Tenerife - 23.desember 2021

[stebbisam]

Smá jóla/módel/pistill.
Hér minnir fátt á jólin, fáar skreytingar og jólatréið okkar er bara 34cm og 10 kúlur. Spönsk jól eru reyndar ekki fyrr en 6 janúar, en þeir umbera okkar jóladag og veitingastaðir hér taka mið af því.
En jólamaturinn okkar verður alíslenskur "carne de cerdo ahumada" sem við köllum hamborgarhrygg og við hlustum á messuna kl.6 á morgun.

Garðyrkjustöð í nágrenninu er með sömu jólasveinaflugvélina og í fyrra, en hún flýgur sennilega aldrei og er ekki til sölu.

Gaman væri nú að geta skroppið á Arnarvöll og hitt félagana en það er ekki í boði að sinni. Í staðin fann ég tvo góða staði til að fljúga, annar hérna rétt hjá og hinn um 24km fyrir austan, báðir við ströndina.
Ég fór snemma í morgun að fljúga, logn og kalt í morgunsárið kl.9, 20°, en um hádegið er vanalega 25+, alltaf austan 10m vindur og vel nothæft uppstreymi.

Myndirnar segja meira en mörg orð - gleðileg jól til allra heima á fróni.

[maggikri]

Sæll Stebbi

Alltaf gaman að fá pistil frá þér! Yljar okkur um hjartaræturnar.
Við hugsum til þín hér á fróni og látum okkur dreyma um suðræna strönd!


Jólao og áramótakveðjur frá klakanum.

MK

[Sverrir]

Gaman að þessu, bestu kveðjur í sólina!

[arni]

Flottur Stebbi.Gleðileg Jól til ykkar.
Kv.Árni F.