Flugmódelspjallið - flugmodel.net

Dagur 89

Ég velti mikið og lengi fyrir mér hvar ég gæti staðsett rofana tvo sem þurfa að vera á þessu módeli. Að endingu setti ég smá brú inn í skrokkinn innan við úrskurðinn á milli neðri vængjanna. Þannig verður hægt að kommast að rofunum á milli hjólanna, en þeir munu aldrei sjást. Ég setti stöng úr servóinu í hallastýrið. Því miður er festingin rauð, en þar sem þessi aðferð er mjög styrk og góð, þá ætla ég að sætta mig við það. Hugsanlega mála ég þetta svart.

Dagur 90

Ég setti alla vængi á í fyrsta sinn. Það var auðveldara en ég bjóst við. Módelið er líka ekkert ofsalega stórt. Mér datt í hug að setja hreyfilinn þar sem hann á að vera og svo athugaði ég hvar vélin ballanseraði. Það er nánast á réttum stað.
Byrjaði að setja vængvírana á. Það er heilmikið verk og ég er rétt hálfnaður.

Dagur 91

Þá eru vængirnir víraðir, nema nokkrir spottar í skrokkstífurnar. Ég er að velta fyrir mér að setja herpihólka upp á þessi samskeyti til að gera þau minna áberandi. Og fyrst vængirnir eru núna fastir, þá er hægt að tengja hallastýrin saman með stöngunum sem fylgja. Í kittinu fylgja festingar fyrir vírana í stélið, en þeir ganga ekki upp, svo ég er í miðju verki að búa til nýjar úr kopar. Ég þarf að búa til 16 stykki.

Flott!

Dagur 92

Sat við og bjó til festingar fyrir vírana sem halda stélinu saman. Þetta verður verulega flott þegar allt er komið. Mér datt í hug að setja herpihólka upp á vírana til að gera þetta aðeins sléttara. Virðist virka vel.

Dagur 93

Frekar lítið gert í dag. Vírarnir úr skrokkstífunum niður í skrokkinn tóku all langan tíma, en líta vel út. Neðan í vængstífunum eru krókar sem ég var ekki búinn að festa almennilega, en þar sem öll stög eru komin, þá er tækifæri til að ganga frá þeim. Ég límdi krókana upp í stífurnar með epoxý lími. Límbandið er þarna til að varna því að límið leki niður á vænginn.

Dagur 94

Ég setti tankinn í endanlega í og festi slöngur á eldvegginn til að fylla og yfirfall. Þær ná niður fyrir botn vélarinnar. Kveikjuboxið og tvær rafhlöður.

Dagur 95

Festingar vængvíranna voru smá óáasjálegar, svo mér datt í hug að renna herpihólkum upp á þær og blása þá svo með hitablásara. Þetta er mun skárra. Ég treysti ekki alveg vængfestingum á neðri vængmiðju, svo ég útbjó koparplötur sem fara undir festiskrúfurnar, yfir hjólastellið í vængmiðjunni og skrúfast svo niður hinum megin við það. Mun traustara, sérstaklega að aftan, þar sem það eina sem hélt stellinu var 0,6 mm krossviður. Föndraði saman glugga fyrir flugmanninn.

Dagur 96

Ég setti Vickers byssuna á sinn stað, setti nokkra balsakubba í kringum hana og límdi allt niður með silikon lími. Og hér er svo virki hlutinn á byssunni. Flugmaðurinn var aðeins of stuttur í annan endann, svo ég límdi balsakubb undir hann til að hann nái nógu hátt upp. Og hér er mælaborðið komið í og flugmaðurinn mátaður á sinn stað (ég er ekki búinn að líma hann). Hann virðist geta nýtt sér vopnið.

Dagur 97

Ég keypti nokkur flísteppi fyrir slikk í Rúmf...JYSK. Silla tók að sér að sauma poka fyrir vængina. Ég lauk við að binda upp stélið. Ég fékk loksins fittings frá Modelfixings í Englandi og kláraði með því stögin sem halda stélinu. Það verður ekki langt þangað til þetta módel verður flughæft.