Flugmódelspjallið - flugmodel.net

Þeir samskúrkar mínir, Árni Græniskúrkur og Mummi Litliskúrkur, færðu mér gjöf í skúrinn í gær, fallega inn pakkaða í blúndur og tjull:



Þegar ég var búinn að vefja umbúðunum utanaf kom þetta í ljós:



Hmmm? Af hverju eru félaga mínir að gefa mér plástra? Ég fatta það ekki.

Annars var Árni að reyna að maska vélarhlífina á Fokkerinn, en var greinilega ekki að gera það rétt. Litli eftirlitshundurinn sýndi honum réttu handtökin.

Það var málað smá á Grísará í morgun:
Mummi málaði stafi á Borðdúkinn:

Árni furðaði sig á penslinum


Mummi þurfti stundum að lækka sig ögn til að ná niður í Borðdúkinn.


Á meðan sprautaði Árni svart á vélarhlíf

Úti er blámóða eins og almættið sé að fljúga með of ríkan glóðarhausmótor



Þá er best að halda sig innivið og smíða. Hérna eru nokkrar símamyndir frá undanförnum dögum:

Hvað getur farið úrskeiðis þegar Gaui kveikir saman hjólastell? Hátæknislökkvibúnaður kom í fyrir stórtjón!


Stélið á Fokkernum stífað af. Stífurnar virka klunnalegar á myndunum en eru það ekki í raun.


Gert við hilluskemmdir á Me109, sem liggur í salti til betri tíma. Leutnant Gottfried Weiroster fær að hvíla sig enn um sinn í stólnum sínum góða áður en hann fer í loftið undir minni stjórn.



Veðrun á skalavél skoðuð í réttu ljósi. Felumálningin er svo góð að það þarf að leita að vængnum á myndinni en hundurinn er hins vegar í 1:1 og sennilega stærsti hundur landsins!


Eldsneytisflösku rak á fjörur Eyjafjarðar eitt kvöldið


Orrustan um Bretland í undirbúningi - hér er hugað að landvörnum.



Það er sem sagt nóg að gerast þótt rólegt sé á fréttavefnum í augnablikinu!

Kv,
Árni H

Hver keyrði svo heim eftir eldsneytisgjöfina

Ég á heima í skúrnum og Mummi er fluttur í göngufæri -- enginn þarf að aka.

Og ég var fjarri góðu eldsneyti - þeir kumpánar myndina í sms til að ergja mig...

Nei þú misskilur, við erum að gera þetta fyrir þig, svo þér finnist þú vera með okkur þegar þú ert fjarri góðu gamni! Piff ... ergja þig ...

Þetta litla vídeó datt inn á símann minn í morgun þegar ég var að prófa litla kínverska gleiðlinsu á honum - hún svínvirkar

Á síma? Flott!

Já - ef maður strýkur símunum rétthæris er oft hægt að ná furðugóðum myndskeiðum út úr þeim
Þetta er tekið með svona linsu á símanum:

Ódýrt og skemmtilegt fikt!