Flugmódelspjallið - flugmodel.net

MIGHTY BARNSTORMER

Flugbrautin við Skáldalæk, 22. júlí, 2003.

Barnstormerinn flaug eins og engill. Hægt og virðulega á meðan hreyfillinn gekk, en sveif eins og sviffluga þegar dó á honum. Ætlaði bara alls ekki að lenda.

SKY 120

Þegar tvö flugmódel eru á sama stað á sama tíma, þá verður eitthvað að gefa eftir. SKY 120 skaddaðist á vinstri væng við að rífa stélið af flugvélinni hans Elvars. Sú tók lóðbeint strik í jörðina og stakkst svo harkalega niður að það tók Elvar góðan hálftíma að grafa mótorinn upp. Ég náði stjórn á SKY 120 og tókst að lenda eftir margar tilraaunir til að krassa.

Vinstri vængurinn ofanfrá. Þetta er ekki svo svakalegt, hugsaði ég.
Ég byrjaði að gera við vænginn í dag og þá kom í ljós að tjónið var aðeins meira en ég hélt:
Búinn að heinsa frá að neðan og líma það seem var lausst, en féll í gamlar skorður.
Meira seinna

Nytt rif komið á sinn stað og fölsk frambrún. Ég á ekki léttkrossvið, svo 4mm birkikrossviður verður að duga.
Efri balsaklæðningin límd niður. Smá fylliefni áður en ég pússa allt slétt. Neðri balsaklæðningin límd á. Og svo frambrúnn. Nú þarf þetta allt að þorna og svo hefla ég allt til og pússa.

Ég uppgötvaði þegaar ég var að byrja að pússa að tvær lamir höfðu brotnað.
Þetta hefur gerst áður, svo ég vissi hvað ég átti að gera: skera brotnu lamirnar í burtu svo ég getir límt nýjar í.

Gaui skrifaði: ↑31. Ágú. 2023 13:07:37 Smá fylliefni áður en ég pússa allt slétt.

Hvaða fylliefni er þetta?

Sverrir skrifaði: ↑1. Sep. 2023 17:25:15 Hvaða fylliefni er þetta?

Það er þetta. Það fæst í Víkurkaupum á Dalvík.

Enn er reynt að laga vænginn á SKY 120.

Ég límdi lamir í götin og skar svo til balsakubba sem ég límdi ofan á þær.
Svo skar ég ofanaf þeim og pússaði niður. Ekki erfitt.
Nú þarf ég bara að klæða vængendann upp á nýtt og módelið ætti að vera tilbúið til flugs.

Þá er vængurinn tilbúinn:
Nú er komið upp annað vandamál: annar af boltunum sem halda hljóðkútnum er laus. Ég lenti í þessu áður og þá setti ég málm-epoxý í götin og snittaði fyrir M5 boltum í saðinn fyrir M4. Nú er annar þeirra laus aftur. Í staðinn fyrir að fikta eitthvað við Zenoah 38 mótorinn, þá ætla ég að setja DLE35 í staðinn.

Nú er nýr mótor kominn í SKY 120: DLE 35 RA.
Gamla vélarhlífin passar á aftur, en það eru óþörf og of stór göt á henni. Ég er búinn að panta nýja frá SLEC.

Það er einn galli við að skipta úr Zenoah í DLE: það er um 1200 gramma munur á þyngd á þessum mótorum. Zenoah er um 2300 grömm, en DLE er bara 1100 grömm.

Til að jafnvægisstilla módelið byrjaði ég á að grafa allt blý úr afturendanum á SKY.
Mér fannst þetta vera alveg hellingur þegar ég tróð þessu þarna í, en þetta reyndust bara vera 125 grömm. Nú er blýið farið, en ég þarf líklega að troða um kílói af blýi fyrir aftan mótorinn.