Smíðað á Grísará

[Steinþór]

flottar vélar mikil balsa slipun ,gaman að filkjast með hjá ikkur flottir karlar i skúrnum . kv steini litli málari..,

[Gaui]

Enn er haldið áfram og núna fáið þið tveggja vikna skammt af myndum og Árna í tveim ástöndum. Ég mun hoppa frá einni þotunni yfir á aðra, í sömu röð og ég tók myndirnar.

Hér er komið lok með læsingu á Vofuna. Það var ekkert sérleg mikið pláss fyrir læsinguna, svo ég reyndi að grafa hana smá inn í lokið.


Mummi er að beita uppáhalds tækni Toly Nijhius: tálga burt allt sem ekki lítur út eina og nefið á Veiðimanni.


Árni þurfti að líma trekantlista innan í nefið á Migunni. Hann notaði helling af sekúndulími.


Með fyrirsjáanlegum afleiðingum.


Nú er Mummi kominn í pússivinnuna. Það þarf að gera veiðimanninn og Miguna verulega rúnnaða.


Árni er hér að merkja fyrir því sem þarf að pússa í burtu innan úr rörinu á Migunni. Hún tekur loftið inn að framan eins og fyrirmyndin.


Hér er kominn festing fyrir hæðarstýrisservóið í Vofuna, en ég þarf að gera breytingar á henni, því þegar servóið er komið í, þá passar lokið ekki lengur á.


Árni heflar og pússar utan af migunni til að gera hana rúnaða.


Og hér er hann bara nokkuð ánægður með afraksturinn. Hann á samt eftir að gera meira.


Hér er hæðarstýrisservóið komið í Vofuna, og eins og sést, þá lækkaði ég festinguna um tvær þykktir á krossviðnum (6mm) til að lokið komist á. Þetta hafði líka þær afleiðingar að stýrisstangirnar leggjast betur á servó arminn.


Hér eru hallastýrisservóin komin í. Þarna sést líka tvennt sem ekki finnst á full stórri Vofu: gat til að soga nægilegt loft inn fyrir aðdáandann og handfang sem halda má í þegar Vofunni er grýtt á loft.


Og hér er hún svo tilbúin undir plastklæðningu, langt á undan hinum tveim. Þó hef ég ekkert unnið í henni nema þegar annar eða báðir hinur eru mættir í skúrinn.


Hér er Mummi að máta stélið á Veiðimanninn. Hann þarf að gera rauf í skrokkinn og líma stélkambinn þar niður.


Á meðan er Árni að setja saman vænginn fyrir Miguna.


En, hvað er að sjá kallinn? Jú, samkvæmt því sem hann segir sjálfur, þá var skyndilegt landris og hann varð að taka af sér fallið með andlitinu. Hann fór í svokallað sjö-spora meðferð og á eftir að vera með skemmtilegt kamóflass í framan.


Mummi er búinn að líma stélið á Veiðimanninn og er að kíkja hvort allt sé ekki nokkuð rétt. Þeir sem eitthvað þekkja til smíði vita að það er of seint að kíkja þegar búið er að líma!


Hann þarf síðan að samlíma hryggjarstykkið á Veiðimanninn og líma það á bakið á honum. Kannski fáum við að sjá það næst.


Árni setur saman stélkambinn á Miguna. Hann er holur innan og með stýrisstangir innaní, ekki bara massívur balsi eins og hjá okkur hinum.


Meira næst.

[Sverrir]

Glæsilegt! En á ekkert að leyfa okkur að sjá nýja verkefnið???

[Gaui]

[quote=Sverrir]Glæsilegt! En á ekkert að leyfa okkur að sjá nýja verkefnið??? [/quote]

Það er á Feisbúkk

[Sverrir]

Usss, mismunun er þetta gagnavart tryggum lesendahópi spjallsins.

[Gaui]

Ef það er mikil úlfúð í gangi, þá er aldrei að vita hvað gerist.

[Sverrir]

Lesendabréfin streyma inn... á faxtækjum og með bréfpósti! :rolleyes:

[gudjonh]

Ég fer aldrei á Feisbúkk

[Gaui]

Það er ekki mikið um að vera: Árni var í pílukasti (segir hann), svo Migan breyttist ekkert, ég er að setja mig í skorður til að fara að strauja plasti á Vofuna og Mummi er sá eini sem gerir eitthvað:

Hér er Mummi að skera til hryggjarstykkið fyrir Veiðimanninn:

20200211_202209.jpg (124.25 KiB) Skoðað 2832 sinnum

Svo er formaður á það rúnningur og það límt á bakið á módelinu:

20200211_205439.jpg (143.56 KiB) Skoðað 2832 sinnum

Að síðustu er notað "Fast and Furious" til að hylja allar misfellur. Það er ekki langt þar til Mummi þarf að fara kíkja í klæðaskápinn!

20200211_214624.jpg (129.98 KiB) Skoðað 2832 sinnum

[Gaui]

Enn eru þotur smíðaðar á Grísará. Vofan er, hins vegar í hvíld og bíður eftir klæðningu, en Veiðimaðurinn og Migan fá mikla athygli. Mummi byrjaði daginn á að pússa Fast & Furious af Veiðimanninum og þá er best að vera nálægt ruslafötunni.

20200216_100957.jpg (131.32 KiB) Skoðað 2802 sinnum

Árni pússaði líka, svo hratt að svo virtist sem væru fjórir pússikubbar á lofti í einu.

20200216_104407.jpg (121.05 KiB) Skoðað 2802 sinnum

Nú var komið að því að Mummi setti gat á skrokkhliðarnar á Veiðimanninum. Hann byrjaði á að teikna svona nokkurn vegin það sem er sýnt á teikningunni.

20200216_104138.jpg (98.45 KiB) Skoðað 2802 sinnum

Eftir að hann skar til feringarnar í kringum götin, þá gat hann gert þau stærri og stærri.

20200216_113605.jpg (106.22 KiB) Skoðað 2802 sinnum

Árni vandaði sig við að setja efri vör á útblásturinn á Migunni.

20200216_114908.jpg (151.89 KiB) Skoðað 2802 sinnum

Og svo notaði hann brúðargjafirnar til að forma hana til svo hún líktist því sem sýnt er á teikningunni.

20200216_115202.jpg (126.85 KiB) Skoðað 2802 sinnum

Árni límdi aðra hliðina á stélkambinn og formaði hann til eftir kúnstarinnar reglum. Næst setur hann kaplarör í kambinn áður en hann setur hina hliðina á.

20200216_122047.jpg (118.29 KiB) Skoðað 2802 sinnum

Mummi kláraði að skera loftinntökin á Veiðimanninn. Hann er smá glaður með þetta.

20200216_122104.jpg (113.83 KiB) Skoðað 2802 sinnum