Flugmódelspjallið - flugmodel.net

Það skotgengur hjá Mummanum. Rörið var styrkt með því að setja glerfíber og síðan koltrefjar á milli og yfir á rifin:



Síðan setti Mummi microballoons í restina af epoxýinu og sullaði því líka á rörin til að auka límbindinguna:



Þetta verður alveg skothelt.

Næsta skref er að setja skinnið saman úr 2mm balsa. Hér er það komið:



Nú er bara að pússa það þannig að það sé nokkuð slétt og síðan líma það á miðjuna.

Í kvöld pússaði ég úthliðina á skinninu og límdi á rifin með freyðitrélími. Til að skinnið legðist vel á öll rifin hlóðum við Gaui vel af (flug!)tímaritum ofan á:



Ætli næsta skref sé þá ekki að fara í vængendana?

kv Mummi.

[quote=jons]Í kvöld pússaði ég úthliðina á skinninu og límdi á rifin með freyðitrélími. Til að skinnið legðist vel á öll rifin hlóðum við Gaui vel af (flug!)tímaritum ofan á:

https://frettavefur.net/Forum/uploadpic ... 262178.jpg

Ætli næsta skref sé þá ekki að fara í vængendana?

kv Mummi.[/quote]
Frábær aðferð til að pressa klæðninguna jafnt niður

Jæja, er ekki kominn tími á smá sumarupdate, svona rétt til að friða æsta aðdáendur?

Það er nú vægast sagt minna smíðað yfir sumarmánuðina, en þó mjakast þetta með seiglu snigilsins. Ég lauk þeirri vinnu sem hægt er að vinna í bili í miðhluta vængsins og hófst handa við vinstri vænghlutann:


Eftir að hafa lokið fyrsta áfanga í vinstra hlutanum voru mið- og vinstrihlutarnir mátaðir saman. Í stuttu máli sagt passaði þetta ótrúlega vel saman svona við fyrstu sýn (afsakið gæðin á myndinni, þetta er tekið með gemsanum):


Samsetning er svo nýhafin á hægri vænghlutanum, þar sem aðalmálið var að muna að snúa teikningunni við svo ég sæti ekki uppi með tvo vinstri hluta (þótt ég hafi aðstoðað drengina við að efna niður í vélarnar þeirra er óþarfi að setja þær saman fyrir þá líka ).

Meira (vonandi ekki löngu) síðar,
Mummi

Jæja

Samsetningu á hægri hluta er lokið (fyrsta skref) (#):


Þetta mjakast..

Over and out,
Mummi.

Flottur

Góður !

Bara svo þið vitið að það gengur ekki alltaf allt eins og í sögu á Grísará, þá er hér mynd af Mummanum með vænginn vandlega límdan við fingurinn

Góður.. hver hefur ekki lent í þessu?

Njóttu þess bara nafni minn, það er gott að láta svona eftir sér.