Flugmódelspjallið - flugmodel.net

Þetta er svona F1 ferrari

[quote=Óli.Njáll][quote=Árni H]Þú gleymdir að taka fram að það er dagsverk að þrífa smjörið af þessu! http://smileys.on-my-web.com/repository ... ha-024.gif
Ég get hins vegar vottað að það svínvirkar...[/quote]
Jahá sem sagt ef það vantar fitu virkar það ekki ! =D[/quote]
Á Skáni (Suður-Svíþjóð) er til hugtak, upprunnið í sveitinni, sem hljóðar svona í lauslegri þýðingu:

"Með valdi, vilja og smá vaselíni, er flest hægt!"

Hljóðkúturinn sem fylgdi með mótornum var þannig að langt útblástursrör hefði legið niður úr vélarhlífinni og ég hefði þurft að skera helling úr henni til að koma henni á réttan stað. Þess vegna ákvað ég að skera bara rörið af og gera gat á endann á hljóðkútnum þar sem rörið gat komið aftur úr honum. Svo ætlaði ég að nota álsuðuteina sem Dr Björn hafði látið mig fá til að lóða rörið á sinn stað.

Þegar ég var að byrja að lóða kom Gummi Haralds og tók við djobbinu -- sem betur fer, því ég hefði líkast til klúðrað því.

Hér sést hvernig rörið stendur út úr endanum á kútnum og gatið sem þarf að lóða í. Byrjasð er að hita kútinn varlega, því það á að hita stykkið sem á að lóða, ekki vírinn.:



Hér er kúturinn orðinn nægilega heitur til að vírinn byrjar að bráðna:



Hægt er að fylla þó nokkuð stór göt með þessu áli, því samloðun þess er mjög mikil:



Svo er lóðað í þar sem rörið stendur út úr kútnum:



Að síðustu þarf að prófa kútinn. Það var Mummi sem tók það að sér (en þó ekki fyrr en hann hafði kólnað):

Álið er málið

Getiði hvað ! -- Stellin komu í dag. Það tók tímann sinn - ég pantaði þau snemma í febrúar.



Nú er bara að skella sér í að klára vélina!

Juhú!

Já SÆÆÆLL FIMM mánuði á leiðinni og nokkra hringi í kringum hnöttinn???
varstu ekki búinn að afskrifa þessa pöntun?

Ég er enn að bíða eftir bol, síðan 2008, frá RCSB! Við Mike erum löngu búnir að afskrifa hann en kannski er enn von...

Nú ef bara að ganga í þetta fyrir flugkomuna!

Ég er búinn að setja hjólastellin í. Ég hafði smá áhyggjur af því að götin og boltarnir sem ég setti í fyrir nærri hálfu ári væru ekki á réttum stöðum, en það voru óþarfa áhyggjur. Allt stóðst og passaði eins og best var á kosið.

Festingin fyrir nefhjólið er búin til úr þrem krossviðarkubbum og dálítið af balsa. Ég límdi þetta saman og límdi það svo framan á eldvegginn. Hér er nefhjólastellið á sínum stað:



Það þarf 7° fleig til að halda aðalhjólastellunum í réttum halla svo þau standi rétt niður úr vængnum. Það ver lítið mál með slípivélinni góðu (nú er bara módelið hans Árna þakið ryki ). Svo boraði ég götin sem átti eftir að bora og boltaði stelklin á sína staði með M4 boltum og gaddaróm sem ég sett í þegar ég smíðaði vængmiðjuna:



Svo formaði ég lokin og skrúfaði þau á sína staði. Þetta er bara nokkuð flott, þó ég segi sjálfur frá!



Ég stóðst ekki mátið að setja hana saman og stilla henni upp á sólpallinum:



Einu áhyggjurnar sem ég hef núna er að nefhjólastellið fellur ekki eins mikið saman og aðalstellin, svo að nefið vísar of mikið upp á við. Ég verð að finna út hvernig ég get látið módelið sita þannig á jörðinni að vængurinn sé nokkurn vegin láréttur til að flugtök verði eðlileg.

Finna veikari gorm í þetta eða stytta þann sem er fyrir.