Gáta

[Helgi Helgason]

Svona til að sleppa öllu gríni þá giska ég á Fokker D.VIII







Vantaði einn staf

[Gaui]

Ég myndi halda það þetta væri eftirlíking af Fokker D VIII

[Sigurjón]

Alveg rétt. Þetta er flughæf eftirlíking af Fokker D VIII sem er staðsett á Jean Stampe flugsafninu í Antwerpen í Belgíu.

[Sigurjón]

Hvaða flugvéla tegund er þetta og hvernig tengist hún flugsögu Íslands?

[Steinar]

Tja!! Stélið minnir amk á eitthvað?? stélið á Tiger moth og cowlingin á Ögnina???

[Björn G Leifsson]

Ja þetta er nú ekki erfitt þar sem kennileitin eru margvísleg. Steinar er auðvitað heitur,,, hefur jú á vissan hátt rétt fyrir sér. Kannski er hann að halda aftur af sér því hann veit hvað þetta er.
Maður sér auðvitað arfleifðina frá De Havilland DH82 Tiger Moth sem átti svo sinn forvera í DH 60 Gypsy Moth. Ef einhver efast þá er merki framleiðandans fallega málað á hjólaskeljarnar á þessari.

Þetta er einhver útgáfa af DH83 FoxMoth. Stjórnklefinn er lokaður á þessu eintaki en á öðrum eintökum hefur hann verið opinn. Kannski einhver nútíma kuldaskræfa sem á hana og hefur náð sér í gróðurhús á hana. Kannski af Super CHipmunk?.

Svona dæmi er svo auðvelt að fletta upp á netinu. Hér er annað eintak með opinn hanapitt:


Tengingin við íslenska flugsögu er væntanlega gegnum Gypsy-major mótorinn sem knúði ÖGN-ina en ýmis afbrigði af þeim knúðu (yfirleitt?) þessar vélar sem upp eru taldar... ekki satt?

[Björn G Leifsson]

Bara svona til að halda boðhlaupskeflinu gangandi....

Það er til svo mikið af skrýtnum og skemmtilegum flugvélum.
Hvað haldið þið að þessi fallega vél heiti?

[Þórir T]

Svipar aðeins til Piper PA16, en er sennilega ekki hún, öll einhvernveginn lengri...

[Sigurjón]

Doktor Björn fær ekki fullt hús stiga fyrir sitt svar

Já, þetta er deHavilland D.H. 83 Fox Moth. En þetta er D.H. 83C Fox Moth, smíðuð eftir stríð í Kanada og er upprunalega með lokuðum stjórnklefa. Það er ekki einhver nútíma kuldaskræfa sem setti kanópíuna þarna.

Dr. Björn, og fleiri, fá engin stig fyrir tengingu þessarar flugvélartegundar við íslenska flugsögu.

Árið 1933 kom flugmaður að nafni John Grierson til Reykjavíkur á deHavilland Gipsy Moth flugvél á flotum. Tilgangur ferðar hans var að sanna norðurleiðina til Kanada sem vænlegan kost í flugi. Í flugtaki hlekktist flugvéla hans á og fór á hvolf.

Árið eftir var Grierson aftur á ferð, að þessu sinni á Fox Moth á flotum. Í flugtaki á ytrihöfninni í Reykjavík rakst hann á árabát sem braut vinstri neðri væng vélarinnar. Þar með var endi bundinn á ævintýri þessa breta við að sanna norðurleiðina. Brotið úr vinstri vængnum fyrir utan stífu er nú í vörslu Flugsögufélagsins.

Varðandi myndina sem Dr. Björn sendi inn, verð ég að játa mig sigraðann. Þetta lítur út eins og samsafn af mörgum flugvélartegundum. Mótorinn er 180hp Lycoming, skrokkurinn mynnir á Aeronca Sedan með Piper SuperCub ívafi, gírinn af Taylorcraft og stélið er mér hulin ráðgáta!!

[tf-kölski]

Er þetta Ritter?:S