Flugmódelspjallið - flugmodel.net

Fyrr í vetur var ég að lesa módelblöð og þá vakti athygli mína lítil combatvél, sem er smíðuð úr ódýru efni. Uppistaðan í henni er ferkantað niðurfallsrör (1700 kr meterinn - dugar í tvær vélar) og venjulegt hvítt frauð (500 kr í eina vél). Eftir nokkurt japl ákvað ég að smíða svona vél og líka að reyna að fá félaga mína til að gera slíkt hið sama - enda um combatvél að ræða. Ekki skemmdi svo fyrir að sjá nokkru seinna að svipaðar pælingar voru í gangi sunnanlands! http://frettavefur.net/Forum/viewtopic.php?id=3490

Þar sem raðsmíði er ekki óþekkt fyrirbrigði að Grísará var auðsótt mál að fá Gaujann og Mummann í þetta djarfa og framsækna verkefni. Teikningin var pöntuð í hvelli og byrjað.

Hér verður stiklað á stóru í smíðinni á þessari fljótsmíðuðu vél:


Búið að skera út skrokkinn. Það tók ekki langan tíma með Dremel.


Ég smíðaði skurðarboga úr Mahoganíi. Uppdráttinn fann ég á netinu og þessi bogi svínvirkar. Breiddin er u.þ.b. einn meter.


Svona líta vængkjarnarnir út. Ég notaði frauð, sem var heldur þéttara en þetta venjulega einangrunarplast.


Fram- og afturbrúnir komnar á og bara eftir að pússa. Það kom á óvart hversu vel hvíta plastið pússast. Vængurinn er ekki klæddur með balsa, heldur er filman sett beint á frauðið. Það er svolítið dútl við að fella vængbita og styrkingar niður í frauðið.


Mótorfestingin er úr krossvið og skrúfast í botninn á skrokknum. Einfalt!


Stélin eru tvö - meira fyrir lúkkið en stöðugleikann. Enginn rudder.


Hérna er vélin að skríða saman - vantar bara vænginn.


Allt komið saman nema hæðar/hallastýrin vantar. Auðvitað var Gaui fyrstur með sína vél. Hann er alltaf að stelast í skúrinn á kvöldin

Þetta eru ekki fallegustu vélar í heimi en ég hef grun um að skemmtanagildið eigi eftir að vega upp á móti sérkennilegu útliti. Þetta er líka afar fljótsmíðuð vél og ódýr. Efnið fæst í næstu byggingavöruverslun og svo er bara að nota afganga og annað dót til þess að klára dæmið. Mótorstærðin er .25 til .40.

Jæja, svo er bara að fara á netið, finna sér rétta streemera til að hengja aftan í og byrja gamanið! Það er til dæmis tilvalið að koma með nokkrar svona á flugkomur sumarsins sunnanlands og norðan.

Kveðjur bestar,
Árni Hrólfur

Magnað, það stefnir í virkilega fjörugt sumar flott þetta félagar.

Kveðja úr Brekkusíðuni
Kjartan

Já, þetta verður gaman! Þessar vélar eiga að víst að vera mjög þægar ef þær eru vel upp settar. Ég séð myndir af þeim með hjólastelli og meira að segja á flotum! Svo ekki sé minnst á tveggja hreyfla Gremlininn, sem ég sá mynd af.

Nokkrar myndir af netinu:




Maður verður náttúrulega að reyna að forðast svona árekstra en þetta er ástæðan fyrir því að flestir búa sér til aukasett af vængjum, stélum og mótorfestingum!


Þetta stefnir í gott sumar!

Kv,
Árni H

Helvíti er ég ánægður með ykkur Er búið að testfljúga? Hvað settuð þið stóran mótor í vélarnar?

-Gunnar

Testflug er ekki enn orðið. Það er ein vél tilbúin, en það er ekki hægt að flúga henni begna þess að mig vantar nippil á hljóðkútinn, en um leið og hann kemur, þá fer hún í loftið.

Mótorstærð er mismunandi: ég er með .25 mótor, en Árni og Mummi ætla að nota .40 mótora. Það verður fróðlegt að sjá hvað flýgur best. Gremlininn er hannaður fyrir .25.

Gaui talandi um nippil, er það nippillinn sem ég fékk hjá þér

Jebbs.

Nippillinn er kominn í hús til gauja þannig að nú flýgur vélin vonandi brjáðlega

Gremlinsmíðin skotgengur, a.m.k. á minn mælikvarða! Hérna er vængurinn að verða klár, klæddur með þessari líka fallegu, ólívugrænu filmu.


Svo var ákveðið að gerast páskalegri í litavali


Hérna er svo Gremlininn hans Gauja ásamt mínum. Það er stefnt að testflugi um páskana ef veður leyfir. Það
verður óneitanlega spennandi að fljúga svona combatdóti!


Kveðjur bestar,
Árni H

það er bara snild hvað mikið hefur gerst síðan ég var hjá ykkur síðast, svo er að vona það viðri til flugs um páskana