Flugmódelspjallið - flugmodel.net

Borist hefur umsókn um flugmannsstöðuna í Fokkernum frá Gunther Killer nokkrum, sem skreið út úr prentaranum hjá okkur til þess að skoða aðstæður. Hann er að vísu með höfuðfat frá rangri styrjöld þannig að annaðhvort verður hann að gangast undir smávægilega lýtaaðgerð eða láta stöðuna af hendi til bróður síns, sem mun gægjast út úr prentaranum innan skamms.



Þrívíddarprentun er snilld!

Þetta er glimrandi snilld!

Frændi Gunthers, hann Manfred er með bölvaða óþægð og mætir hálfheilalaus úr prentaranum í hvert sinn sem honum er boðið upp á endurfæðingu Það er gaman að glíma við þrívíddarprentun en það má ekkert út af bera - þá fer allt til fjandans!

Þau Helmut og Blondi hafa verið afar hjálpsöm við sminkið á þriðja félaganum, honum Killer (já, Killer er þýskt nafn)

Þá hefur einn Fokkerinn loksins flogið. Hér eru myndir sem Árni tók á Melunum á fimmtudag:



Ég tók ekki eftir því að boltarnir sem halda vængnum eru næstum dottnir úr fyrr en ég var að taka saman. Vá, hvað ég slapp fyrir horn þarna! Ég er búinn að líma boltana í aftur.

Til hamingju!

Til Hamingju Guðjón,
glæsilegt,
svona model eru ekki hrist fram úr ermi.
Rafn

Takk piltar, takk.