frú Sigríði sem ætlar að eiga gott kvöld með mér á Hótel Keflavík

Kær kveðja,

[Sverrir]

[quote=Eysteinn]
Sæll Páll,

Ég er með laust sæti heim og þú ert velkominn með mér. Ég þarf að sækja frú Sigríði sem ætlar að eiga gott kvöld með mér á Hótel Keflavík

Kær kveðja,[/quote]

Fær hún ekkert að borða???

[quote=Eysteinn]Ég og Jón V. Péturs mætum

Kveðja,[/quote]

[Eysteinn]

[quote=Sverrir][quote=Eysteinn]
Sæll Páll,

Ég er með laust sæti heim og þú ert velkominn með mér. Ég þarf að sækja frú Sigríði sem ætlar að eiga gott kvöld með mér á Hótel Keflavík

Kær kveðja,[/quote]

Fær hún ekkert að borða???

[quote=Eysteinn]Ég og Jón V. Péturs mætum

Kveðja,[/quote][/quote]

Jú jú, auðvitað fær hún að snæða með okkur. Þau hjá Hótel Keflavík eru búinn að græja það fyrir okkur


Kveðja,