Flugmódelspjallið - flugmodel.net

Takk, Jón. Ég er búinn að vera með kvef (flensu) síðustu rúma viku, en nú er heilsan að lagast og ég fer á verkstæðið á hverjum degi.

TF-LBP -- dagur 73

Það eina sem ég gerði í dag var að snikka til neðri hluta hægri stífuparsins og bora það fyrir átta 2 mm boltum sem verða festir í þegar glerfíberinn er kominn á. Ég límdi líka krossviðinn á hitt stífuparið.

TF-LBP -- dagur 74

Ég fór í Víkurkaup í morgun og keypti grænan lit sem passar undir flapsana (og hugsanlega á fleiri stöðum) og dundaði svo við að mála þá. Það eina sem maður þarf að passa sig á er að dýfa ekki penslinum í kaffið ( ).
Þegar TF-LBP var keypt frá Englandi var kúptur gluggi fyrir myndavél á vinstri hliðinni. Hann var tekinn af áður en vélin var send til íslands, en bótin í gatinu sást vel.
Búinn að undirbúa glerfíberinn á stífurnar með því að klippa niður ræmur af fíber, sem ég ætla svo að líma niður með epoxý kvoðu á morgun.

TF-LBP -- dagur 74

Búinn að setja glerfíber öðrum megin á vængstífurnar. Hinum megin á morgun.
Á meðan epoxýið harðnaði dúllaði ég við að setja undirstöður undir aftursætin og búa til sætið fyrir aftan flugstjórann. Það er ekki bekkur, eins og venjulega, vegna þess að börurnar fyrir sjúklinginn þurfa að komast fyrir vinstra megin í flugklefanum.

TF-LBP -- dagur 75

Ég bjó til sessur í sætin.
Svo málaði ég sessurnar svartar. Ég þarf líklega að mála aðra umferð.
Ég penslaði lokaumferð af epoxy kvoðu á stífurnar.

TF-LBP -- dagur 76

Nokkur smáverk. Þessi smíði er það langt komin að það eru nánast bara eftir smáverk. Þau vilja samt verða tímafrek.

Balsa innfylling í hjólastellið. Þetta verður svo klætt með Oratexi.
Lok fyrir aftan aftursætið. Þetta er gert úr pappa og ég var að reya að láta þetta líta út eins og segldúkur
Sessurnar límdar á sætin.

TF-LBP -- dagur 77

Það er heilmikið verk að pússa niður grunninn á stífunum. Svo setti ég M2 skrúfur í festinguna neðan á stífunni.
Ég setti Oratex á hjólastellið, grunnaði það, pússaði með P400 pappír og sprautaði með silfurmálningu.

TF-LBP -- dagur 78

Ég pússaði grunninn af seinna stífuparinu og setti svo fylliefni í holur og göt. Svo pússaði ég niður grunninn sem lak til og bjó til dropa. Það var miklu meiri vinna en ég hélt það yrði.
Svo klippti ég lengjur af rennilás, sem ætlaður er á dúkkuföt og límdi sitt hvoru megin við stélið, V vinstra megin og ...
... L á hvolfi á hægri hlðina.

TF-LBP -- dagur 79

Stífurnar eru tilbúnar: pússaðar, grunnaðar og sprautaðar með silfurmálningu. Ég maskaði innan í flapsahólfið og sprautaði svo silfurmálningu á vængina.
Silfurmálningin komin a skrokkinn.
Ég skar til álplötu undir skrokkinn að framan og bjó svo til hnoð á hana. Aðferðin er að gera hnoðið með stálvír og jafna það svo með kopar röri. Þessa aðferð fékk ég hjá Danny Fenton í Englandi, miklum meistara, sem sýnir þetta á YouTube.