Flugmódelspjallið - flugmodel.net

Við Elfar höfum fengið inni hjá stórfyrirtæki á Dalvík. Við byrjuðum í dag að koma okkur fyrir.
Það verður smíðað þarna.

Flott!

kv
MK

Þetta er glæsilegt!

Schnilld, til lukku!

Fleiri myndir úr kjallaranum. Í kvöld var fyrsta opinbera smíðakvöldið okkar og við erum að koma okkur vel fyrir.

Ég er byrjaður að hreinsa klæðninguna af SKY 120. Ég þarf að laga ýmsar skemmdir og klæða hann upp á nýtt. Elvar er að smíða skrokk fyrir CAP 21 upp úr teikningu frá Practical Scale í Þýskalandi. Það er bjart og hlýtt hjá okkur og nóg pláss ef einhverjir aðrir vilja vera með. Við tókum "eldhúskrókinn" í gegn og settum upp kaffikönnu. Þaður smíðar ekki án þess að fá kaffi! Skrokkrifin verða til hjá Elvari. Steve Holland setti út á öryggisbúnaðinn, svo ég notaði allt og sendi honum. Honum fannst ég hefði þurft að setja upp hanska. gaui

Ég tók meiri filmu af SKÆjaranum í morgun. Ég vissi að mýsnar á Grísará höfðu nagað hægri vængin sæmilega vel, en á sínum tíma bara plastaði ég yfir skemmdirnar og hélt áfram að fljúga. Nú kom í ljós hvað þetta var mikið ver og hellingur sem þarf að laga. Það tekur margar heimsóknir í kjallarann að laga.

Mýsnar höfðu m.a. reynt að naga sig út úr vængnum, gerðu gat á balsaklæðninguna og skófu plastfilmuna að innan. Þetta leit svona út: Ég tók plastfilmuna af í morgun og þá kom þetta í ljós: Greinilegt að ég þarf að endurnýja balsaklæðninguna eitthvað. Ég reyni að sýna margt af því sem ég þarf að gera við.

Það má alveg nefna að ég þurfti að skipta um allar leiðslur í báðum vængjum: einangrun er greinileg mesta namm í heimi.

gaui

Skemmtilegt smíðakvöld í kjallara stórfyrirtækis á Dalvík. Mér tókst að fylla í holuna á vængnum. Nú líður mér eins og tannlækninum í Karíus og Baktus. Þessi (heimasmíðaða?) slípivél var hér i kjallaranum þegar við komum okkur fyrir. Elvar notaði hana vel í kvöld. Hellingur af fylliefni til að gera hægri vænginn sléttan. Hinn er jafnvel verri. Elvar er byrjaður að raða saman CAP 21 skrokknum á svona alvöru smíðabretti. Fleiri myndir á laugardag.
gaui

Stórglæsileg slípivél! Og ekki er verra að það sé Cap á borðinu!

Það er enn smíðað í kjallara stórfyrirtækis á Dalvík:

Það skotgengur með CAPpann hjá Elvari: Og SKY fölnar upp. Það er erfiðara en sýnist að rífa gamla klæðningu af og tekur sæmilega langan tíma. Það koma líka í ljós skemmdir sem ég haf bara gert við til bráðbyrgða og þarf núna að laga vel. Meira í næstu viku?
gaui

Þessi vika í kjallara stórfyrirtækis á Dalvík:

Elvar er farinn að setja stélið á CAPpann: SKY 120 er eiginlega tilbúinn fyrir plastklæðningu. Hér er ég að pússa niður litinn á vélarhlífinni. Haukur Guðjónsson kom sér fyrir í kjallaranum með pínulítið smíðaverk: árabát. Ingimundur kom með tifsög sem hann á og vill að við geymum fyrir hann. Hún var sett upp og prófuð og virkar fínt. Hér er ég búinn að grunna vélarhlífina á SKY 120. Nú má þessi grunnur harðna í nokkra daga og svo renni ég yfir hann með fínum blautpappír áður en ég renni litnum á hana.