Re: Hvort er betra: PPM eða PCM ?
Póstað: 7. Sep. 2005 08:21:29
Hvort er betra: PPM eða PCM ?
Miklar umræður hafa verið um hvort betra sé að nota gamaldags PPM (stundum ranglega kallað FM) eða nýtísku PCM tækni, og sýnist sitt hverjum. Töluverður misskilningur um eðli PCM tækninnar gerir það að verkum að margir hræðast hana.
Við getur borið þessa tækni saman við farsímatæknina. Hér á landi eru tvær gerðir farsíma, gamla NMT kerfið og nýja GSM kerfið. NMT kerfið er „analog“ (hliðrænt) og GSM kerfið er „digital“ (PCM eða stafrænt). Í GSM kerfinu eru merkin kóðuð nánast á sama hátt og í PCM fjarstýringum, þ.e. með því að senda talnakóðuð skeyti milli staða. Í NMT símakerfinu eru merkin send með hliðrænni mótun, svipað og í gömlu PPM fjarstýritækninni.
Spurning: Í hvoru kerfinu er minna um truflanir, GSM eða NMT?
Einnig getum við borið fjarstýritæknina saman við hljómplötur. Nýja PCM tæknin er „digital“ svipað og geisladiskar. Gamla PPM tæknin er „analog“ svipað og gömlu vinyl plöturnar.
Spurning: Hvort er meiri hljómgæði í geisladisk eða vinyl grammófónplötu? Hvor tæknin þolir betur rispur (truflanir)?
Spurning: Hvers vegna eru myndir frá t.d. Mars miklu skarpari en myndir í gamla óstafræna Sjónvarpinu? Samt er miljón sinnum lengra til Mars en sjónvarpssendisins! ( http://antwrp.gsfc.nasa.gov/apod/ap050907.html )
Svar: Myndir frá Mars eru sendar með PCM tækni, en myndir í sjónvarpinu berast með analog (PPM) tækni. Stafrænt sjónvarp er nú að koma í stað hins gamla góða og eru myndgæðin miklu meiri.
Jæja, ert þú ekki orðinn sannfærður um að PCM tæknin sé betri en PPM tæknin? Hvers vegna notar þú ekki PCM?
Er það vegna þess að þú hefur heyrt bull um PCM og trúað því?
Sumir segja, að það sé miklu betra að hafa einhverja stjórn á módelinu heldur en enga. PCM geti fest í „hold“ og módelið stefnt stjórnlaust í jörðina, meðan hugsanlega sé hægt að fljúga módelinu, e.t.v. mjög skrykkjótt, í gegn um truflunina með PPM.
Er það svo?
Nei!
Módelið festist ekki í „hold“ í einhvern óskilgreindan tíma, og stýrifletir fara ekki í einhvert torskilið „fail-safe“!
a) Lendi maður í mikilli truflun sem varir skamma stund, t.d. hálfa sekúndu, gerist þetta:
• Gamaldags PPM: Módelið rollar eða fer í kollhnís! Hjartað fer alla leið niður í buxur.
• Nýtísku PCM: Ekkert sjánlegt gerist. Hjartað á sínum stað.
b) Lendi maður í mikilli truflun sem varir í 2 sekúndur gerist þetta:
• Gamaldags PPM: Módelið hoppar og skoppar og endar jafnvel undir grænni torfu.
• Nýtísku PCM: Lítið sjánlegt gerist, nema módelið hafi verið að stefna niður á við í lítilli hæð. Mótor fer í hægagang eftir að truflun hefur staðið í 1 sekúndu, en fer svo aftur á sama snúning og áður. Þannig verðum við vör við að truflun hafi átt sér stað.
c) Lendi maður í miðlungs eða töluverðri truflun sem varir í 5 sekúndur eða lengur gerist þetta:
• Gamaldags PPM: Frá sendinum berast tugir skeyta á sekúndu. Frá gamla PPM sendinum berast bjöguð og brengluð merki, en viðtækið veit ekki betur en þau séu í lagi. Módelið hendist út um allar trissur, en við höfum e.t.v. einhverja takmarkaða stjórn.
• Nýtísku PCM: Frá sendinum berast tugir skeyta á sekúndu. Merkin eru öll kóðuð á talnaformi, og þversumma eða gát-tölur fylgja öllum skeytum. Móttakarinn tekur ekki mark á brengluðum skeytum, en hleypir aðeins þeim sem eru í lagi að stýrivélunum (servó). Segjum að 9 af hverjum 10 skeytum séu brengluð, en 1 af 10 komist í gegn. Hvað gerist? Eiginlega lítið! Við höfum fulla stjórn, en módelið virðist vera þyngra en venjulega, því það er eitthvað viðbragðsseinna. Ef við setjum hallastýrið 20% til hægri með stýripinnanum, þá fer það þangað og ekkert annað,- e.t.v. eftir smá töf. Mótorinn fer ekki einusinni í „fail-safe“! Það er ekki fyrr en að móttakarinn hefur ekki getað unnið úr skeytum samfellt í heila sekúndu sem mótorinn (og / eða þeir stýrifletir sem við óskum) fer í „fail-safe“ hægagang. Það er auðvitað gert til að minnka tjónið og slysahættu, ef allt er komið í endanlega steik!
Þetta hlýtur að sannfæra alla um, að PCM sé miklu betra en PPM, svipað og GSM er betra en NMT og geisladiskar betri en vinylplötur, og stafrænt sjónvarp betra en gamaldags hliðrænt!
Lang besti kosturinn er Dual Conversion PCM viðtæki!
Viljir þú að hjartað sé á sínum stað í brjóstkassanum, en ekki í buxunum, þá notar þú að sjálfsögðu PCM! Gættu að því hvað TOC kapparnir nota. Þeir vita hvað þeir eru að gera. Þar þola menn ekki ósjálfráða kollhnísa og veltur.
Mín reynsla er að PCM viðtæki eru miklu langdrægari og öruggari en PPM.
Getur verið að þeir sem eru að fljúga stórum módelum hér á landi noti ekki PCM og noti ekki fail-safe? Er það ekki ábyrgðarleysi?
Miklar umræður hafa verið um hvort betra sé að nota gamaldags PPM (stundum ranglega kallað FM) eða nýtísku PCM tækni, og sýnist sitt hverjum. Töluverður misskilningur um eðli PCM tækninnar gerir það að verkum að margir hræðast hana.
Við getur borið þessa tækni saman við farsímatæknina. Hér á landi eru tvær gerðir farsíma, gamla NMT kerfið og nýja GSM kerfið. NMT kerfið er „analog“ (hliðrænt) og GSM kerfið er „digital“ (PCM eða stafrænt). Í GSM kerfinu eru merkin kóðuð nánast á sama hátt og í PCM fjarstýringum, þ.e. með því að senda talnakóðuð skeyti milli staða. Í NMT símakerfinu eru merkin send með hliðrænni mótun, svipað og í gömlu PPM fjarstýritækninni.
Spurning: Í hvoru kerfinu er minna um truflanir, GSM eða NMT?
Einnig getum við borið fjarstýritæknina saman við hljómplötur. Nýja PCM tæknin er „digital“ svipað og geisladiskar. Gamla PPM tæknin er „analog“ svipað og gömlu vinyl plöturnar.
Spurning: Hvort er meiri hljómgæði í geisladisk eða vinyl grammófónplötu? Hvor tæknin þolir betur rispur (truflanir)?
Spurning: Hvers vegna eru myndir frá t.d. Mars miklu skarpari en myndir í gamla óstafræna Sjónvarpinu? Samt er miljón sinnum lengra til Mars en sjónvarpssendisins! ( http://antwrp.gsfc.nasa.gov/apod/ap050907.html )
Svar: Myndir frá Mars eru sendar með PCM tækni, en myndir í sjónvarpinu berast með analog (PPM) tækni. Stafrænt sjónvarp er nú að koma í stað hins gamla góða og eru myndgæðin miklu meiri.
Jæja, ert þú ekki orðinn sannfærður um að PCM tæknin sé betri en PPM tæknin? Hvers vegna notar þú ekki PCM?
Er það vegna þess að þú hefur heyrt bull um PCM og trúað því?
Sumir segja, að það sé miklu betra að hafa einhverja stjórn á módelinu heldur en enga. PCM geti fest í „hold“ og módelið stefnt stjórnlaust í jörðina, meðan hugsanlega sé hægt að fljúga módelinu, e.t.v. mjög skrykkjótt, í gegn um truflunina með PPM.
Er það svo?
Nei!
Módelið festist ekki í „hold“ í einhvern óskilgreindan tíma, og stýrifletir fara ekki í einhvert torskilið „fail-safe“!
a) Lendi maður í mikilli truflun sem varir skamma stund, t.d. hálfa sekúndu, gerist þetta:
• Gamaldags PPM: Módelið rollar eða fer í kollhnís! Hjartað fer alla leið niður í buxur.
• Nýtísku PCM: Ekkert sjánlegt gerist. Hjartað á sínum stað.
b) Lendi maður í mikilli truflun sem varir í 2 sekúndur gerist þetta:
• Gamaldags PPM: Módelið hoppar og skoppar og endar jafnvel undir grænni torfu.
• Nýtísku PCM: Lítið sjánlegt gerist, nema módelið hafi verið að stefna niður á við í lítilli hæð. Mótor fer í hægagang eftir að truflun hefur staðið í 1 sekúndu, en fer svo aftur á sama snúning og áður. Þannig verðum við vör við að truflun hafi átt sér stað.
c) Lendi maður í miðlungs eða töluverðri truflun sem varir í 5 sekúndur eða lengur gerist þetta:
• Gamaldags PPM: Frá sendinum berast tugir skeyta á sekúndu. Frá gamla PPM sendinum berast bjöguð og brengluð merki, en viðtækið veit ekki betur en þau séu í lagi. Módelið hendist út um allar trissur, en við höfum e.t.v. einhverja takmarkaða stjórn.
• Nýtísku PCM: Frá sendinum berast tugir skeyta á sekúndu. Merkin eru öll kóðuð á talnaformi, og þversumma eða gát-tölur fylgja öllum skeytum. Móttakarinn tekur ekki mark á brengluðum skeytum, en hleypir aðeins þeim sem eru í lagi að stýrivélunum (servó). Segjum að 9 af hverjum 10 skeytum séu brengluð, en 1 af 10 komist í gegn. Hvað gerist? Eiginlega lítið! Við höfum fulla stjórn, en módelið virðist vera þyngra en venjulega, því það er eitthvað viðbragðsseinna. Ef við setjum hallastýrið 20% til hægri með stýripinnanum, þá fer það þangað og ekkert annað,- e.t.v. eftir smá töf. Mótorinn fer ekki einusinni í „fail-safe“! Það er ekki fyrr en að móttakarinn hefur ekki getað unnið úr skeytum samfellt í heila sekúndu sem mótorinn (og / eða þeir stýrifletir sem við óskum) fer í „fail-safe“ hægagang. Það er auðvitað gert til að minnka tjónið og slysahættu, ef allt er komið í endanlega steik!
Þetta hlýtur að sannfæra alla um, að PCM sé miklu betra en PPM, svipað og GSM er betra en NMT og geisladiskar betri en vinylplötur, og stafrænt sjónvarp betra en gamaldags hliðrænt!
Lang besti kosturinn er Dual Conversion PCM viðtæki!
Viljir þú að hjartað sé á sínum stað í brjóstkassanum, en ekki í buxunum, þá notar þú að sjálfsögðu PCM! Gættu að því hvað TOC kapparnir nota. Þeir vita hvað þeir eru að gera. Þar þola menn ekki ósjálfráða kollhnísa og veltur.
Mín reynsla er að PCM viðtæki eru miklu langdrægari og öruggari en PPM.
Getur verið að þeir sem eru að fljúga stórum módelum hér á landi noti ekki PCM og noti ekki fail-safe? Er það ekki ábyrgðarleysi?