SKYLARK

[Gaui]

DAGUR 1

Það bar til um þessar mundir að boð kom frá módelmanni á Suðurlandi að skrásetja skyldi smíði á flugmódeli. Hann sendi mér módelið sem ég átti að smíða og var það SKYLARK frá West Wings.

20230103_152939.jpg (141.95 KiB) Skoðað 669 sinnum

Þegar ég opnaði kassann kom þetta í ljós:

20230103_153414.jpg (136.27 KiB) Skoðað 669 sinnum

Ég hrissti af mér flensuna sem hefur böggað mig í allt of marga daga og kom mér fyrir á verkstæðinu í kjallar stórfyrirtækis á Dalvík. Til að byrja með tók ég saman alla elektrónik sem þarf í þetta módel og kom því fyrir í safnkassa. Smáhlutir í módelið geta einnig farið í þennan kassa.

IMG_8176.JPG (147.53 KiB) Skoðað 669 sinnum

Allir hlutir eru út skornir, en enginn er merktur á plöturnar, svo ég þurfti að bera saman teikningu í leiðbeiningunum og brettin úr kassanum. Því miður höfðu öll vængrifin losnað úr brettinu, þannig að til að merkja þau þurfti ég að raða þeim í brettið á ný.

IMG_8175.JPG (139.17 KiB) Skoðað 669 sinnum

þá var hægt að merkja.

IMG_8177.JPG (149.46 KiB) Skoðað 669 sinnum

Hér eru svo öll vængrifin sem þar í báða vænghelminga. Þetta tók alveg þokkalegan tíma.

IMG_8178.JPG (140.99 KiB) Skoðað 669 sinnum

Ég ákvað að byrja á stélinu. Stélkamburinn var lítill og léttur og ég raðaði honum saman með stöngum úr kassanum. Ég notaði mest gula trélímið frá Jóni V. og Tomma, en líka smá sekúndulím.

IMG_8180.JPG (163.13 KiB) Skoðað 669 sinnum

Stélflöturinn var álíka auðveldur, bara smá stærri.

IMG_8182.JPG (158.96 KiB) Skoðað 669 sinnum

Þetta fær að harðna til morguns og þá pússa ég þetta til og raða skrokknum saman.

gaui

[Gaui]

DAGUR 2

Flensan hefur sett smá strik í smíðina og ég hef ekki haft heilsu til að fara á verkstæðið fyrr en nú. En nú skal haldið áfram.
Stélið var losað upp og pússað slétt. Nú vantar bara að forma það smávegis. Ég geri það áður en ég klæði það.

IMG_8184.JPG (159.3 KiB) Skoðað 625 sinnum

Hægri skrokkhliðin er smíðuð á teikningunni, sett saman úr framstykki og 3 x 4,5mm balsa prikum. Hér er ég að setja glært límband á öll samskeyti (gleymdi auðvitað einu) svo ég geti gert vinstri hliðina alveg eins.

IMG_8189.JPG (165.01 KiB) Skoðað 625 sinnum

Hér er vinstri hliðin buin til ofan á þeirri hægri.

IMG_8190.JPG (159.7 KiB) Skoðað 625 sinnum

Og hérna eru hliðarnar báðar límdar, alveg eins, sem er frekar mikilvægt.

IMG_8192.JPG (162.43 KiB) Skoðað 625 sinnum

Fyrstu skrokkrifin eru hér límd í hægri hliðina. Það er mikilvægt að þau séu lóðrétt á hliðina. Þegar þetta er þurrt verður vinstri hliðin límd á líka,

IMG_8193.JPG (169.35 KiB) Skoðað 625 sinnum

Meira um það næst (ef ég held heilsu).

[Gaui]

DAGUR 3

Skrokkurinn heldur áfram:

Vinstri hliðin er límd ofan á rammana. Vinkillinn sýnir hvort hliðarnar eru réttar eða ekki.

IMG_8197.JPG (149.75 KiB) Skoðað 590 sinnum

Næst eru framrifin límd í og skrokkurinn tekinn saman að framan. Vængsætið er líka límt á sinn stað.

IMG_8198.JPG (166.1 KiB) Skoðað 590 sinnum

Afturhluti skrokksins er límdur saman ofan á teikningunni til að öruggt sé að hann taki ekki á sig form banana. Þverböndin eru límd í ofan og neðan til að skrokkurinn fái rétt lag.

IMG_8199.JPG (167.57 KiB) Skoðað 590 sinnum

Næst eru það hálfrifin ofan á hrygginn.

IMG_8200.JPG (164.43 KiB) Skoðað 590 sinnum

Og svo langböndin á bakið.

IMG_8201.JPG (165.41 KiB) Skoðað 590 sinnum

Botninn að framan er sýndur á teikningunni og skorinn út. Þá passar hann alveg sæmilega.

IMG_8204.JPG (135.87 KiB) Skoðað 590 sinnum

Og hér er hann kominn báðum megin og skrokkurinn orðinn nokkuð stífur og réttur.

IMG_8206.JPG (158.18 KiB) Skoðað 590 sinnum

Meira á morgun. g

[Gaui]

DAGUR 4

Ýmis smá verk á skrokknum geta tekið mjög langan tíma.

Hér er ég búinn að fella 1,5mm balsa inn í afturhlutann þar sem stýriskaplarnir eiga að koma. Ég er líka búinn að merkja fyrir þeim.

IMG_8208.JPG (148.86 KiB) Skoðað 567 sinnum

Og hér eru stýriskaplarnir komnir á sinn stað í skrokknum. Ég lét þá enda ofar en sýnt er á teikningunni því það getur verið afar erfitt að komast að servóum sem eru mjög djúpt ofan í skrokknum.

IMG_8210.JPG (169.48 KiB) Skoðað 567 sinnum

Ég bætti við smá bút fram í nefið, sem ekki er sýndur á teikningunni. Það er vegna þess að mig langar til að prófa flugtog og til þess verður smá kapalbútur að liggja fram í nefið. Lykkja á bandi kemur í gegnum gat á hliðinni og kapallinn heldur í hana á meðan togið á sér stað.

IMG_8212.JPG (142.59 KiB) Skoðað 567 sinnum

Ég athugaði líka hvort rafhlaðan kæmist fram í nefið og stækkaði gatið í rifinu fyrir hana.

IMG_8213.JPG (127.84 KiB) Skoðað 567 sinnum

Það verður togkrókur neðan á skrokknum og hann skrúfast í krossviðarbút sem ég límdi í botninn. Hann verður við hliðina á skíðinu sem kemur undir botninn.

IMG_8215.JPG (142.3 KiB) Skoðað 567 sinnum

Hér eru komnir bitar fyrir servóin. Það verða þrjú servó í skrokknum: hæðarstýri, hliðarstýri og sleppikrókur.

IMG_8217.JPG (141.7 KiB) Skoðað 567 sinnum

Hér er ég búinn að setja balsa ofan á nefið og forma hann til.

IMG_8218.JPG (129.87 KiB) Skoðað 567 sinnum

Það síðasta sem ég gerði áður en ég fór hem var að líma krossviðarform og balsakubba fyrir blá nefbroddinn á skrokknum.

IMG_8219.JPG (149.56 KiB) Skoðað 567 sinnum

Meira næst.

[Gaui]

DAGUR 5

Í dag klárum við skrokkinn og byrjum á vængnum.

Hér er ég búinn að pússa nefið til svo það er fallega rúnnað.

IMG_8221.JPG (138.57 KiB) Skoðað 547 sinnum

Flugmannsklefanum er raðað saman á skrokknum.

IMG_8223.JPG (163.96 KiB) Skoðað 547 sinnum

Nú vantar bara kúpuna, sem er úr glæru plasti. Ég þarf líklega að finna einhvern flugmann til að sitja þarna.

IMG_8224.JPG (136.04 KiB) Skoðað 547 sinnum

Hér er ég að byrja að raða saman hægri vængnum. Maður byrjar á því að búa til afturbrúnina. Svo leggur maður niður vængbitann og raðar rifjunum á.

IMG_8225.JPG (151.58 KiB) Skoðað 547 sinnum

Rifin eru öll fræst út úr krossviði. Gallinn við það er að öll inn-horn eru rúnnuð af því fræsitönnin er rúnnuð. Þá þarf maður að nota trekanntþjöl til að laga hornin. Hér sést að ég er búinn að laga raufina fyrir neðri bitann, en sú efri er enn rúnnuð. Þetta þarf að gera við öll rifin (hellingur af þeim) og það tekur langan tíma.

IMG_8226.JPG (159.33 KiB) Skoðað 547 sinnum

Hér eru hlutarnir í vænginn tilbúnir og bíða bara eftir að ég raði þeim saman.

IMG_8227.JPG (133.99 KiB) Skoðað 547 sinnum

Meira seinna.

[Gaui]

Dagur 6

Annar vængurinn langt kominn.

Ekki mikið um að vera í dag: Ég limdi niður rifin á neðri bitann og lyfti endarifinu upp um 3mm áður en ég setti efri bitann í.

IMG_8228.JPG (164.99 KiB) Skoðað 530 sinnum

Svo setti ég efri balsaklæðninguna á frambrúnina.

IMG_8232.JPG (117.3 KiB) Skoðað 530 sinnum

Þetta þarf að þorna til morguns. Ég formaði líka stélið og pússaði, en mundi ekki eftir að taka myndir af því.

[Gaui]

Dagur 7

Hægri vængurinn nánast kláraður.

Nú gat ég límt neðra skinnið á farmbrúnina og svo pússað bæði efra og neðra skinn að rifjunum undir.

IMG_8239.JPG (126.96 KiB) Skoðað 525 sinnum

Svo límdi ég listann fyrir frambrúnina framan á vænginn. Þetta þarf að fá að þorna almennileg, svo ég pússa það ekki til fyrr en á morgun.

IMG_8241.JPG (162.63 KiB) Skoðað 525 sinnum

Ég límdi mjúkan 12x12mm kubb á endann og forma hann líka til á morgun.

IMG_8244.JPG (146.68 KiB) Skoðað 525 sinnum

Og svo sat ég góða stund í þægilegum stól og undirbjó rifin fyrir vinstri vænginn.

IMG_8245.JPG (161.97 KiB) Skoðað 525 sinnum

Meira seinna.

[Gaui]

DAGUR 8

Hægri vængurinn kláraður og byrjað á þeim vinstri.

Hér er ég búinn að pússa til og forma hægri vænginn. Nú á ég bara eftir að setja servó í vænginn, en við komum að því síðar.

IMG_8247.JPG (120.74 KiB) Skoðað 513 sinnum

Hér er ég byrjaður á vinstri vængnum. Þetta er að öllu leiti eins og sá hægri, þannig að ég set bara inn "öðruvísi" myndir.

IMG_8249.JPG (165.09 KiB) Skoðað 513 sinnum

Vængrótin með aðhallamátann og kaffibollann á sínum stöðum: tvent sem er algerlega nauðsynlegt þegar vængir eru smíðaðir.

IMG_8251.JPG (166.5 KiB) Skoðað 513 sinnum

Ég veit ekki hvort það þarf svona mikið farg, en það er ekkert verra að halda vængnum niðri.

IMG_8252.JPG (158.7 KiB) Skoðað 513 sinnum

Og hér er vængendinn.

IMG_8255.JPG (116.79 KiB) Skoðað 513 sinnum

Meira næst.

[Gaui]

DAGUR 9

Þetta var fyrsta vers, nú kemur annað vers og það er alveg eins.

Þegar maður er búinn að smíða einn væng, þá verður hinn alveg eins, nema að það er á hina höndina.

Hérna er klæðningin tilbúin á vinstri vænginn.

IMG_8258.JPG (150.03 KiB) Skoðað 481 sinni

Klæðningin límd á vængrótina.

IMG_8259.JPG (167.25 KiB) Skoðað 481 sinni

Afturbrún á vængendanum lyft upp um 3 mm til að fá vængsnúning (washout).

IMG_8262.JPG (121.5 KiB) Skoðað 481 sinni

Og frambrúnarklæðningin komin á.

IMG_8264.JPG (163.27 KiB) Skoðað 481 sinni

Meira næst.

[Gaui]

DAGUR 10

Vængirnir límdir saman.

Síðustu skrefin á vinstri vængnum til að hann verði kominn jafnt hinum hægri: Hér er ég að snyrta til efra skinnið svo ég geti límt það neðra á sinn stað.

IMG_8266.JPG (153.46 KiB) Skoðað 464 sinnum

Og svo er frambrúnin límd á.

IMG_8268.JPG (129.83 KiB) Skoðað 464 sinnum

Vængendinn settur á sinn stað.

IMG_8269.JPG (133.64 KiB) Skoðað 464 sinnum

Nú eru vængirnir komnir á sama ról og hér er ég að fitta aðhallabitann í vængræturnar:

IMG_8270.JPG (134.3 KiB) Skoðað 464 sinnum

Og þá er ekkert annað en að lyfta öðrum vængendanum upp um 95mm eins og tilgreint er á teikningunni og sulla nóg af epoxí lími þar sem þeir snertast. Taktu eftir að ég hafði rænu á að setja plast undir svo vængirnir límdust ekki fastir við brettið.

IMG_8274.JPG (165.71 KiB) Skoðað 464 sinnum

Meira síðar.