Smíðað á Grísará

[Gaui]

Eins og sumir vita, þá er einn smíðafélaginn í skúrnum á Geísará svartur með fjórar fætur. Hann smíðar ekkert viðlíka eins og við hinir, en hann þarf alltaf að mæta í skúrinn og vill bara vera hjá okkur. Stundum velur hann sér þó ekki bestu staðina til að liggja á og bíða eftir því að einhver fái sér kex. Þá er bara að vera nógu lappalangur til að geta staðið allt í kringum hann.

[Guðjón]

er ekkert að frétta af smíðunum ykkar?

[Árni H]

[quote=Guðjón]er ekkert að frétta af smíðunum ykkar?[/quote]
Jújú - en það æðir svo sem ekkert áfram. Það styttist í klæðningu, sparsl og trebba í vængnum hjá mér.

Vængrörið komið í og bara eftir að klæða að neðan með balsa.


Mummi og Gaui eru að vinna í skrokkunum - mörg handtök og smá

Kv,

Árni H

[Haraldur]

Er þetta glassúr á vængrörinu?

[Gaui]

Glassúr er ágætt nafn á þetta. Þetta er blanda sem Árni bjó til af því hann átti ekki MicroBalloons: epoxý og matarsóti. Það má líka nota talkúm.

[Árni H]

Hehe - það átti enginn að taka eftir sóðaskapnum
Glassúr er hins vegar fínt nýyrði á svona ósóma! Prófa kannski flórsykur næst...

[Björn G Leifsson]

Nei... en sætt!



Kveðjur frá Istanbúl
BGL

[Gaui]

Jæja, enn er smíðað á Grísará.

Sveinbjörn keypti sér einn Tiger 60 frá Usa, en fyrir einhvern misskilning kom bara hluti sendingarinnar. Hinn hlutinn hefur líklega endað í aðalstöðvum SAS í Kaupm.h. Það er samt ekki ástæða til að byrja ekki á módelinu:



Mumma gengur vel með Fokkerinn og hér er hann að vanda sig við að sprauta KR litina á stélið. Maður sér að hann er að vanda sig af þvi það kemur fram í einbeitingarsvipnum á andlitinu:



Rúnar keik við og límdi síðasta stikkið í Stikkaravænginn.



Óli Njáll hélt áfram með sinn Stikk: nú var það stélið sem fór á skrokkinn og seinna um kvöldið balsatoppurinn ofan á hann. Þetta skotgengur hjá kallinum.



Árni er ennþá að dúlla sér við Fokker vænginn og hér er hann að setja saman neðra skinnið á vængendana.



Og svo fór Mummi að klæða Fokkerskrokkinn með hvítu Solartexi.

[Árni H]

Nokkrar myndir frá síðasta fimmtudagi - allt í rólegheitum í sveitinni en að Grísará fauk balsinn sem fyrr.

Spekúlerað í D.VIII


Önnum kafnir flugmódelmenn (Myndin ætti eiginlega að heita: Hvar er Sveinbjörn?)




Flugstjórnarklefarnir mátaðir af tveimur umsækjendum um stöður flugmanna hjá Jasta 6. Annar virðist hokinn af reynslu og tók öllu með stóískri ró en hinn fölnaði svolítið þegar hann sá hvaða vinnuumhverfi var í boði

Lífið gengur sem sagt sinn vangagang hjá "The Fokkers" að Grísará.

Kveðjur,
Árni Hrólfur

[Gaui]

Smá meira frá fimmtudeginum.

Siggi frá Grenivík kom og byrjaði að setja saman Decathlon:



og Rúnar pússaði vænginn sinn:



Svo læddist Krían inn í skúr, sem hún veit hún má ekki) og Mummi verðlaunaði hana fyrir ódæðið með því að gefa henni kex: