Farmhand 90 - Fjósamaðurinn

[Árni H]

Sko bara - Orustukindin bara skotgengur!

[Gaui]

Stýrin verða sett á í fyrramálið og jafnvel að vængurinn verði settur saman -- hver veit

[Gaui]

Þá er annar vænghelmingurinn tilbúinn.

Ég setti lamirnar í stýrin: fimm í hallastýrið og þrjár í flapann, eftir að ég var búinn að forma þau til.



Þá gat ég límt vængendann á og sett á hann þá kubba og spýtur sem eftir voru:



Nú var komið að servóboxunum. Ég skar út það pláss sem ég taldi þurfa og þyljaði það innan með 3mm balsa. Þá verður til snyrtilegt box sem servóið situr í. Ég hugsa að ég máli það að innan með svipuðum lit og verður á vængnum þarna (blátt eða hvítt) áður en ég festi servóið í.



Það síðasta sem ég gerði var að fitta miðjufestingarnar í. Ég ákvað að hafa vænginn í einu lagi og því verður hann bara límdur saman eins og segir í leiðbeiningunum.

[Haraldur]

Á veggurinn á bak við stýrinn að vera svona opinn?
Fyllist þetta ekki bara af drullu?

[Björn G Leifsson]

[quote=Haraldur]Á veggurinn á bak við stýrinn að vera svona opinn?
Fyllist þetta ekki bara af drullu?[/quote]
Klæðningin straujast yfir. Maður festir ekki lamirnar fyrr en búið að klæða.

[Gaui]

Haraldur

Það væri alveg hægt að klæða þetta með balsa, en það er alveg óþarfi, þar sem plastklæðningin kemur yfir þetta, eins og Doktorinn sagði.

Ég er nú búinn með báða vænghelminga og lími þá sjálfsagt saman annað kvöld

[Björn G Leifsson]

[quote=Gaui]Haraldur

Það væri alveg hægt að klæða þetta með balsa, en það er alveg óþarfi, þar sem plastklæðningin kemur yfir þetta, eins og Doktorinn sagði.

Ég er nú búinn með báða vænghelminga og lími þá sjálfsagt saman annað kvöld [/quote]
Hafðirðu hugleitt að hafa þá í tvennu lagi?

Ég er alvarlega að íhuga það sjálfur.

[Flugvelapabbi]

Sæll Haraldur,
Eg held að strakarnir ætli ekki með þessar velar i florinn þo FJOSAMENN heiti, en það er gamann að fylgjast með þessu hja ykkur og en meiri verður skemmtunin i sumar þegar Fjosamennirnir fljuga um loftin bla.
Kv
Einar

[Gaui]

Doktor

Ég velti því fyrir mér og bjó meira að segja til vængsperrur úr kolfíber til að prófa, en ákvað að það væri of mikið vesen. Vænghafið er ekki nema rétt rúmlega tveir metrar svo ég kem honum í alla mína bíla.

[Gaui]

Þá er ekki aftur snúið: ég límdi vænginn saman:



Tveir metrar og tuttugu sentímetrar - með þeim stærri, en ekki óviðráðanlegt. Næsta mál á dagskrá er að setja tunguna í hann að framan og líam svo glerfíberborða á miðjuna. Eini borðinn sem ég á er úr samofnum kolfíber og glerfíber. Dálítið flott, en ætti að duga:



Ég set inn meira þegar þetta er komið.