Flugmódelspjallið - flugmodel.net

Ég leita ykkar ráða reynsluboltar,

Er með þennan líklega 17 ára gamla Ripmax Trainer sem mig langar til að klæða í nýjan dúk. Stélið límdi ég á sínum tíma með tveggja þátta epoxy og ég spyr, hvernig er best að ná þessu í sundur til að klæða á ný? Lumið þið á leynitrixum?

Kkv. PEJG

Frábært verkefni. Ég myndi byrja á því að nota hita. Rífðu filmuna af og notaðu svo hitablásara til að hita límið varlega upp. Lítill kíttisspaði er rétta verkfærið til að pota á mill. Ekki nota hníf, því hann getur bæði skorið balsann og mann sjálfan. Lykillinn er að fara sér hægt og taka góðan tíma í þetta.

Aftur á móti, ef stélið er vel fast, þá er spurning hvort það tekur því að losa það af. Það ætti ekki að vera erfitt að klæða módelið þó stélið sé á.

Takk fyrir góð ráð!