Flugmódelspjallið - flugmodel.net

15 flug að baki og áfram flýgur hún. Tók reyndar eftir því þegar ég var að fara yfir hana eftir þessa fluglotu(2 dögum síðar) að aðalgírinn var orðinn frekar stífur og hættur að fjaðra. Náði ekki einu sinni að koma honum saman með handafli svo það var ekkert að gera í stöðunni nema taka hann í sundur og hreinsa. Eftir að ég var búinn að ná gírnum í sundur þá var hann pússaður upp með sandpappír og steinolíu, þá var allt klabbið smurt rækilega og því næst var það sett saman. Nú verður gaman að fylgjast með og sjá hvernig framhaldið verður.

Hér er aðeins búið að bleyta upp í þessu með WD40 en það dugði ekki til.


Ekki skrýtið þó þetta hafi verið orðið fast.


Eftir smá slípun með pappír og steinolíu.


Komið saman aftur og nóg af feiti.

Ég tók eftir að þú ert byrjaður á annarri þotu - seldirðu þessa eða hvað varð um hana?

„Ákvað“ að breyta henni í kafbát eftir afmælissýninguna.

Annars er það ekkert öðruvísi með þoturnar en önnur flugmódel, maður hættir ekkert að smíða þær þó maður eigi aðrar fyrir!

Hennar mun ég líka sakna!

Já ég bara las það einhvernvegin að þú hefðir annaðhvort selt hana eða lent í happy little accident eins og Bob Ross hefði orðað það

Ég kannast vel við það að maður gefst ekkert upp þótt maður lendi í "smá" mótbyr. Varstu með vélina tryggða? (er það hægt?)

Respect, ég kann að meta svona heltekna dellukalla. Ég tengi líka við það því ég er engu skárri þótt flugmódeladellan sé bara aukadella hjá mér

Trúðu mér ekkert happy og ekkert little við það!

Já það er hægt að tryggja flugmódel en ekki gegn bilunum, alla veganna ekki hér heima. En út í löndum geturðu eflaust gert það, bara spurning hversu mikið þú vilt borga í iðgjöld. Var einmitt að bæta nýju vélinni inn á skírteinið í dag.