Frábær dagur að baki í Helgafellinu en þar voru 15 flugmódelmenn að fljúga hang megnið af deginum í fínustu aðstæðum til að æfa sig fyrir Iceland Open F3F 2023 sem hefst á morgun og stendur yfir fram á mánudag. 18 flugmenn eru skráðir til leiks og þeir sem koma allra lengst að koma alla leið frá Japan og Taívan, ekkert smávegis ferðalag til að heimsækja okkur og taka þátt í mótinu með okkur. Aðrir flugmenn koma frá Bretlandi, Danmörku, Sviss, Þýskalandi og að sjálfsögðu frá Ísland!
Veðrið í dag voru 8 til 6 m/s og á köflum niður í 4 m/s en það kom ekki að sök þar sem það er öflugt uppstreymi í hlíðunum, hálfskýjað í byrjun dags en létti svo til þegar leið á og blár himinn blasti við megnið af deginum. Þó nokkuð mikið magn mynda var tekið og verður það að bíða betri tíma að fara almennilega í gegnum þær og velja úr til birtingar en þangað til er hér smá vídeó af deginum sem sýnir hluta af flugmönnunum skemmta sér í hlíðum Helgafells.
Helgafell - 28.apríl 2023
Helgafell - 28.apríl 2023
Icelandic Volcano Yeti