Flugmódelspjallið - flugmodel.net

Um þessar mundir eru rétt tæplega 30 ár liðin frá því að Flugmódelfélag Suðurnesja var stofnað en það gerðist þann 9. desember 1992 og í tilefni af því var efnt til afmælisflugkomu á Arnarvelli í dag. Fyrstu menn voru mættir á svæðið rétt fyrir 11 og tók þá þessa líka flotta frostþoka á móti þeim ásamt glampandi sól, enda öllu tjaldað til í tilefni dagsins.

Flugmódelmenn létu þokuna ekki stoppa sig og hófu sig óðara til flugs enda hreyfði ekki hár á höfði mestu bítla svæðisins sem þó voru húfulausir! Frostþokuna tók þó að létta þegar nær dróg hádegi þannig að enn meira varð um flug við það og svona hélt fjörið áfram fram eftir degi.

Félagið bauð svo upp á veitingar í tilefni dagsins sem menn gerðu góð skil í hlýjum skúrnum.

Við þökkum þeim sem sáu sér fært að mæta út á Arnarvöll og samfagna með okkur í tilefni af deginum.

Frímann var svo fulltrúi smáskaladeildarinnar á staðnum.

Glæsilegar myndir og myndband og umfjöllun og flott flugkoma hjá þér Sverrir.

Það hefur margt gerst á 30 árum,. Hver hefði trúað því að Flugmódelfélag Suðurnesja hefði verið í þessari stöðu varðandi aðstöðu, fjölda félagsmanna og velvildarmanna ofl. Ekkert af þessu gerist að sjálfu sér.

kv
Magnús Kristinsson

Mikið flottar myndir og myndskeið, eins og maður væri kominn á staðinn.
En það var ekki í boði að sinni og verður að nægja að senda afmæliskveðjur norður yfir hafið héðan af sólarströnd.
Frekar kuldalegt að sjá ykkur í frostþokunni þótt vel séu klæddir, BRrrr.

Skemmtilegar myndir og geggjaður flugdagur hjá ykkur afmælisbörnunum