Flugmódelspjallið - flugmodel.net

Dagur 60

Klæðning eða lok úr áli ofan á hjólastellsvængnum. Líklega til að komast að og laga öxulinn sem liggur í gegnum þetta. Breiðu ræmurnar settar á rifin. Hver ræma er 10 mm á breidd og þekur "saumana" sem ég var áður búinn að setja. Þetta á eftir að taka nokkra daga. Alltaf gaman að hafa verkefni sem bíða eftir manni.

Dagur 61

Dúllaði við að setja breiðar ræmur á rif. Ekki sérlega gott myndefni, en hér er ein listræn:

Dagur 62

Enn eru ræmur settar á rif. Nú á ég bara tvo hálfa vængi eftir.

Dagur 63

Ég lauk við að setja ræmur á rif, og þá var bara eftir að setja breiðari ræmur á fram- og afturbrúnir. Því miður var ég þá búinn með dúklitaða dúkinn, en átti sem betur fer dálítið af glóaldingulu Oratex. Ég raif það í 30 mm ræmur og setti á væng. Þetta verður málað PC-10 litað, svo að glóaldinguli liturinn mun ekki sjást.

Dagur 64

Flugvélar fyrri heimsstyrjaldar voru nær allar með aðferð til að losa dúkinn af skrokknum til að viðhalda stjórnvírum og öðru sem var þar fyrir innan. Í flestum tilfellum voru þetta einhvers konar kósar eða festingar sem auðvelt var að losa. S.E.5a var líka þannig. Hægt var að losa nánast allan dúkinn af báðum hliðum. Þetta þarf að herma. Ég reif niður 15 mm breiðar ræmur og braut þær saman þannig að eftir var 5 mm límkantur og 5 mm tvöfaldur kantur sem ég get sett kósa í
Svo geri ég göt fyrir 1,5 mm kósa.
Og festi kósana í með sérstöku verkfæfi.
Þetta festi ég svo á skrokkhliðarnar. Eftir að búið er að mála þræði ég band á milli kósanna. Hér er önnur röðin komin. Hin fer á á morgun.

Dagur 65

Saumakósar komnir á báðar hliðar. Þegar ég er búinn að mála er hægt að setja bandið í.

Dagur 66

Ég kom við í Vikurkaupum í morgun og sýndi þeim bút af dúk af Sopwith Pup sem ég keypti í Shuttleworth Collection í Englandi fyrir mörgum árum. Þeir gátu skannað PC-10 litinn með lítilli græju sem þeir eiga og svo blandað í dós fyrir mig. Þetta notaði ég til að mála undir kósastrimlana. Svo byrjaði ég að þræða á milli kósanna. Bandið er vaxborinn þráður u.þ.b. 1 mm í þvermál. Þetta á eftir að taka smá tíma. Þegar þetta er búið get ég sprautað módelið súkkulaði-brúnt.

Dagur 67

Verkefni vikunnar: Setja 30 mm ræmur á vængbrúnirnar og þræða bandið í kósana á hliðum skrokksins.

Dagur 68

Ég var mjög duglegur í morgun:

Ég kláraði að þræða band í kósana á baðum hliðum á skrokknum.
Svo lauk ég við að setja breiða dúkinn á brúnirnar á vængjunum.
Nú þarf ég að fara að finna til sprautukönnurnar mínar og athuga hvort ég get tengt þær við loftkútinn á verkstæðinu eð hvort ég þarf að hafa minn kút með.

Dagur 69

Ég hafði sprautukönnuna mína með á verkstæðið í morgun. Það kom í ljós að hún passar nákvæmlega á loftslönguna á verkstæðinu, svo ég er tilbúinn að byrja að sprauta.
Síðasta klæðningin er að vefja ræmu af dúk um skrokkstífurnar.
Og þá er öll klæðning komin (held ég) og við getum byrjað að sprauta á morgun.