Jæja, nú er þetta búið
Tilraun til að hjálpa syninum af stað með flugmódel hefur gjörsýkt sjálfan mig og núna er búið að draga allt hálfsmíðaða draslið mitt síðan hér í den fram og byrjað að skrúfa ... ég á eldgamlan Graupner Piper Cherokiee sem er klæddur með efni sem ég kann ekki að vinna með. Þetta er einhverskonar glerfíber/nælon dúkur sem er þannig ofinn að auðvelt er að móta hann yfir módelið. Þetta er hvítur dúkur, en ég átta mig ekki á með hverju hann er límdur niður. Módelið er hálfsmíðað og búið að klæða vænginn, en dúkurinn er farinn að slakna og hlaupa upp í bólur, en mér tókst að strekkja hann að einhverju leiti með hita. Nú koma spurningarnar fyrir ykkur snillingana:1. Hvaða fjan... dúkur er þetta.
2. Með hverju á að líma þetta niður
3. Hvernig málningu má nota til að mála yfir þetta (eða má það ekki)
4. Hvað trix notar maður til að strekkja þetta (eins og á vængina) þegar þetta hleypur upp?
5. Á maður kannski frekar að rífa þetta af og setja monocote/hitafilmu?
-G
