Jerry Bates 1/4 scale Cessna 172 Skyhawk

[gudjonh]

"Þetta fylliefni minnir svakalega á gamla góða Rauða Djöfsa, meira að segja ilmar eins."
Já einhvertíman var í gangi auglýsing. "Ilmurinn er indæll og bragðið eftir því"!

[Gaui]

Eg þarf, semsagt, að smakka það.

[Gaui]

TF-FRU -- Dagur 29

Ég opnaði skrokkinn að aftan svo stélið passar núna í. Bandið er til að mæla stöðu stélsins svo það sé rétt.

20240117_094311.jpg (125.99 KiB) Skoðað 1243 sinnum

Ég skrúfaði í servóin fyrir hæðarstýrin og hliðarstýrin. Móttakarinn verður nokkurn vegin þar sem hann er núna og rofarnir við hina hliðina.

20240117_110547.jpg (142.22 KiB) Skoðað 1243 sinnum

[Gaui]

TF-FRU -- dagur 30

Ég byrjaði daginn með tilraun: ég fékk frá vini mínum á Írlandi helling af efni sem kallast Peel Ply og virkar þannig að maður setur það á glerfíber og síðan, þegar resinið er orðið hart, þá rífur maður það af aftur og eftir situr sléttur glerfíber. Þetta er dótið sem maður notar: epoxý kvoða (resin), einnota pensill, glerfíber og Peel Ply.

20240118_094102.jpg (128.09 KiB) Skoðað 1236 sinnum

Maður byrjar á því að leggja glerfíberinn á módelið með kvoðunni. Mér skilst að maður geti sullað á eins miklu af resini og maður vill, en ég stóðst ekki mátið að draga úr því með pappaspjaldi.

20240118_095651.jpg (140.74 KiB) Skoðað 1236 sinnum

Svo er Peel Ply efnil lagt á og pappaspjald, spil eða krítarkort notað til að festa það í kvoðuna.

20240118_100438.jpg (144.13 KiB) Skoðað 1236 sinnum

Á meðan epoxýið herðnar (hægt, það er svo kalt á verkstæðinu) ákvað ég að líma 2,5 mm balsa á báðar hliðar hrygguggans.

20240118_104406.jpg (133.88 KiB) Skoðað 1236 sinnum

Ég setti líka hliðarstýrið á stélkambinn og mátaði hann á skrokkinn. Módelið minnkar ekki við þetta.

20240118_105849.jpg (129.12 KiB) Skoðað 1236 sinnum

[Gaui]

TF-FRU -- dagur 31

Ég reif Peel Ply efnið af stélfletinum. Ég bjóst við átökum, en þetta var mun auðveldara en ég gerði ráð fyrir.

20240119_091716.jpg (134.97 KiB) Skoðað 1220 sinnum

Áferðin á stélinu er afar góð, Það mótar fyrir Peel Ply efninu, en engir resin pollar neins staðar. Þetta verður flott. Ég er búinn að setja glerfíber og Peel Ply á efra skinnið og hlakka til að pússa þetta smá á morgun.

20240119_091801.jpg (124.66 KiB) Skoðað 1220 sinnum

Ég setti stýrishorn á servóin í vængnum. Hér eru flapsaservóin. Það kostaði smá heilaleikfimi að setja þau rétt svo þau ýti og togi bæði eins, en ekki sitt á hvað eins og hallastýrisservóin.

20240119_112304.jpg (148.83 KiB) Skoðað 1220 sinnum

[Gaui]

TF-FRU -- Dagur 32

Ég hreinsaði fæturnar ofan af vængrifjunum. Er að vísu ekki búinn að fá flapsalamirnar, en geri þetta samt.

20240120_111351.jpg (128.98 KiB) Skoðað 1204 sinnum

Ég þurfti að setja glerfíber á frambrúnina á stélfletinum vegna þess að mér tókst ekki að láta glerdúkana skarast.

20240120_111819.jpg (136.3 KiB) Skoðað 1204 sinnum

Og svo setti ég glerfíber á aðra hliðina á stélkambinum, ásamt Peel Ply dúknum.

20240120_111826.jpg (135.39 KiB) Skoðað 1204 sinnum

[Gaui]

TF-FRU -- Dagur 33

Ég er að setja glerfíber á hæðarstýrin og þeð er tvennt sem ég þarf að gera. Í fyrsta lagi, þá set ég seinna plast skinn á stýrin (kem að því seinna hvað þetta er) svo ég þarf ekki að setja þykkan glerfíber á þau. Ég get notað 25g/m² glerfíber í stað 48 g/m². Hitt er að hluti af Peel Ply dúknum er krumpaður vegna þess að hann var brotinn seman og settur í kassa. Ég prófaði að strauja þessar krumpur úr með straujárni stillt á lægsta hita. Það tókst.

20240122_095418.jpg (141.57 KiB) Skoðað 1184 sinnum

Hér er glerfíber og Peel Ply á hæðarstýrunum.

20240122_120137.jpg (114.02 KiB) Skoðað 1184 sinnum

Ég útbjó tvær plötur fyrir móttakara og rofa og setti í skrokkinn.

20240122_120121.jpg (138.75 KiB) Skoðað 1184 sinnum

[Gaui]

TF-FRU -- dagur 34

Glerfíbervinnan heldur áfram, en á sama ákvað ég að búa til og líma í stýrishornið á hliðarstýrið. Ég gróf úr pússi mínu smá plötu út G-10, eða pressaðan glerfíber, 1,5 mm að þykkt, sem notaður er í rafeindavörur, tölvur og svoleiðis. Á þetta teiknaði ég stýrishornið sem sýnt er á teikningunni.

20240124_103131.jpg (123.08 KiB) Skoðað 1166 sinnum

Ég notaði svo handfræsara frá Proxxon og skurðarblað til að skera út hornið. Götin voru boruð með 1,5 mm bor.

20240124_105618.jpg (117.2 KiB) Skoðað 1166 sinnum

Ég gerði rauf í hliðarstýrið með tifsöginni okkar og límdi svo hornið í með epoxý limi.

20240124_112439.jpg (146.91 KiB) Skoðað 1166 sinnum

[Gaui]

TF-FRU -- dagur 35

'Eg sprautaði grunni á stélflötinn í gær og núna pússaði ég hann nánast í burtu.

20240125_095317.jpg (133.76 KiB) Skoðað 1150 sinnum

Það voru nokkrar rispur sem ég þurfti að fylla í. Ég nota hér Motip Finishing Putty, en ég er að verða búinn með túpuna og þetta fæst ekki lengur. Af hverju þarf alltaf að hætta að selja huti sem mér líkar vel við?

20240125_102545.jpg (126.08 KiB) Skoðað 1150 sinnum

Og hér er ég búinn að pússa fylliefnið niður. Nú þarf bara þunna umferð af grunni og pússningu með P400 pappír og stélið er tilbúið

20240125_111407.jpg (145.29 KiB) Skoðað 1150 sinnum

[Gaui]

TF-FRU Dagur 36

Ég ákvað að búa til nýtt hjólastell vegna þess að það sem ég gerði eftir teikningunni er of stutt. Ég bjó til nýtt skapalón fyrir stellið eftir þeim málum sem gefin eru upp og þá lengist hjólastellið um rúman sentimeter. En fyrst þarf ég að losa það gamla. Ég skar balsann frá þar sem stellið er og gerði ráð fyrir 6 mm veggjum bæði fyrir framan og aftan.

20240127_095715.jpg (144.07 KiB) Skoðað 1129 sinnum

Ég útbjó 6 mm veggi framan og aftan við stellið og límdi þá í.

20240127_112801.jpg (137.4 KiB) Skoðað 1129 sinnum

Ég pússaði veggina niður og setti svo kubb á milli, sem ég aðlaga að skrokknum þegar nýja stellið er komið.

20240127_120230.jpg (149.24 KiB) Skoðað 1129 sinnum